news

తెలుగుదేశం పార్టీ అధికార ప్రతినిధి కొమ్మారెడ్డి, వైసిపీ ప్రభుత్వంలో చేస్తున్న అనేక స్కాంలు బయట పెడుతూ ఉంటారు. ఆయన చేతిలో కాగితం, ఆధారాలు లేనిదే ప్రెస్ మీట్ పెట్టరు. గాల్లో ఆరోపణలు చేసి, బురద జల్లి వెళ్ళిపోరు. అందుకే పట్టాభిని ఎలాగైనా ఇరికించాలని ఎంత ప్రయత్నం చేసినా, ఆయన పైన ఎలాంటి ఫేక్ కేసులు పెట్టే సాహసం వైసిపి చేయలేక పోయింది. చివరకు అసహనంతో ఆయన పై రెండు సార్లు అటాక్ చేసారు, ఇంటి మీదకు వెళ్ళారు. పట్టాబి ప్రెస్ మీట్ పెడుతున్నారు అంటే, ఎవరికో మూడి నట్టే. ఈ వారం కూడా పట్టాభి, అలాగే టార్గెట్ చేసారు. తణుకులో టీడీఆర్ బాండ్ల జారీ పై అతి పెద్ద స్కాం జరిగిందని, అందులో వైసీపీ ఎమ్మెల్యే కారుమూరి హస్తం ఉంది అంటూ, పట్టాబి గత రెండు రోజులుగా ప్రెస్ మీట్లు పెట్టి, ఆధారాలు బయట పెట్టి, వైసీపీని ముప్పు తిప్పలు చేసారు. ముందుగా వైసీపీ యధాప్రకారం బుకాయించింది, పట్టాభి పై ఎదురు దా-డి చేసారు. అయితే ఏమైందో ఏమో కానీ, అడ్డంగా ఇరుక్కున్నాం అని ప్రభుత్వానికి అర్ధమైందో, లేదా కోర్టుకు వెళ్తే ఇబ్బంది అని భావించారో కానీ, పట్టాభి దెబ్బకు ప్రభుత్వం దిగి వచ్చింది. ముందుగా చేసిన బుకాయింపులను పక్కన పెట్టింది. 24 గంటల్లో చర్యలు తీసుకుని, పట్టాభి బయట పెట్టిన స్కాం నిజమే అని తేల్చింది.

టీడీఆర్ బాండ్ల జారీలో అవకతవకలకు సంబంధించి, తణుకు మున్సిపల్ కమిషనర్ వాసుబాబు, టౌన్ ప్లానింగ్ అధికారి రామకృష్ణ, సూపర్ వైజర్ ప్రసాద్ లను సస్పెండ్ చేస్తూ, రాష్ట్ర ప్రభుత్వం, నిన్న ఉత్తర్వులు జారీ చేసింది. పట్టాభి ఆరోపణల నేపధ్యంలో, ప్రభుత్వం దిద్దుబాటు చర్యలు ప్రారంభించింది. టీడీఆర్ బాండ్లు అంటే, బదిలీకి వీలు ఉన్న హక్కు పత్రాలు. పురపాలక అవసరాలు కోసం అంటూ, రెండు స్థలాలకు ఈ బండ్లు జారీ చేస్తూ ఉత్తర్వులు ఇచ్చారు. అయితే నిబంధనలకు విరుద్ధంగా, మొత్తం నిబంధనలకు ఉల్లంఘించి, ఈ చర్యలకు పాల్పడ్డారు. ఇదంతా వైసీపీ ఎమ్మెల్యే కారుమూరి ఒత్తిడితో జరిగిందని, దీని వెనుక ఆయనే ఉన్నాడు అంటూ, పట్టాభి ఆరోపించారు. ఇప్పుడు అవే నిజం అని తేలాయి. ఎప్పటి లాగే నాయకులు తప్పించుకున్నారు, అధికారులు బలయ్యారు. చేపించిన ఎమ్మెల్యే సేఫ్ అయ్యాడు అని, అధికారులను సస్పెండ్ చేసి తప్పించుకోలేరని, ఎమ్మెల్యే పై చర్యలు తీసుకునే వరకు, వదిలి పెట్టేది లేదని పట్టాభి అంటున్నారు.

