news

ముఖ్యమంత్రి హెచ్‌డి కుమారస్వామి ఆప్తుడి నివాసంపై ఐటీ దాడి జరగడం మంత్రులతో పాటు పలువురు అధికారులలో దడపుట్టిస్తోంది. సీఎం కుమారస్వామి వ్యవహారాలను పర్యవేక్షించే ఛార్టెడ్‌ అకౌంటెంట్‌ సునీల్‌ నివాసంతో పాటు కార్యాలయంపైనా ఏక కాలంలో దాడి జరిగింది. సీఎం కుమారస్వామిని మానసికంగా దెబ్బతీసేందుకే ఈ ఐటీ దాడి జరిగిందని విమర్శలు జోరందుకున్నాయి. ఈ మేరకు విధానసౌధ పోలీసు స్టేషన్‌లోను ఫిర్యాదు చేశారు. దాడి ఆరంభమైన కాసేపటికే కొందరు కీలక మంత్రులు నేరుగా సీఎం కుమారస్వామితో ఫోన్‌లో మాట్లాడినట్లు తెలుస్తోంది. కేవలం ఛార్టెడ్‌ అకౌంటెంట్‌పై దాడితోనే సరిపెట్టుకుంటారా? లేక మా పైనా దాడులు కొనసాగునున్నాయా అని పలువురు మంత్రులు ఆందోళన వ్యక్తం చేశారు.

ఎన్నికలకు ముందు కాంగ్రెస్‌ నేతలపై ఐటీ దాడులు సాగాయని ప్రస్తుతం జేడీఎస్‌ ముఖ్యులపై గురిపెట్టారని ఆరోపణలు వ్యక్తమవుతున్నాయి. సీఎం కుమారస్వామి కుటుంబీకులు పలు వ్యాపారాల్లో భాగస్వాములుగా ఉన్నారు. కుటుంబీకులకు ఇబ్బంది కలిగించడమే ఐటీ దాడి ఉద్దేశమని పార్టీ సీనియర్‌ నేత ఒకరు అభిప్రాయపడ్డారు. ఛార్టెడ్‌ అకౌంటెంట్‌ సునీల్‌ నివాసమైన జేపీనగర్‌తో పాటు గుట్టహళ్ళిలోని కార్యాలయంలోను పలు రికార్డులను స్వాధీనం చేసుకున్నారు. వాటిలో ఏమాత్రం ఆధారాలు లభించినా ప్రభుత్వంలోని కీలకులకు ఇబ్బంది తప్పదనిపిస్తోంది. అధికారం దక్కలేదన్న అక్కసుతోనే బీజేపీ ఈ కుట్రపన్నిందని విమర్శలు వినిపిస్తున్నాయి.

19 ఏళ్ల తరువాత, టీమిండియాలోకి ఆంధ్రప్రదేశ్ నుంచి ఎంట్రీ దొరికింది. ఇంగ్లండ్‌తో జరగబోయే నాలుగు, ఐదో టెస్టులకు హనుమ విహారి (24)ని జట్టులోకి తీసుకుంది బీసీసీఐ. విహారితో పాటు 18 ఏళ్ల టీనేజ్ సెన్సేషన్ పృథ్వీ షాను సైతం ఎంపిక చేసింది. ఇంగ్లండ్ టూర్‌లో పూర్తిగా విఫలమైన ఓపెనర్ మురళీ విజయ్, స్పిన్నర్ కుల్‌దీప్ యాదవ్‌ను జట్టు నుంచి తప్పించి..వారి స్థానాల్లో యువ ప్లేయర్లను జట్టులోకి తీసుకున్నారు సెలెక్టర్లు. హనుమ విహారి స్వస్థలం..ఏపీలోని కాకినాడ. దేశవాళీ క్రికెట్‌లో హైదరాబాద్ జట్టు నుంచి కెరీర్ ప్రారంభించిన విహారి..ప్రస్తుతం ఆంధ్రా జట్టుకు ఆడుతున్నాడు. 2010 నుంచి 2016 వరకు హైదరాబాద్ జట్టుకు ప్రాతినిధ్యం వహించాడు. 2016-17 సీజన్‌లో ఆంధ్రా జట్టుకు మారిన తర్వాత విహారి కెరీర్‌ ఊపందుకుంది.

