news

నిరుద్యోగ భృతి కింద ఒక్కొక్కరికీ నెలకు రూ.1000 ఇచ్చే విధంగా ముఖ్యమంత్రి చంద్రబాబు నాయుడుగారు మంత్రివర్గ సమావేశంలో ఆమోద ముద్ర వేశారు. ఈ పథకానికి ‘ముఖ్యమంత్రి -యువనేస్తం’ అని నామకరణం చేశామన్నారు. ఆగస్టు 3 లేదా 4న నిరుద్యోగుల నమోదు ప్రక్రియ ఆరంభం అవుతుందని తెలిపారు. ప్రజా సాధికార సర్వేలాగా ఈ కేవైసీ జరుగుతుందన్నారు. 22 నుంచి 35 ఏళ్ల మధ్య వయసున్న నిరుద్యోగులకు భృతి అందజేస్తామని పేర్కొన్నారు. ప్రస్తుతం అందజేస్తున్న సామాజిక పింఛన్‌లకు ఎలాంటి ప్రాధాన్యం ఉంటుందో దీనికీ అంతే ఉంటుందన్నారు.

15 రోజుల్లో నమోదు.. కుటుంబంలో ఒక్క వ్యక్తికే పింఛన్‌‌ ఇస్తున్నామని నిరుద్యోగ భృతిని మాత్రం కుటుంబంలో ఎంతమంది నిరుద్యోగులుంటే అంతమందికీ రూ.1000 ప్రతినెలా ఇస్తామన్నారు. యువతీ, యువకుల ఆన్‌లైన్‌పై పూర్తి అవగాహన ఉంటుంది కాబట్టి నమోదు ప్రక్రియ పూర్తిగా ఆన్‌లైన్లో నిర్వహిస్తామన్నారు. ఆధార్‌ సంఖ్యను అనుసంధానం చేస్తామన్నారు. నమోదు ప్రక్రియ ముగిసిన 15 రోజుల తర్వాత బ్యాంకు ఖాతాల్లో భృతి జమ అవుతుందన్నారు. ‘ముఖ్యమంత్రి - యువనేస్తం’ పూర్తిగా పారదర్శకంగా కొనసాగుతుందన్నారు.

ప్రతి నెలా రూ.600 కోట్లు.. గతంలో నిర్వహించిన ప్రజా సాధికార సర్వే ప్రకారం రాష్ట్రంలో 12 లక్షల నిరుద్యోగులు ఉన్నారని మంత్రి లోకేశ్‌ తెలిపారు. డిగ్రీ లేదా పాలిటెక్నిక్‌ పూర్తి చేసిన వారికి భృతి అందుతుందన్నారు. ఈ పథకం అమలు చేసేందుకు ప్రతి నెలా రూ.600 కోట్లు ఖర్చవుతుందని ఏడాదికి దాదాపు రూ.8,000 కోట్లు అవుతుందని తెలిపారు. రాష్ట్రం లోటులో ఉన్నా, ఎన్నికల మేనిఫెస్టోలో ఇచ్చిన హామీ మేరకు అమలు చేసేందుకు నిర్ణయించామన్నారు. ప్రస్తుతం ప్రావిడెంట్‌ ఫండ్‌ పరిధిలోకి వచ్చిన వారు ఈ పథకానికి అర్హులు కాదన్నారు. నిరుద్యోగ భృతి అందించడంతో పాటు యువతీ యువకులకు అవసరమైన ఉద్యోగ నైపుణ్యాల్లో శిక్షణ కల్పిస్తామన్నారు. కేంద్ర, రాష్ట్ర ప్రభుత్వాలు అమలు చేస్తున్న స్కిల్‌ డెవలప్‌మెంట్‌ పథకాలను సమ్మిళితం చేసి శిక్షణ అందిస్తామన్నారు.

జగన మోహన్ రెడ్డికి పాదయాత్రలో సన్మానం చేసారు మహిళలు... అదేదో సినిమాలో వెరైటీ సన్మానం చేసినట్టు ఉంది, ఇది చూస్తుంటే... ఇంతకీ సన్మానం ఎందుకో తెలుసా ? మూడు రోజుల్లో, మూడు మాటలు మార్చినందుకు సన్మానం.. ప్రజలను ఎలా పిచ్చోల్లని చేస్తున్నారో చెప్పే సంఘటన ఇది. తూర్పుగోదావరి జిల్లా పిఠాపురం నియోజకవర్గం గొల్లప్రోలు మండలంలో పాదయాత్రను కొనసాగిస్తున్న జగన్ ను కాపు సామాజికవర్గానికి చెందిన మహిళలు కలిశారు. వీరిలో వైసీపీ నాయకురాళ్లు జక్కంపూడి విజయలక్ష్మి, రాగిరెడ్డి చంద్రకళా దీప్తి, పి.పద్మావతి, చిట్నీడి సత్యవతి తదితరులు ఉన్నారు. ఈ సందర్భంగా జగన్ కు శాలువా కప్పి, పుష్పగుచ్ఛాలు ఇచ్చి సన్మానించారు. కాపులకు జగన్ ఇచ్చిన హామీలకు ధన్యవాదాలు తెలిపారు. దీని కంటే కామెడీ సన్మానం ఎక్కడా ఉండదేమో.

పోయిన శనివారం, కాపు రిజర్వేషన్లు సాధ్యం కాదని తేల్చేశారు జగన్. అది కేంద్రంలో అంశం అని, నేనేమి చెయ్యలేను అని చెప్పారు. గత నెల 27న ఈ ప్రకటన చేశాక రాష్ట్రవ్యాప్తంగా కాపు సామాజికవర్గంలో కలకలం రేగింది. జగన్‌ వైఖరేంటో తేటతెల్లమైపోవడంతో... వైసీపీలోని కాపు నేతలు సైతం నివ్వెరపోయారు. కాపు ఉద్యమనేత ముద్రగడ పద్మనాభం అయితే జగన్‌పై ఓ రేంజ్‌లో విరుచుకుపడ్డారు. ఈ క్రమంలో కాపు రిజర్వేషన్లను సీఎం చంద్రబాబే అమలుచేస్తారని ధీమా కనబర్చారు. కాపు రిజర్వేషన్ల అంశంలో సెల్ఫ్‌గోల్‌ చేసుకుంటూ జగన్ చేసిన వ్యాఖ్యలు టీడీపీకి ప్లస్ అయ్యాయి. కాంగ్రెస్‌ నేతలు సైతం జగన్‌పై ధ్వజమెత్తారు. బీసీలకు నష్టం లేకుండా కాపు రిజర్వేషన్లు సాధించే సత్తా తమకే ఉందన్నారు ఏపీ కాంగ్రెస్‌ వ్యవహారాల ఇన్‌ఛార్జి ఊమెన్ చాందీ. ఇదే విషయాన్ని జిల్లా కాపుల దృష్టికి తీసుకెళ్లేందుకు యత్నిస్తున్నారు కాంగ్రెస్‌ నేతలు. ఇటు జనసేన కార్యకర్తలు కూడా జగన్‌పై విరుచుకుపడ్డారు.

ప్రజాసంకల్పయాత్రలో అడుగడుగునా జగన్‌కు నిరసనసెగలు తగులుతూనే ఉన్నాయి. కాపుల్ని మోసం చేయవద్దు, కాపు రిజర్వేషన్లపై నీ వైఖరి మార్చుకో అంటూ మహిళలు, పిల్లలు సైతం ప్లకార్డులు ప్రదర్శించారు. దీనికి తోడు... వైసీపీలో కాపు నేతలు కూడా జగన్‌కు మొరపెట్టుకున్నారు. నష్ట నివారణ చర్యలు తీసుకోకపోతే, తాము మునిగిపోతామంటూ జగన్‌ దగ్గర గోడు వెళ్లబోసుకున్నారు. ఇలా అయితే కాపు సామాజిక వర్గం ఓటర్ల దగ్గరకు వెళ్లే ఓట్లడిగే సాహసం చేయలేమని తేల్చిచెప్పేశారు. వీటన్నిటికీ తోడు కాపులకు రిజర్వేషన్లు ఇచ్చేది లేదన్నా... బీసీల నుంచి స్పందన రాలేదు. రోజుల గడిచేకొద్దీ కాపులకు దూరం కావడం, బీసీలకు దరిచేరలేకపోవడంతో... 31 వ తేదీన పిఠాపురం పాదయాత్రలో మళ్లీ కాపు రిజర్వేషన్ల అంశాన్ని ప్రస్తావించారు. తాను యూ టర్న్‌ తీసుకోలేదన్నారు. జగ్గంపేటలో తన వ్యాఖ్యల్ని వక్రీకరించారని ఆరోపించారు. బీసీలకు నష్టం లేకుండా కాపు రిజర్వేషన్లకు వైసీపీ మద్దతిస్తోందన్నారు.

పోలవరం ప్రాజెక్టుపై ఒడిశా దాఖలు చేసిన ఒరిజినల్‌ సూట్‌పై సుప్రీం కోర్టులో విచారణ జరిగింది. విచారణ అంశాలను ఆయా రాష్ట్ర ప్రభుత్వాలు, కేంద్రం కోర్టుకు అందజేశాయి. ఇంకా ఏమైనా డాక్యుమెంట్లు ఉంటే రెండు వారాల్లోగా తమకు అందజేయాలని ఒడిశాను ధర్మాసనం ఆదేశించింది. ఒడిశా దాఖలు తర్వాత మిగిలిన రాష్ట్రాలకు మరో రెండు వారాల గడువు ఇచ్చింది. పోలవరం ప్రాజెక్టును ఆపాలంటూ ఒడిశా మరో మధ్యంతర పిటిషన్‌ దాఖలు చేసింది. సాఫ్ట్‌వర్క్‌ ఆర్డర్‌ను పదే పదే నిలుపుదల చేయడంపై కోర్టుకు అభ్యంతరం తెలియజేస్తూ పిటిషన్‌ వేసింది. ఈ నేపథ్యంలో ఏపీ, కేంద్ర ప్రభుత్వాలకు కోర్టు నోటీసులు జారీ చేసింది. మూడు వారాల్లోగా సమాధానం ఇవ్వాలంటూ ఆదేశించింది.

పోలవరం ప్రాజెక్టును వ్యతిరేకిస్తూ రేలా అనే సంస్థ మరో పిటిషన్‌‌ దాఖలు చేసింది. పోలవరంతో లక్షలాది గిరిజనులు నిర్వాసితులవుతున్నారంటూ ఇంకో పిటిషన్ దాఖలు చేసింది. ఈ కేసులో ఇంప్లీడ్‌ అయ్యేందుకు రేలా సంస్థ ఎవరని ధర్మాసనం ప్రశ్నించింది. ప్రాజెక్టు వల్ల ఇబ్బందులు ఉంటే ఆయా రాష్ట్రాలు చూస్తాయి కదా అని జస్టిస్‌ మదన్‌ బీ లోకూర్‌ ఆ సంస్థను ప్రశ్నించారు. ప్రజల ఇబ్బందులపై ప్రభుత్వాల దృష్టికి తీసుకెళ్లారా అని రేలాను ప్రశ్నించగా లేదని ఆ సంస్థ తరఫు న్యాయవాదులు ధర్మాసనానికి తెలియజేశారు. అలాంటప్పుడు సుప్రీం కోర్టుకు ఎలా వస్తారంటూ ధర్మాసనం ప్రశ్నించింది.

పొరుగు రాష్ట్రాల అభ్యంతరాలు ఏపీ ప్రభుత్వానికి తలనొప్పిగా మారాయి. ఇప్పటికే కేంద్ర ప్రభుత్వం సహకరించడం లేదని టీడీపీ ప్రభుత్వం ఆరోపిస్తుండగా.. తాజాగా తెలంగాణ, ఒడిశా ప్రభుత్వాలు అభ్యంతరం తెల్పడంతో పోలవరం ప్రాజెక్ట్ పనులకు మరింత ఇబ్బందులు తలెత్తే అవకాశాలు కనిపిస్తున్నాయి. ఇవన్నీ కావాలనే చేపిస్తున్నారా అనే అనుమానాలు కూడా ప్రభుత్వ లేవనెత్తుతుంది. ఒక పక్క కేంద్రం నుంచి వచ్చిన అన్ని కమిషన్లు, పనులు బాగా జరుగుతున్నాయని, పర్యావరణం, గిరిజనులకు ఇబ్బంది లేకుండా, వారికి కావలసినవి అన్నీ చేస్తున్నారని చెప్తున్నా, కేసులు మాత్రం వేస్తూనే ఉన్నారు. ఒక్క చోట అన్నా స్టే రాక పోతుందా అనే ఆశతో, ఒకరి తరువాత ఒకరు, ఎలాగైనా పోలవరం ప్రాజెక్ట్ ఆపటానికి అన్ని ప్రయత్నాలు చేస్తున్నారు.