జగన్ మోహన్ రెడ్డి అధికారం చేపట్టిన తరువాత నుంచి, తాడేపల్లి ప్యాలెస్ దాటి బయటకు రావటం లేదు అనే విమర్శలు ఉన్నాయి. అధికారం వచ్చే దాకా ఊరు ఊరు తిరిగి, అధికారం వచ్చిన తరువాత, అసలు బయటకు రావటమే మానేసారు. కేవలం పెళ్లిళ్లకు, పేరంటాలకు మాత్రమే ఆయన బయటకు వచ్చిన సందర్భాలు అనేకం. మొత్తం ఆయన ఇంట్లో కూర్చుని బటన్ నొక్కటమే తప్ప, ప్రజలను కానీ, ఎమ్మెల్యేలను కానీ, పార్టీ నాయకులను కానీ, కార్యకర్తలను కానీ కలిసింది లేదు. జగన్ అపాయింట్మెంట్ దొరకాలి అంటేనే గగనం అయ్యే పరిస్థితి. ప్రజాప్రతినిధులకు కూడా ఆయన దొరకలేదు. తాడేపల్లి ప్యాలెస్ లో కూర్చుని ఏమి చేస్తారో కానీ, జగన్ ప్రవర్తన పై అటు ప్రజల్లో, ఇటు సొంత పార్టీ నేతల్లో కూడా అసహనం వచ్చేసింది. అయితే ప్రజల్లో వచ్చిన అసహనం, సొంత పార్టీ నేతలు, కార్యకర్తల్లో పెరుగుతున్న అసహనాన్ని జగన్ మోహన్ రెడ్డి గుర్తించారు. ఇలా ఉంటే పూర్తిగా మునిగిపోతాం అని, ఇప్పటికే ప్రజల్లో పూర్తిగా వ్యతిరేకత వచ్చేసిందని, దీనికి తోడు కార్యకర్తలు కూడా అసహనంతో ఉన్నారని, ఇది మరింత పెరగకుండా చేయటానికి, జగన్ మోహన్ రెడ్డి స్వయంగా రంగంలోకి దిగుతున్నారు. మరీ ముఖ్యంగా పార్టీ ఆవిర్భావం రోజు జరిగిన ఘటనతో జగన్ షాక్ తిన్నారు.

మార్చ్ 12న వైసీపీ ఆవిర్భావ దినోత్సవం జరిగింది. అయితే తాడేపల్లి ఆఫీస్ లో కానీ, జిల్లాల్లో కానీ, ఎక్కడా వైసీపీ కార్యకర్త అనే వాడు రాలేదు. కేవలం నాయకులు హడావిడి చేసి వెళ్ళిపోయారు. కార్యకర్తలు అసలు పట్టించుకోలేదు. దీంతో కంగుతిన్న జగన్ మోహన్ రెడ్డి, దిద్దుబాటు చర్యలు ప్రారంభించారు. రెండు రోజుల పాటు పూర్తిగా కార్యకర్తలతో అందుబాటులో ఉండాలని జగన్ మోహన్ రెడ్డి నిర్ణయం తీసుకున్నారు. గురు, శుక్ర వారాల్లో, ఉదయం నుంచి సాయంత్రం వరకు జగన్ మోహన్ రెడ్డి అందుబాటులో ఉంటారని, కలవాలి అనుకునే వాళ్ళు వచ్చి కలవచ్చు అంటూ, వైసీపీ కేంద్ర కార్యాలయం నుంచి ఒక నోట్ బయటకు వచ్చింది. కార్యకర్తలు వచ్చి కలవండి అంటూ మెసేజ్ లు వెళ్ళాయి. మొత్తానికి భవిష్యత్తు సినిమా జగన్ కు అర్ధం కావటం, వైసీపీ గ్రామాల్లో ఎదుర్కుంటున్న గడ్డు పరిస్థితి, ఇవన్నీ సంకేతాలుగా చెప్పుకోవచ్చు. మొత్తానికి మూడేళ్ళ తరువాత, జగన్ మోహన్ రెడ్డి వాస్తవంలోకి వచ్చారని వైసీపీ శ్రేణులు భావిస్తున్నాయి. ఇవి ఎంత వరకు ఆ పార్టీ డామేజ్ కంట్రోల్ కు ఉపయోగ పడతాయో మరి.