ఫస్ట్ క్లాస్ క్రికెట్‌లో బ్యాట్‌తో సత్తాచాటిన విహారి 5142 పరుగులు చేశాడు. 15 సెంచరీలతో పాటు 22 అర్ధ సెంచరీలు సాధించాడు. 302 అత్యధిక స్కోరు. 2017-18 సీజన్‌లో మెరుగైన ప్రదర్శనతో టాప్‌-5లో నిలిచాడు. ఆరు మ్యాచ్‌ల్లోనే 94 సగటుతో 752 పరుగులు చేయడంతో పాటు అతడి కెరీర్‌ బెస్ట్‌ ట్రిపుల్‌ సెంచరీ (302 నాటౌట్‌) సాధించాడు. క ఈ ఏడాది ఇరానీ కప్‌లో అతడు 183 పరుగులు సాధించాడు. 98 పరుగులకు ఆరు వికెట్లు పతనమైనదశలో జయంత్‌ యాదవ్‌తో కలిసి ఏడో వికెట్‌కు 216 పరుగుల భాగస్వామ్యాన్ని అందించాడు. క్రీజులో సుదీర్ఘంగా నిలదొక్కుకోవడం విహారికున్న ప్రత్యేక లక్షణం. చివరి ఐదు రంజీ సీజన్లలో 11 సెంచరీలు సాధించడం అతడి స్టామినాను తెలుపుతోంది.

ఆంధ్ర క్రికెట్‌ నుంచి భారత టెస్టు జట్టుకు ప్రాతినిధ్యం వహించిన వారిలో ప్రస్తుత జాతీయ సెలెక్షన్‌ కమిటీ చైర్మన్‌ ఎమ్మెస్కే ప్రసాద్‌ చివరి ఆటగాడు. 1999లో న్యూజిలాండ్‌పై వికెట్‌ కీపర్‌గా అతడు అరంగేట్రం చేశాడు. అప్పటి నుంచి ఈ ప్రాంతం నుంచి ఆ స్థాయిలో అంచనాలు పెంచిన ఆటగాడు ఇప్పటిదాకా లేడు. కానీ 19 ఏళ్ల ఎదురుచూపుల అనంతరం 24 ఏళ్ల హనుమ విహారి ఇప్పుడు టెస్టు జట్టులోకొచ్చేశాడు. అంచనాలకు తగ్గట్టుగానే కెప్టెన్‌గా, ఆటగాడిగానూ రాణించి ఏకంగా ఇప్పుడు టీమిండియా తలుపు తట్టాడు. అంతేకాక ఫస్ట్‌క్లాస్‌ క్రికెట్‌లో ఇప్పటివరకు ఏ బ్యాట్స్‌మెన్‌కూ సాధ్యం కానంత అత్యధిక సగటు (59.45) అతడిది. ఫస్ట్‌క్లాస్‌ మ్యాచ్‌ల్లో టీమిండియా కెప్టెన్‌ విరాట్‌ కోహ్లి, మేటి బ్యాట్స్‌మెన్‌ రోహిత్‌ శర్మ, చతేశ్వర్‌ పుజారాల సగటు సైతం 53 నుంచి 55 శాతమే కావడం గమనార్హం.

