news

నేటి ఆధునిక సమాజంలో ఇల్లు కట్టాలన్నా... పెళ్లి చేయాలన్నా ఖర్చుతో కూడుకున్నవిగా మారిపోయాయి. ముఖ్యంగా పేద కుటుంబాలకు చెందిన యువతుల వివాహం వారి తల్లిదండ్రులకు భారంగా మారింది. ఈ నేపథ్యంలో ఇప్పటికే ఆడపిల్లలకు సంబంధించి విద్య, వైద్యం, పౌష్టికాహారానికి సంబంధించి పలు పథకాలను అమలు చేస్తున్న ప్రభుత్వం...వారి వివాహానికి ప్రత్యేకంగా ఆర్థిక సాయం అందించాలని నిర్ణయించి... "చంద్రన్న పెళ్లి కానుక' పేరుతో మరో కొత్త పథకానికి శ్రీకారం చుట్టంది. ఈ పథకం ద్వారా బీసీలకు రూ.35 వేలు, ఎస్సీ, ఎస్టీలకు రూ.50 వేలు, కాపులకు రూ.30 వేలు, మైనారిటీలకు రూ.35వేలు అందించనున్నారు. ఫిబ్రవరి 1 నుంచి అమల్లోకి వచ్చిన ఈ పథకం కోసం ఎలా అప్లై చేసుకోవాలో తెలుసుకోండి...

జిల్లా, మండల సమాఖ్య కార్యాలయాలు, మీ-సేవా కేంద్రాల్లో కాల్ సెంటర్లను ఏర్పాటు చేసారు... అలాగే 1100 టోల్ ఫ్రీ నంబరుకు ఫోన్ చేసి ఆధార్ వివరాలతో పేరు నమోదు చేసుకోవచ్చు... పెళ్లి కుదుర్చుకున్న వెంటనే దరఖాస్తు చేసుకోవచ్చు. అనంతరం ఈ పథకం ద్వారా వివాహం చేసుకున్న వారికి ప్రభుత్వం నుంచి సుమారు రూ. 30 వేలు ఆర్ధికసాయం అందనుంది.... ఇవీ నిబంధనలు: ఆంధ్రప్రదేశ్ రాష్ట్రానికి చెందిన వారై ఉండాలి.. ప్రజాసాధికారిత సర్వేలో వివరాలు నమోదై ఉండాలి.. వధువు బ్యాంకు ఖాతాకు ఆధార్ అనుసంనం చేసుకోవాలి... వివాహం నాటికి అమ్మాయికి 18, అబ్బా యికి 21 సంవత్సరాలు ఉండాలి... తెల్లరేషన్ కార్డు, ఆధార్ కార్డులతో పాటు కుల, జనన, నివాస, ధ్రువపత్రాలు సమర్పించాలి... దివ్యాంగులకు సదరం ధ్రువపత్రం తప్పనిసరి....

వధూవరులు ధ్రువపత్రాలను కల్యాణ మిత్రలకు అందిస్తే, వారు వెబ్ సైట్లో అప్లోడ్ చేస్తారు.. వివాహ సమయంలో వచ్చి వధూవరుల ఫొటోలు తీస్తారు... అనంతరం తక్షణ సాయం కింద ప్రభుత్వం మంజూరు చేసే నగదులో 20 శాతం నగదు రూపంలో, మిగిలిన 80 శాతం వధువు బ్యాంకు ఖాతాకు జమ అవుతుంది... పేద కుటుంబాలకు చెందిన షెడ్యూల్ కులాలు, తెగలు, వెనుకబడిన తరగతులు, దివ్యంగులు, అసంఘటిట కార్మిక కుటుంబాల వారు ఈ పధకానికి అర్హులు...

