news

రాష్ట్రమంతటా సంక్రాంతి పండుగ సందడి అంబరాన్నంటింది... సామాన్య ప్రజలే కాదు, రాజకీయ నాయకులు, సెలేబ్రిటీలు అందరూ పండుగ వేడుకులు జరుపుకుంటున్నట్టు వార్తల్లో చూస్తున్నాం... రాష్ట్ర ముఖ్యమంత్రి చంద్రబాబు నాయుడు కూడా కుటుంబంతో కలిసి, సొంత ఊరు నారావారి పల్లెలో సంక్రాంతి వేడుకలు జర్పుకుంటున్నారు... నిన్న భోగి పండుగను పురస్కరించుకుని, రాష్ట్రమంతటా భోగి మంటలు వేసుకుని, పండుగ ప్రారంభించటం చూసాం... ఇదే సందర్భంలో ఆంధ్రప్రదేశ్ ప్రతిపక్ష నాయకుడు జగన్ మోహన్ రెడ్డి వ్యవహార శైలి, రాష్ట్ర ప్రజలకు కాదు, సొంత పార్టీ కార్యకర్తలు, నేతలకే నచ్చ లేదు...

చంద్రగిరి నియోజకవర్గం రామచంద్రాపురం మండలం నెన్నూరు నుంచి ఆదివారం 62వ రోజు ముఖ్యమంత్రి కుర్చీ కోసం జగన్ చేస్తున్న సంకల్ప యాత్ర మొదలైంది. ఉదయం 8.30 గంటలకు జగన్ శిబిరం నుంచి బయటకు వచ్చారు... అప్పటికే అక్కడ కొంత మంది కార్యకర్తలు గుమి గూడారు... భోగి మంటలు ఏర్పాటు చేశారు... ఆడవాళ్ళని కూడా తీసుకోవచ్చారు... జగన్ మోహన్ రెడ్డిని భోగి మంట వెలిగించమన్నారు, భోగి సంబరాల్లో పాల్గునమన్నారు... జగన్ మాత్రం సున్నితంగా తిరస్కరించి, పాదయాత్ర చేస్తూ ముందుకు కదిలారు...

ఈ పరిణామంతో, అక్కడ ఉన్న కార్యకర్తలు అవాక్కయ్యారు... ఉదయం తెలవారక ముందే ఏర్పాట్లు చేసి జగన్ కోసం వేచి చూసారు... జగన్ వ్యక్తిగత సిబ్బింది మాత్రం, ఇప్పుడే బయటకు రారు అని, కొంచెం సేపు ఆగాలని చెప్పారు... అప్పటికే తెలవారింది... అయినా అక్కడ కార్యకర్తలు ఓర్పుగా జగన్ కోసం వేచి చూసారు... జగన్ తో కలిసి భోగి మంటలు వెయ్యటానికి ఉత్సాహం చూపించారు... జగన్ మాత్రం ఉదయం 8.30 గంటలకు బయటకు వచ్చి, వేడుకల్లో పాల్గునకుండా వెళ్ళిపోయారు... ఇలాంటి వేడుకల్లో పాల్గునకుండా జగన్ ఏమి సందేశం ఇవ్వదలచుకున్నారు అంటూ, అక్కడ కార్యకర్తలు మంది పడ్డారు... ప్రజలకు చేరువయ్యే ఇలాంటి కార్యక్రమాలు కూడా దూరం ఉండటం ఏంటి అని అసహనం వ్యక్తం చేసారు... కడుపు చించుకుంటే కాలు మీద పడుతుంది అన్నట్టు, జగన్ వ్యవహార శైలి తెలిసి కూడా ఇక్కడకు రావటం మన బుద్ధి తక్కవ అని, చడి చప్పుడు చెయ్యకుండా అక్కడ నుంచి వెళ్ళిపోయారు...

‘తెలుగువారికి సంక్రాంతి పెద్ద పండగ. ఈ సంప్రదాయాన్ని తరతరాలకు కొనసాగిద్దాం. ప్రపంచ వ్యాప్తంగా ఉన్న తెలుగువారికి ఈ సందర్భంగా శుభాకాంక్షలు తెలుపుతున్నా. ఈ పండగ ప్రతి ఒక్కరి జీవితాల్లో వెలుగులు నింపాలి. నూతన శక్తిని ప్రసాదించాలి. మూడు రోజుల పాటు జరిగే ఈ పండగను తెలుగువారంతా కుటుంబ సభ్యులతో కలిసి సంతోషంగా జరుపుకోవాలని కోరుకొంటున్నా’ అంటూ నారావారిపల్లె నుంచి తెలుగు ప్రజలకు ఏపీ సీఎం చంద్రబాబు నాయుడు సంక్రాంతి శుభాకాంక్షలు తెలిపారు. తన సొంతూరు.. చిత్తూరుజిల్లా చంద్రగిరి మండలంలోని నారావారిపల్లెలో ఆయన కుటుంబ సభ్యులతో కలిసి సంక్రాంతి సంబరాలు జరుపుకొన్నారు. ఈ ఆనవాయితీని ఆయన నాలుగేళ్ళుగా కొనసాగిస్తున్నారు. ఈ ఏడాదీ అదే సంప్రదాయాన్ని కొనసాగించారు.

చంద్ర బాబు సతీమణి భువనేశ్వరి, ఆమె సోదరీమణులు లోకేశ్వరి, ఉమామహేశ్వరి, కుమారుడు లోకేశ్‌, బ్రహ్మణి, బాలకృష్ణ చిన్న కుమార్తె తేజస్విని, ఆమె భర్త భరత్, చంద్రబాబు తమ్ముడి కుమారుడు, సినీ హీరో నారా రోహిత్ తదితరులు నారావారిపల్లెకు చేరుకున్నారు. వీరందరూ ఉదయం తిరుమల వెళ్లి వెంకన్నను దర్శించుకుని, మళ్ళీ స్వగ్రామం చేరుకున్నారు... అంతకు ముందు తల్లిదండ్రుల సమాధి వద్ద పూల మాలలు వేసి నివాళులర్పించారు.