విశాఖ ఎంపీ కొత్తపల్లిగీత తన కొత్త రాజకీయపార్టీని ఈరోజే ప్రకటన చేయనున్నారు. విజయవాడలోని బెంజ్ సర్కిల్‌ లో ఉన్న జ్యోతి కన్వెన్షన్ హాలులో ఏర్పాటు చేయనున్న కార్యక్రమంలో పార్టీకి సంబంధించిన వివరాలు వెల్లడించనున్నారు. గీత గత ఎన్నికలలో వైసిపీ తరపున అరకు నుండి పోటీచేసి గెలుపొందారు. అయితే ఏపీలో టిడిపి ప్రభుత్వం ఉండడంతో ఆమె టిడిపిలోకి జంపు చేస్తారనే ప్రచారం సాగింది. దానికి వైసిపీ క్రమశిక్షణ రాహిత్య చర్యలకు కూడా పూనుకోవాలని చూసింది. అయితే ఆమె తర్వాత టిడిపికి కూడా దూరంగానే ఉన్నారు. బీజేపీలోకి వెళ్తారని ప్రచారం కూడా రాగా ఇప్పుడు ఏకంగా కొత్తపార్టీని పెట్టడానికి సన్నాహాలు చేశారు.

మహామహా యోధులే పార్టీలను పెట్టి, నడపలేక ఆపసోపాలు పడుతుంటే, కొత్తపల్లి గీత పార్టీ పెట్టటం ఆశ్చర్యం కలిగిస్తుందని, రాజకీయ విశ్లేషకులు అంటున్నారు. ఒక పక్క పవన్ కళ్యాణ్ మొన్నటి దాక డబ్బులు లేవు అని చెప్పి, గత మూడు నెలల నుంచి మాత్రం డబ్బులు మంచినీళ్ళులా ఖర్చు పెడుతున్నారు. హైదరాబాద్ లో రెండు కొత్త ఆఫీస్ లు, విజయవాడ లో రెండు ఎకరాల్లో ఇల్లు, పార్టీ ఆఫీస్, రెండు చానల్స్, ఒక న్యూస్ పేపర్, ఇలా అన్నీ మూడు నెలల్లో సమకూరాయి. అయితే, పవన్ వెనుక ఉన్న జాతీయ పార్టీ ద్వారానే ఇవన్నీ చేస్తున్నారనే ప్రచారం ఉంది. ఇప్పుడు కొత్తపల్లి గీత పార్టీ వెనుక కూడా ఆ జాతీయ పార్టీనే ఉందని అంటున్నారు. దానికి కారణాలు కూడా చెప్తున్నారు.

చంద్రబాబుని దించాలి అంటే, కేవలం కులాల వారిగా ప్రజలను విభజించి మాత్రమే అది సాధ్యమని ఆ జాతీయ పార్టీ నమ్ముతుంది. అందుకే జగన్, పవన్ ద్వారా కొన్ని సామాజకవర్గాలను టార్గెట్ చేసి, ఇప్పటికే పనిలో పడ్డారు. ఇప్పుడు కొత్తపల్లి గీత పార్టీ పెట్టి, ఆమెను బలోపేతం చేసి, అన్ని వానరులు ఇచ్చి, దళిత, గిరిజన సామాజిక వర్గాలను చంద్రబాబు నుంచి దూరం చేసే ఆలోచన చేసింది ఆ జాతీయ పార్టీ. ఈ కొత్త పార్టీ 2-3 శాతం ఓట్లు, తెలుగుదేశానికి దూరం చేసినా చాలని వారి వ్యూహం. కర్ణాటకలో కూడా, ఆ జాతీయ పార్టీ ఇదే వ్యూహం అమలు చేసింది. అల్ ఇండియా మహిళా ఎంపవర్మెంట్ పార్టీ పేరుతో, నౌహేరా షేక్ అనే మైనార్టి మహిళ చేత పార్టీ స్థాపించి, 224 నియోజకవర్గాల్లో పోటీకి దింపి, దాదాపు ౩౦౦ కోట్లు ఖర్చు పెట్టి, ప్రధాన పార్టీల ఓట్లు చీల్చేలా చేసి సక్సెస్ అయ్యారు. ఇప్పుడు కొత్తపల్లి గీతతో కూడా, అదే వ్యూహం మన రాష్ట్రంలో పారించాలని, చంద్రబాబుని ఓడించాలని చూస్తున్నారు.