అమరావతి నిర్మాణం కోసం, చంద్రబాబు ఒక అడుగు వేస్తుంటే, "జే" బ్యాచ్ వంద అడుగులు వెనక్కు వేస్తుంది... మళ్ళీ ఈ వంద అడుగులు పూర్తి చేసి, తొలి అడుగు వేసే లోపు, మరోసారి "జే" బ్యాచ్ ఇంకో రూపంలో, అడ్డుపుల్లలు వేస్తుంది... ఒక పక్క కేంద్ర పెడుతున్న ఇబ్బందులు, మరో పక్క "జే" బ్యాచ్ అరాచకాలతో, అమరావతి నిర్మాణానికి అడ్డుపుల్లలు వేస్తూనే ఉన్నారు... ఇవన్నీ తట్టుకుని చంద్రబాబు ముందుకు వెళ్తున్నారు... 33 వేల ఎకరాలు ఇచ్చిన రైతుల భవిష్యత్తు చంద్రబాబు చేతులో పెట్టుకుని, వారి నమ్మకాన్ని ముందుకు తీసుకు వెళ్తున్నారు... వీళ్ళు మాత్రం, గ్రీన్ ట్రిబ్యునల్ లో కేసులు వేస్తారు, కోర్ట్ ల్లో కేసులు వేస్తారు, ప్రపంచ బ్యాంకుకి ఉత్తరాలు రాస్తారు.... మళ్ళీ వచ్చి, చంద్రబాబునే తిడతారు... అమరావతి ఎంత వరకు వచ్చిందని, పిల్లి బిత్తిరి గాళ్ళు, మీడియా చర్చల్లో హైదరాబాద్ నుంచి ఫోజ్ కొడతారు...

ఈ సారి ప్రభుత్వ మాజీ ప్రధాన కార్యదర్శి ఐవైఆర్ కృష్ణారావు వంతు.... చంద్రబాబు ఇచ్చిన పోస్ట్ లో ఉంటూ, చంద్రబాబునే తిడుతూ, పదవి ఊడబీక్కుని, అప్పటి నుంచి, హైదరాబాద్ లో కూర్చుని, అమరావతి పై విషం చిమ్ముతూనే ఉన్నారు... అమరావతి స్టార్టప్ ప్రాతం అభివృద్ది కోసం ప్రభుత్వం అనుసరిస్తున్న స్విస్ ఛాలెంజ్ విధానాన్ని సవాలు చేస్తూ హైకోర్టులో కేసు వేసారు ఐవైఆర్... స్విస్ ఛాలెంజ్ నిమిత్తం జారీ చేసిన జీవోలను వ్యాజ్యంలో సవాలు చేశారు. వాటిని చట్ట విరుద్దమైనవిగా, రాజ్యాంగ విరుద్దమైనవిగా ప్రకటించాలని కోరారు.

సింగపూర్ కన్సార్టియం సమర్పించిన ప్రతిపాదనలను ప్రభుత్వం అంగీకరించడాన్ని రాజ్యాంగ విరుద్ధమైనదిగా ప్రకటించాలని అభ్యర్ధించారు. ప్రాజెక్ట్ ప్రధాన ప్రతిపాదకుడు(ఓపీపీ).. రాష్ట్ర ప్రభుత్వం మధ్య రాసుకున్న ఒప్పందాలు చట్టవిరుద్ధమైనవిగా ప్రకటించాలని కోరారు.. స్విస్ ఛాలెంజ్ విపై ప్రభుత్వం తన చర్యలకు చట్టబద్ధత చేసుకునేందుకు ఏపీఐడీ ఈ చట్టానికి సవరణ చేసి 'ఇన్ ఫ్రాస్ట్రక్చర్ అథార్టీ' స్థానంలో ప్రభుత్వం' అనే పదాన్ని చేర్చారన్నారు... ఈ అంశాల్ని పరిగణనలోకి తీసుకొని స్విస్ ఛాలెంజ్ విధానంలో ప్రభుత్వం చేపడుతున్న పనుల్ని నిలువరించాలని కృష్ణారావు కోరారు.... వచ్చే మంగళవారం ఈ వ్యాజ్యం హైకోర్టులో విచారణకు వచ్చే అవకాశం ఉంది....

బెజవాడలో స్మార్ట్ పార్కింగ్ కు రంగం సిద్దమవుతోంది... నగరంలోని 20 ప్రాంతాల్లో ఇది ఏర్పాటు కానుంది.... రెండేళ్ల కాలానికి చెన్నైకు చెందిన స్మార్ట్ పార్కింగ్ ఇండియా ప్రైవేట్ లిమిటెడ్ సంస్థ ఏడాదికి రూ.2.25 కోట్లకు టెండరు చేజిక్కించుకుంది... 50 శాతం సొమ్మును వీఎంసీకి కాంట్రాక్టు సంస్థ ఇప్పటికే చెల్లించింది.... మిగిలిన సొమ్ము ఈనెలలోనే చెల్లించే అవకాశం ఉన్నట్లు తెలిసింది... ఈ స్మార్ట్ పార్కింగ్ విధానం, మార్చి 1 నుంచి అందుబాటులోకి రానున్నట్టు సమాచారం... ప్రస్తుతం కొనసాగుతున్న ధరలనే గంటల వారీ విభజించి స్మార్ట్ పార్కింగ్ స్థలాల్లో వాహనాలకు రుసుం వసూలు చేస్తారు.... సార్ట్ అమలు ఇలా... 20 స్మార్ట్ పార్కింగ్ స్థలాల పూర్తి డేటా కార్పొరేషన్ లోని కమాండ్ కంట్రోల్ రూం (సీసీఆర్)కు అనుసంధానిస్తారు... అక్కడ ఏం జరిగినా సీసీ కెమేరాల ద్వారా సీసీఆర్లో పరిశీలించే విధంగా ఏర్పాటు చేశారు.. పార్కింగ్ స్థలాన్ని ముందుగానే బుక్ చేసుకునేందుకు ప్రభుత్వ వెబ్ సైట్, ప్రత్యేక యాప్, ఆండ్రాయిడ్, ఇతర స్మార్ట్ ఫోన్ల ద్వారా ఆపరేట్ చేసుకునేలా అందరికీ అందుబాటులోకి తెస్తున్నారు...

