news

విశాఖపట్నంలో ఇది వరకే దుమారం రేగినటువంటి దేవాదాయ అసిస్టెంట్ కమీషనర్ శాంతి వివాదం ఇప్పుడు మళ్ళీ వెలుగులోకి వచ్చింది. ఈమె అప్పట్లో అక్కడ DCగా ఉన్నటువంటి పుష్ప వర్ధన్ పై నేరుగా వెళ్లి ఇసుక జల్లారు. ఆమె అప్పట్లో   DC పై ఇసుక చల్లడం కాని , కింద పని చేసే ఉద్యోగులు నుంచి అనేక ఆరోపణలు ఎదుర్కున్నారు. హుండీ లెక్కింపు విషయంలో కూడా పూర్తి స్థాయిలో అవకతవకలకు పాల్పడ్డారని అనేక ఆరోపణలు ఉన్నాయి. వీటన్నిటి  పైన విచారణ చేపట్టి అన్ని నివేదికల్లో  కూడా ఆమె వైపు తప్పుంది అని స్పష్టంగా పేర్కొన్నారు. అయితే ఈ నివేదికా దేవాదాయ కమీషన్ దగ్గరకు వెళ్ళిన తరువాత  అసిస్టెంట్ కమీషనర్ శాంతిని పిలిపించి వివరణ తీసుకున్నారు. వివరణ తీసుకున్నాక, ఇవన్ని కూడా క్షమించ తగ్గ  తప్పులే  అని పూర్తి స్థాయిలో ఆమెకు క్లీన్ చిట్ ఇచ్చారు. ఇదే ఇప్పుడు చర్చనీయంసంగా  మారింది.  ఒక డిప్యూటీ కమీషనర్ మీద  అసిస్టెంట్ కమీషనర్ పదవిలో ఉన్న ఆమె  ఇసుక చల్లినా, ఆమె పై ఎటువంటి చర్యలు తీసుకోలేదని, ఆయన పూర్తిగా తన పదవికే రాజీనామా చేసారు. అలాగే కింద స్థాయి ఉద్యోగులు నేరుగానే ఆమె చేస్తున్న పనులన్నింటిని కూడా మీడియా ముందే చెప్పారు. ఈ విషయం అంతా కూడా  ప్రతి ఒక్కరు బహిర్గతంగా టివిలలో చూసారు. అయితే మరి దేవాదాయ శాఖా మంత్రికి ఇవన్ని తప్పులుగా కనిపిచక పోవటం, చాలా విచిత్రం గా ఉందని అంటున్నారు.

గన్నవరం MLA వల్లభనేని ని వంశీ ని ఉద్దేశించి, వైసిపి MLA శ్రీధర్ రెడ్డి చేసిన వ్యాఖ్యలు తీవ్ర కలకలం రేపాయి. ఇది అనంతపురం జిల్లలోనే కాక, రాష్ట్ర వ్యాప్తంగా హట్ టాపిక్ గా మారింది. పుట్టపాడు నియోజకవర్గం నల్లమాడులో  గాంధీజీ కలలు కన్న స్వరాజ్యం అనే కార్యక్రమానికి పుట్టపర్తి MLA శ్రీధర్ రెడ్డి హాజరయ్యారు. ఇదే కార్యక్రమంలో ఆయన మాట్లాడుతూ ముందుగా గౌరవ సభల పేరుతో తెలుగు దేశం పార్టీ ప్రజల్లో కి వెళ్తున్న దాని పై విమర్శలు గుప్పించారు. గౌరవ సభల పేరుతో కార్యక్రమాలు చేస్తున్న చంద్రబాబును మా వైసిపి MLAలు, ఏ ఒక్కరూ కూడా విమర్శలు చేయలేదు, ఆ విమర్శలు చేసింది  వల్లభనేని వంశీ, వంశీతో తమకు, తమ పార్టీకి ఎటువంటి సంబంధం లేదని, వల్లభనేని వంశీ అనే వాడు తెలుగుదేశం పార్టీ "బి ