ఈ రాష్ట్రంలో 1956వ సంవత్సరం నుండి కూడా కాపులకి రిజర్వేషన్ కావాలని చెప్పి ఉద్యమాలు చేపట్టటం మొదలు పెట్టారు. అంతకముందు కాపులు ఈ రాష్ట్రంలో బీసీలుగా ఉండేవాళ్లు. బీసీ లుగా ఉండేటటువంటి కాపులు ఆ రోజున నీలం సంజీవరెడ్డి మొదటిసారి ముఖ్యమంత్రి అయినప్పుడు కాపులు బీసీలో ఉంటె వీళ్ళకి అన్నిరకాల బెనిఫిట్స్ వస్తాయన్న ఉద్దేశంతో, వీళ్ళని అన్ని రంగాలుగా ముందుకెళ్లనివ్వకూడదు, వీళ్లది పెద్ద జాతి అనే ఉద్దేశంతో బీసీ లో ఉన్నటువంటి కాపుల్ని ఓసీ లో పెట్టటం జరిగింది. ఆ తరవాత దళితుడైన దామోదరం సంజీవయ్య, నిజంగా వీళ్ళు ఓసి లో ఉండటానికి అర్హులు కారు, ఆర్ధికంగా కానీ, సామాజికంగా కానీ, విద్యా పరంగా కానీ చాలా వెనకపడిపోయి ఉన్నారు వీళ్ళని బీసీ లో ఉంచటమే న్యాయం అన్న ఉద్దేశంతోటి ఆ రోజు ఉన్నటువంటి కాపు, బలిజ, వంటరి, తెలగ, తూర్పు కాపు ఒక్క స్తితిగతులన్నీ కూడా చూసి ఆ రోజున మల్లి తిరిగి ఓసీలోకి తీసుకువచ్చినటువంటి కాపులని బీసీ లో పెట్టటం జరిగింది.
ఆ తరువాత ముఖ్యమంత్రి గా వచినటువంటి కాసు బ్రహ్మానంద రెడ్డి, ఆ రోజు కుట్రతో అత్యధిక జనాభా ఉన్నటువంటి వీరికి ఏ రకమైన సదుపాయాలు దొరికిన సరే వీళ్ళు అన్ని రకాలుగా ముందుకి వెళ్తారనే కుట్ర తోనే, ఆరోజున తిరిగి మళ్ళీ కాపుల్ని ఓసీ లో పెట్టటం జరిగింది. అప్పటినుండి కూడా ఈ కాపు రిజర్వేషన్ మీద ఉద్యమాలు జరుగుతూనే ఉన్నాయ్. ఈ రాష్ట్రంలో అనేకమంది కాపు, బలిజ, వంటరి, తెలగ సంఘాల్లో అనేక మంది నాయకులు కాపు పెద్దలు, బలిజ పెద్దలు అందరు కూడా కాపులకి రిజర్వేషన్ కావాలని ఆందోళనలు జరుపుతూనే ఉన్నారు. కాని 2004 ఎన్నికల ముందు వైఎస్ రాజశేఖర రెడ్డి గారు కాపుల్ని ఎట్టిపరిస్థితుల్లో కూడా బీసీ లో పెడతాను, మీరందరు కూడా నాకు సప్పోర్ట్ చేయండి అనిచెప్పి ఆ రోజున కాపు సంఘాల నాయకులని కాపుల్ని, కాపు పెద్దలందరిని కోరితే, ఆ ఎన్నికలలో అందరు కూడా వైఎస్ రాజశేఖర రెడ్డి కాపుల్ని బీసీ లో పెడతారనే ఆలోచనతో ఎన్నికల్లో ఎక్కువ మెజారిటీ ఇవ్వటం జరిగింది. ఆరోజున వైస్ రాజశేఖర రెడ్డి గారిని ఇదే బీసీ కమిషన్ ఇచ్చినటువంటి రిపోర్ట్ ని సర్వేచేయటం కోసం 40 లక్షలు రూపాయలు ఖర్చవుతుంది, ఇవ్వమని చెప్పి అడిగితె ఆరోజు వైస్ రాజశేఖర రెడ్డి గారు 40 పైసలు కూడా ఇచ్చిన సందర్భంలేదు. ఆయన 2004 నుండి 2014 వరకు ఎటువంటి కాపుల్ని బీసీ లో పెట్టటానికి కావలసినటువంటి ఏ కార్యక్రమం కూడా తీసుకోలేదు. దానివల్ల మళ్ళీ 2014 ఎన్నికల ముంది కాపు సంఘాలు అన్ని కూడా చంద్రబాబు గారిని కోరటం వల్ల మళ్ళీ ఆరోజున చంద్రబాబు గారు ప్రామిస్ చేయటం మూలంగా 2014 ఎన్నికల మానిఫెస్టోలో చంద్రబాబు గారు కాపుల్ని బీసీ లో పెడతాను అని హామీ ఇచ్చారు హామీని నెరవేర్చుకుంటూ ముందుకు వెళ్తున్నారు.
దానిలో భాగంగా రాజకీయానికి ప్రాధాన్యత ఇచ్చారు సుమారు 5 శాఖల మంత్రులు చిన్న రాజప్పగారు కానివ్వండి అదేవిధంగా ఘంటా శ్రీనివాస్ గారు కానివ్వండి అదేవిధంగా మాణిక్యాల రావు గారు కానివ్వండి నారాయణ గారు కానివ్వండి, మృణాలిని గారు కానివ్వండి ఇంతమంది కాపులకి ఎప్పుడుకూడా రెండు రాష్ట్రాలు కలిసి ఉన్నపుడు కూడా ఇంత పెద్ద ఎత్తున మంత్రులు లేరు ఇంత ప్రాధాన్యత కలిగినటువంటి రాజకీయ మరి ప్రాధ్యాత ఉన్నటువంటి పదువులు కూడా లేవు. మరి అదే విధంగా అత్యంత ప్రతిష్టాత్మకమైనటువంటి తిరుమల తిరుపతి దేవస్థానానికి కూడా చదలవాడ కృష్ణమూర్తి గారిని నియమించారు. ఈ విధంగా రాజకీయాల్లో కీలకమైనటువంటి పదవి రాష్ట్ర పార్టీ పదవి. ఆ పదవిని కూడా కిమిడి కళా వెంకట్రావు గారికి ఇవ్వటం జరిగింది. ఈ రకంగా కాపులకి అధిక ప్రాధాన్యత ఇస్తూ చంద్రబాబు గారు కాపు కార్పొరేషన్ కూడా ఏర్పాటు చేయటం జరిగింది. ఈరకంగా ఇన్ని సంవత్సరాల కృషి ఫలితంగా ఈరోజున చంద్రబాబు నాయుడు వచ్చినాకనే ఈ ఒక రిజర్వేషన్ పోరాటానికి ఒక మలుపు మొదలైంది. దానిలో భాగంగానే కాపుల్ని బీసీ లో పెట్టటంకోసం మంజునాథ్ కమిషన్ చేయటం జరిగింది.
కమిషన్ ద్వారా మాత్రమే చట్టభద్రత వస్తుంది, జీవో ద్వారా అయితే మీకు చట్టభద్రత రాదు, రేపు ప్రొద్దున కోర్ట్ లోకి వెళ్తే విగిపోతుంది అని సంఘాల నాయకులు, పెద్దలు అందరూకూడా కోరిన మీదట చంద్రబాబు నాయుడు గారు జీవో ద్వారా కంటే మరి కమిషన్ ద్వారానే అడుగుతున్నారు. అది కూడా ముందు రోజుల్లో ఎట్టి పరిస్థితుల్లో కూడా కాపులకి మరి ఒకసారి రిజర్వేషన్ ఇచ్చిన తరువాత ఎటువంటి ఇబ్బందులు లేకోకుండా చిత్తశుద్ధి తో పనిచేయాలి వాళ్లు ఏ కోర్ట్ కి వెళ్లినా సరే వీగిపోకూడదు అన్న ఉద్దేశం తోటి మరి ఆరకంగా ఈరోజు మంజునాథ్ కమిషన్ వేసి కమిషన్ రిపోర్ట్ ద్వారానే దానికి చట్టభద్రత తీసుకు రావాలి అనే ఉద్దేశంతో చంద్రబాబు నాయుడు గారు ప్రయత్నం చేయటం జరుగుతోంది. ఈ రోజున జీవో ద్వారా అయితే ఆయన అనేక పరియాయలు మీకు జీవో అయితే ఎంత రెండు నిమిషాల్లో నేను జీవో ఇస్తాను అనిచెప్పి చెప్పిన సందర్భాలు ఉన్నాయి. కానీ జీవో ద్వారా వద్దు, ఎందుకని అంటే ఒకసారి ముస్లింలకి రిజర్వేషన్ ఇచ్చినప్పుడు జీవో ద్వారా ఒకసారి వైస్ రాజశేఖర రెడ్డి గారు ఇస్తే అది కోర్టులోకి వెళ్తే అది వీగిపోయింది. అందుకే ఇప్పుడు కమిషన్ నివేదిక ఆధారంగా మంత్రివర్గంలో చర్చించి నిర్ణయం తీసుకున్నారు. ఇవాళ అసెంబ్లీలో ఇది తీర్మానం చేశారు... ఇది కేంద్రానికి పంపిస్తారు... ఇప్పుడు కేంద్రం కాని, ఎవరన్నా కోర్ట్ కి వెళ్ళినా, ఎవరూ దీన్ని ఇవ్వకుండా ఆపటం కుదరదు... ఎందుకంటే ఇక్కడ కమిషన్ రిపోర్ట్ ఉంది... ఇంత చిత్తసుద్ధితో చంద్రబాబు ఇన్నాళ్ళకు, కాపులకి న్యాయం చేశారు.