పార్కింగ్ గా ప్రకటించిన అన్ని పార్కింగ్ స్థలాల వివరాలు నమోదవుతాయి.. యాప్లోనే పార్కింగ్ నేవిగేషన్ ను కూడా పొందుపరుస్తున్నారు.... నగరంలోని అన్ని స్మార్ట్ పార్కింగ్ స్థలాలకు నెలవారీ పాస్లు, వన్టైమ్ కార్డ్ యాక్సెస్ తో పాటు డిజిటల్ పేమెంట్ సౌకర్యాన్ని అందించబోతున్నారు.... పార్కింగ్ రిజిస్ట్రేషన్ నెంబరుకు, టికెటింగ్ కోసం పార్కింగ్ వద్ద ప్రత్యేక సెక్యూరిటీ సిబ్బంది అందుబాటులో ఉంటారు... టికెట్ ధరలను వాహనాలతో కాకుండా నిర్ణీత కాలపరిమితితో అనుసంధానించి పార్కింగ్ ధరలను నిర్ణయిస్తున్నారు. మొదటి మూడుగంటలకు ఒక ధర, అది దాటిన తరువాత నుంచి ప్రతి రెండు గంటలకూ మరో ధర నిర్ణయించారు... దీని ప్రకారం ద్విచక్ర వాహనానికి మొదటి మూడు గంటలకు 10 రూపాయలు, తరువాత గంట నుంచి 10 రూపాయలు వసూలు చేస్తారు... కారుకి మొదటి మూడు గంటలకు 30 రూపాయలు, తరువాత గంట నుంచి 20 రూపాయలు వసూలు చేస్తారు... అటోకి మొదటి మూడు గంటలకు 20 రూపాయలు, తరువాత గంట నుంచి 15 రూపాయలు వసూలు చేస్తారు...

పార్కింగ్ స్థలాలు ఇవే.. హోటల్ రాజ్ టవర్స్ ఎదురుగా, హోటల్ రాజ్ టవర్స్ వద్ద పెట్రోలు బంకు వద్ద తూర్పు, పశ్చిమ, ఏలూరు రోడ్డులోని చల్లపల్లి బంగ్లా వద్ద ఆంధ్రా బ్యాంకు ఏటీఎం, లిబర్ట్ హెయిర్ స్టైల్స్ వద్ద, అప్సర థియేటర్ పరిసరాల్లోని నోకియా షోరూమ్ వద్ద, అప్పర థియేటర్ పరిసరాల్లోని స్వగృహ ఫుడ్స్ వద్ద, శ్రీరామ్ చిట్స్ వద్ద, ఎస్బీఐ ఏటీఎం వద్ద, ఏవీ ఆప్టిక్స్ షోరూమ్ వద్ద, పాజిటివ్ హోమియో వద్ద, రవి మెడికల్స్ వద్ద, బీవీఆర్ కాంప్లెక్సులోని సర్కిల్-4 కార్యాలయం, ఎన్టీఆర్ సెల్లార్ పార్కింగ్ స్థలం, కేబీఎన్ సెల్లార్ పార్కింగు స్థలం, బ్రహ్మానంద రెడ్డి సెల్లార్ పార్కింగ్ స్థలం, చుట్టుగుంట, గోవిందరాజులు పార్కింగు స్థలం, లెనిన్ సెంటర్, అన్సారీ పార్కులోని పార్కింగు స్థలం, గవర్నరుపేట, రాజీవ్ గాంధీ పార్కింగు స్థలం, వన్టౌన్ కాళేశ్వరరావు మార్కెట్ సెల్లార్ పార్కింగు స్థలం..