చంద్రబాబునాయుడు ఇంటింటికీ వెళ్లి ప్రతి ఒక్కరినీ పలకరించారు. వారి కష్టసుఖాలు అడిగి తెలుసుకున్నారు. పలు సమస్యలను గ్రామస్థుల నుంచి స్వయంగా స్పీకరించారు. సమస్యలను పరిష్కరిస్తామని వారికి హామీ ఇచ్చారు.చంద్రబాబు వెంట భార్య భువనేశ్వరి, కుమారుడు లోకేష్, ఉన్నారు. ఈ సందర్భంగా అక్కడ ప్రజలు చంద్రబాబు స్వయంగా ఇంటికి వచ్చి, క్షేమ సమాచారం అడిగి, సమస్యలు అడిగి తెలుసుకోవటంతో వారి ఆనందానికి అవధులు లేవు... రాష్ట్రానికి రాజు అయినా, సొంత ఊరికి మాత్రం పెద్ద కొడుకే కదా అని అనుకుంటున్నారు...

రైతులకు 40 వేల విలువైన ఇంధన సామర్థ్య పెంపు సెట్లను ఉచితంగా అందజేసే ప్రతిష్టాత్మక పథకాన్ని ప్రారంభింస్తున్నట్లు ముఖ్యమంత్రి నారా చంద్రబాబునాయుడు ప్రకటించారు. ఆదివారం ఆయన తిరుమలలోని శ్రీ వేంకటేశ్వర స్వామి దర్శన అనంతరం హెరిటేజ్ సంస్థ కార్యక్రమంలో పాల్గొన్న అనంతరం నారావారిపల్లెకు చేరుకున్నారు. అక్కడి నుంచి విద్యుత్ శాఖ అధికారులతో టెలిఫోన్ ద్వారా సమీక్ష నిర్వహించారు. ఈ సందర్భంగా ఆయన మాట్లాడుతూ, ఈ పథకాన్ని ప్రవేశ పెట్టిన రాష్ట్రం దేశంలో ఆంధ్రప్రదేశ్ రాష్ట్రం ఒక్కటేనని సీఎం పేర్కొన్నారు. ఈ విధంగా ప్రకటించడం తనకు ఎంతో గర్వకారణంగా ఉందన్నారు. మొబైల్ తో ఆపరేట్ చేసేందుకు సిమ్ కార్డుతో కూడిన స్మార్ట్ ప్యానల్ ఉన్న 5 స్టార్ రేటింగ్ తో ఈ పంపు సెట్లు అందజేయడం వల్ల రైతులకు లబ్ది కలుగుతుందన్నారు.

ఈ పంపుసెట్లకు ఐదేళ్ల వరకు ఎలాంటి నిర్వహణ మరమ్మతుల ఖర్చులు ఉండవని చెప్పారు. ఒక వేళ పంపుల్లో లోపం తలెత్తితే వెంటనే ఎస్ఎంఎస్ ఇచ్చే వ్యవస్థ కూడా ఇందులో ఉంటుందని, అంతే కాకుండా ఈ పనిముట్ల ద్వారా దాదాపు 30 శాతం విద్యుత్ ఆదా అవుతుం దని ముఖ్యమంత్రి వెల్లడించారు. ఈ కొత్త పంపుసెట్ల వల్ల రైతులు అర్ధరాత్రి పొలాలకు వెళ్లడం, పాము కాటుకు గురవడం వంటి ప్రమాదాలు తప్పుతాయన్నారు. 2018-19 ఆర్ధిక సంవత్సరం ముగిసేలోగా 4 లక్షల పాత పంపుసెట్ల స్థానంలో కొత్త వాటిని అమర్చేందుకు డిస్కంలు ప్రణాళికలు సిద్ధం చేసుకున్నాయన్నారు. తమ ప్రభుత్వానికి రైతే ప్రథమ ప్రాధాన్యమని చెప్పారు. ఒక రైతుబిడ్డగా, ప్రతి ఇంటికీ తాగునీరు, ప్రతీ పొలానికీ సాగునీరు ఇవ్వడమే లక్ష్యంగా పెట్టుకుని పనిచేస్తున్నట్లు వివరించారు.

పోలవరం ప్రాజెక్టు పూర్తయితే రాష్ట్ర ముఖ చిత్రమే మారిపోతుందన్నారు. అలాగే పట్టిసీమ ద్వారా గోదావరి, కృషా నదుల అనుసంధానంతో సాగు నీటి వెతలు తీరిపోయాయని చెప్పారు. చిట్టచివరి భూములకు కూడా సాగు నీరు అందిస్తామనే నమ్మకం తనకుందని ధీమా వ్యక్తం చేశారు. నదులు, కాలువలు, వ్యవసాయ పంపు సెట్ల ద్వారా పుష్కలంగా నీరు అందిస్తే మన రైతాంగం పంటలు దిగుబడిలో అద్భుతాలు సృష్టించి దేశానికే ఆదర్భంగా నిలుస్తారని ముఖ్యమంత్రి అన్నారు. ఇంధన సామర్ధ్య పంపుసెట్లకు తోడు ప్రభుత్వం రైతులకు కొత్తగా సౌర పంపుసెట్ కనెక్షన్లను కూడా అందించ నున్నామని చెప్పారు.