వైసీపీ ప్రభుత్వం గుట్టుగా చేసిన వ్యవహరం ఇది. అయితే వాళ్ళ పార్టీ ఎంపీలే గుట్టు రట్టు చేసిన అనూహ్య ఘటన నిన్న పార్లమెంట్ లో జరిగింది. న్యూక్లియర్ శక్తి కోసం ఉపయోగపడే బీచ్ స్యాండ్ మన రాష్ట్రంలో అధికంగా ఉంది. వీటిని వైసీపీ ప్రభుత్వం విదేశాలకు అక్రమంగా ఎగుమతి చేసినట్టు కేంద్రం భావిస్తుంది. సహజంగా ఇవి ఎగుమతి చేయాలియా అంటే, కేంద్రం అనుమతి తప్పని సరి. అణు ఇంధన సంస్థ ప్రత్యేక అనుమతి ఉంటే కానీ, ఇది సాధ్య పడదు. అయితే రాష్ట్ర ప్రభుత్వం ఇవి అక్రమంగా తరలిస్తుంది అంటూ కేంద్రానికి ఫిర్యాదులు వెళ్ళటంతో, కేంద్రం దీని పై సమగ్ర విచారణ కోరింది. అంతే కాకుండా, రాష్ట్ర ప్రభుత్వం కొత్తగా బీచ్ సాండ్ కోసం కోరిన అనుమతులు కూడా కేంద్రం రద్దు చేసింది. ఈ నేపధ్యంలోనే అనూహ్యంగా వైసీపీ ఎంపీలు నిన్న కేంద్రాన్ని ఇదే అంశం పై ప్రశ్నించారు. ఏపి ప్రభుత్వం బీచ్ సాండ్ మైనింగ్ అనుమతిని కేంద్రం పరిగణలోకి తీసుకుండా లేదా అని కేంద్రాన్ని ప్రశ్నించారు. అనూహ్యంగా ఈ ప్రశ్నకు, ప్రధాని కార్యాలయ మంత్రి జితేందర్‌సింగ్‌ సమాధానం ఇచ్చారు. ఈ సమాధానంలో వైసీపీ ప్రభుత్వాన్ని ఇబ్బంది పెట్టే సమాచారం ఉంది. అసలు వైసీపీ ఎంపీలు, కావలని, ఈ ప్రశ్నలు ఎందుకు అడిగి, ఎదురు వాళ్ళ గుట్టు బయట పెట్టుకున్నారు అనేది అర్ధం కాని ప్రశ్న.

ఇక కేంద్రం సమాధానంలో ఉన్న అంశాలు ఏమిటి అంటే, మచిలీపట్నం, భీమిలి నుంచి బీచ్ సాండ్ తీసేందుకు కేంద్రం అనుమతి ఇచ్చింది. అయితే ఏపి నుంచి ఈ బీచ్ సాండ్ పెద్ద ఎత్తున విదేశాలకు వెళ్లినట్టు మాకు ఫిర్యాదులు వచ్చాయని కేంద్రం తెలిపింది. ఈ ఫిర్యాదులు న్యూక్లియార్ ఎనర్జీకి సంబంధించినవి కావటంతో, కేంద్రం సీరియస్ గా తీసుకుని, దీని పై సమగ్ర నివేదిక కావాలని రాష్ట్రాన్ని కోరాయి. అక్రమ మైనింగ్ పై పూర్తి వివరాలు ఇవ్వాలని రాష్ట్రాన్ని కోరినా రాష్ట్రం ఇప్పటి వరకు ఎలాంటి నివేదిక ఇవ్వలేదని కేంద్రం స్పష్టం చేసింది. ఇక రాష్ట్ర ప్రభుత్వం మొత్తం 17 చోట్ల అనుమతి కోరగా, తాము రెండు చోట్ల అనుమతి ఇచ్చామని, అక్కడ కూడా అక్రమాలు జరిగాయని తెలియటంతో, మిగతా 15 చోట్ల అనుమతి ఇవ్వలేదని కేంద్రం చెప్పింది. మిగతా రెండు చోట్ల నుంచి తీసిన బీచ్ స్యాండ్ ఏమి చేసారు అని రాష్ట్రాన్ని కోరగా, ఇప్పటి వరకు రాష్ట్రం నుంచి సమాధానం లేదని కేంద్రం చెప్పింది. మొత్తానికి దేశ భద్రతకు సంబంధించి కీలక అంశం అయిన, న్యూక్లియర్ పవర్ లో కూడా, రాష్ట్ర ప్రభుత్వం దాగుడుమూతలు ఆడుతుందని అర్ధం అవుతుంది.