news

ఆంధ్రప్రదేశ్ లో జగన్ మోహన్ రెడ్డి ప్రబుత్వం చేస్తున్న రాజ్యాంగ ఉల్లంఘనలు, న్యాయ వ్యవస్థలపై చేస్తున్న దా-డు-లు , వీటన్నిటికి సంబంధించి ప్రధాని మోడీకి ఎంపి రఘురామ కృష్ణం రాజు ఒక సుదీర్గమైన లేఖను రాసారు. అందులో భాగంగా ఏపిలో రాష్ట్రపతి పాలన విదించాల్సిన సమయం ఆసన్నమయిందని, ఏపిలో జరుగుతున్న రాజ్యంగా ఉల్లంఘనలపై కేంద్రం దృష్టి సారించాలని, అక్కడ పరిస్థితులను వెంటనే ఆరా తీయాలని, ఆయన లేఖలో పేర్కొన్నారు. ఏపిలో పరిస్థితులు రోజురోజుకు దిగజారి పోతున్నాయని వెంటనే రాష్ట్రపతి పాలన విదించాలని, దీని గురించి వెంటనే, రాష్ట్రపతి కోవింద్ కూడా ఆదేశాలు జారీ చేయాలని రఘురామ కృష్ణం రాజు లేఖలో విన్నవించారు. అంతే కాకుండా అమరావతి నిర్మాణం జరగాలని ఇటీవల హైకోర్ట్ ఇచ్చిన తీర్పు గురించి అసెంబ్లీలో ప్రస్తావించడం కూడా రాజ్యంగ ఉల్లంఘన కిందకే వస్తుందని ,ఇది న్యాయ వ్యవస్థను కించపరచడమే అవుతుందని , అసలు హైకోర్ట్ తీర్పు ఇచ్చిన తరువాత దాని గురించి మళ్ళి చర్చ జరపడం సరికాదని కూడా ఆయన లేఖలో పేర్కొన్నారు. కావాలంటే వాళ్ళు మళ్ళీ ఈ తీర్పు గురించి పిటీషన్ దాఖలు చేసుకోవాలే కాని, అసెంబ్లీలో దీని గురించి చర్చించడం దారుణమని, న్యాయవ్యవస్థ పై దా-డి-కి ఇదే నిదర్శనమని ఆయన మోడీ కి రాసిన లేఖలో పేర్కొన్నారు.

అంతే కాకుండా అమరావతి నిర్మాణం 6 నెలల్లో పూర్తి చేయాలని హైకోర్ట్ ఆదేశిస్తే, దీనికి విరుద్దంగా 60 నెలలు సమయం కోరడం అనేది ప్రబుత్వ నిర్లక్ష్య ధోరణికి ఇది అడ్డం పడుతుందని ఆయన అన్నారు. ఇప్పటికే కోర్ట్ లో ప్రభుత్వానికి 150 పైన కేసుల్లో చుక్కు ఎదురైందని , అంతకంటే ఎక్కువే కోర్ట్ దిక్కరణకేసులున్నాయని, అంతేకాకుండా ఏ రాష్ట్రంలో లేని విదంగా ఏపి లో 8 మంది IAS లకు కోర్ట్ దిక్కారణ కింద ఇటీవల శిక్ష కూడా విదించడం జరిగిందదని ఆయన చెప్పారు. దేశ చరిత్రలో లేని విధంగా ఒకేసారి ఎనిమిది మంది ఐఏఎస్ ల పైన, కోర్టు శిక్ష విధించిందని ఆ లేఖలో తెలిపారు. ఐఏఎస్, ఐపిఎస్ వ్యవస్థను నిర్వీర్యం చేసి పెట్టారని ఆ లేఖలో తెలిపారు. ఇలాంటి అంశాలన్నీ పరిగణలోకి తీసుకుని ఏపి లో రాష్ట్రపతి పాలన విదించాలని రఘురాం కృష్ణం రాజు ప్రధాని మోడీకి రాసిన లేఖలో పేర్కొన్నారు. రేపు జగన్ ఢిల్లీ పర్యటన ఉన్న నేపధ్యంలో, ప్రధానిని జగన్ కలుస్తారు అన్న టైంలోనే, రఘురామరాజు లేఖ రాయటంతో, వైసీపీ ఉలిక్కి పడింది.

ఆంధ్రప్రదేశ్ లో రాజధాని ఏది అనే దాని పైన గందరగోళం జరుగుతున్న సమయంలో అధికారులు మరో సంచలన నిర్ణయం తీసుకుని, మరో కొత్త వివాదానికి తెర లేపారు. టెన్త్ క్లాస్ తెలుగు పుస్తకంలో ఉన్న అమరావతి పాఠాన్ని సిలబస్ నుంచి తొలగిస్తున్నట్లు ప్రకటించారు. ఈ పాఠంలో అమరావతి కి ఉన్న చారిత్రాత్మక విషయాల గురించి వివరించడం జరిగింది. శాతవాహన రాజులు ఈ అమరావతిని ఎలా పరిపాలించారు అనే చారిత్రాత్మక అంశాల పైన కూడా వివరించారు. అంతే కాకుండా పిల్లల్లో అవగాహన కలిగించడం కోసం ఆంధ్రప్రదేశ్ లో అమరావతినే రాజధానిగా ఎందుకు ఎంచుకున్నారనే విషయం కూడా వివరించడం జరిగింది. అయితే తాజాగా ఈ అమరావతి పాఠాన్ని సిలబస్ నుంచి తొలగిస్తున్నామని విద్యాశాఖ ఉన్నతదికారులు ప్రకటించారు. అయితే అధికారుల వాదన మాత్రం మరో రకంగా ఉంది. కరోనా కారణంగా ఈ విద్యా సంవత్సరం లేటుగా మొదలు కావడంతో విద్యార్ధులపై వత్తిడి తగ్గించడానికే ఇటువంటి నిర్ణయం తీసుకున్నామని వారు చెబుతున్నారు. తెలుగుదేశం అధికారంలో ఉన్న సమయంలో ఈ అమరావతి పాఠాన్ని పదో తరగతి లో రెండో పాఠంగా ప్రవేశపెట్టారు. ఆంధ్రప్రదేశ్ లో వైసిపి అధికారంలోకి వచ్చిన తరువాత రాజధాని పై గందరగోళం నెలకొల్పారు.

వారు అధికారంలోకి వచ్చి దాదాపు మూడు ఏళ్ళు కావస్తున్న ఇప్పటివరకు రాజధానిని ప్రకటించనే లేదు. పైగా AP కి మూడు రాజధానులు పెడతామంటూ కొత్త సమస్యలకు తెర లేపుతున్నారు. అయితే తాజాగా వచ్చిన కోర్టు ఉత్తర్వులతో అమరావతిని అభివృద్ధిచేస్తామని, కాని మూడు రాజధానులు విషయం పై మాత్రం ముందుకే వెళ్తామని స్పష్టం చేసింది . అయితే జగన్ ప్రభుత్వానికి మాత్రం అమరావతిని రాజధాని చేసే ఉద్దేశమే లేదని అందుకే అమరావతి పాఠాన్ని తొలిగించారని విమర్శలు ఎదుర్కుంటున్నారు. అయితే, ఈ పాఠాన్ని విద్యార్దులకు భోదించడం అయిపోయిందని టీచర్లు చెప్తున్నారు. మరో పక్క ఏప్రిల్ 4 నుంచి టెన్త్ విద్యార్దులకు ప్రి పబ్లిక్ పరీక్షలు కూడా మొదలవుతున్న నేపధ్యంలో పిల్లలు సిలబస్ లో అమరావతి మరియి వెన్నెల లెసన్లు తప్పించి మిగతా వాటికి ప్రిపేర్ అవ్వాలని ఉపాద్యాయులు సూచించారు. ఒకవేళ విద్యార్దులకు భారం తగ్గించాలంటే సిలబస్ లో ఉన్న చివర పాఠాలను తొలగించాలి కాని రెండో లెసన్ గా ఉన్న అమరావతి పాఠాన్ని తొలగించడ మేమిటని విద్యార్దుల తల్లితండ్రులు ఆవేదన చెందుతున్నారు. ఈ పాఠాన్ని ఇప్పటికే విద్యార్దులు చదివేసారని పరీక్షల సమయంలో ఈ నిర్ణయం సరికాదని అటు విద్యాసంస్థలు, ఇటు విద్యార్దులు, వారి తల్లితండ్రులు కూడా అభిప్రాయ పడుతున్నారు.

ఆంధ్రప్రదేశ్ లో కొత్తగా జిల్లాలను ఏర్పాటు చేస్తున్న సంగతి తెలిసిందే. జగన్ ప్రభుత్వం ఇప్పటివరకు ఏపి లో ఉన్న 13 జిల్లాలను 26 జిల్లాలుగా విస్తరిస్తుంది. ఈ 26 జిల్లాలకు సంభందించి కలక్టర్ ఆఫీసులు, ఎస్పి కార్యాలయాలు కూడా ఏర్పాటు చేసారు. ఈ జిల్లాలకు అధికారులను కూడా నియమించేసారు.. అయితే రాష్ట్రం లో ఇంత పెద్ద ఎత్తున జిల్లాల విభజన కార్యక్రమం జరుగుతుంటే కనీసం ప్రతిపక్ష నేతలకు ఆహ్వానం కూడా అందలేదు. ఎక్కడ చూసినా వైసిపి నేతల హడావిడే కనిపిస్తుంది కాని ఏ ఒక్క జిల్లాలో కూడా ప్రతిపక్ష నేతలు కనిపించలేదు. దీని పై వారు స్పందిస్తూ రాష్ట్రంలో ఇంత పెద్ద కార్యక్రమానికి కనీసం తమకు ఆహ్వానం కూడా అందలేదని, టిడిపి నేతలు మండిపడుతున్నారు. అందుకే తామంతా ఈ కార్యక్రమానికి హాజరు కాలేదని చెప్పారు. ఇంత పెద్ద కార్యక్రమం రాష్ట్రంలో జరుగుతున్నా తమ పార్టీ అధినేత ప్రతిపక్ష నేత అయిన చంద్రబాబు గారికి కనీసం ఈ విషయం పై చెప్పలేదని మండి పడ్డారు. అయితే ఈ రోజు నుంచి కొత్త జిల్లాలకు సంభందించిన అన్ని పనులు అధికారికం గానే జరగనున్నాయి. అయితే జిల్లాల్లో కేంద్రాలు మార్పు, డివిజన్లు మార్చడం , అన్ని జరిగిపోతున్నాయి. ఇలాంటి ఒక రాష్ట్ర స్థాయి కార్యక్రమంలో విపక్షాలను భాగస్వామ్యం చేయకపోవడం పై వైసిపి ప్రభుత్వం తీవ్ర విమర్శలు ఎదుర్కుంటుంది. ఇది ఏదో వైసిపి పార్టీ కార్యక్రమం లాగా ఉంది కాని, ఒక రాష్ట్రస్ధాయి కార్యక్రమం లాగా లేదని విమర్శిస్తున్నారు.

ఇలాంటి రాష్ట్రస్ధాయి కార్యక్రమాలు చేసేటప్పుడు అదికార పక్షంలో ఎవరు ఉన్నా ప్రతిపక్షాలను ఆహ్వానించడం సాంప్రదాయం. జగన్ ప్రభుత్వం మాత్రం కనీసం టిడిపి వారికి ఆహ్వానం కూడా పంపలేదు. పైగా ఈ జిల్లాల విభజనకు సంభందించి పత్రికల్లో పెద్ద పెద్ద యాడ్స్ కూడా వేయించారు. ఇంత హంగామా చేసిన వైసిపి కి ప్రతిపక్షాలను ఆహ్వానిచలేక పోవడం పై దారుణమైన విమర్శలు ఎదుర్కుంటుంది. అయితే మరో వైపు, జగన్ మాత్రం ఇంత పెద్ద కార్య క్రమాన్ని తన కాంపు ఆఫీస్ నుంచి వర్చువల్ గా ప్రారంభించారు. ఈ రోజు ఉదయం 9 గంటల నుంచి 9:45 మద్యలో ప్రారంభించారు. అయితే ఈ కొత్త జిల్లాల ఏర్పాటు కార్యక్రమం బహిరంగ సభలో ఏర్పాటు చెయ్యకపోవడం పై , అందులోను కనీసం విపక్షాలకు ఆహ్వానం ఇవ్వకుండా , కేవలం కాంపు ఆఫీసులో వర్చువల్ ఏర్పాటు చేయడం , ప్రతిపక్ష్లాలకే కాకుండా సొంత పార్టీ నేతలు కూడా అయోమయంలో గురిచేసింది. గతంలో చంద్రబాబు అమరావతి రాజధాని శంకుస్థాపనకు పిలిచినా, జగన్ రాలేదు. అప్పట్లో అలా వ్యవహరించి, ఇప్పుడు ఇలా వ్యవహరిస్తూ, తానేదో గొప్ప అనే విధంగా జగన్ ప్రవర్తిస్తున్న తీరు, అప్పుడు, ఇప్పుడు కూడా విమర్శల పాలు అవుతుంది.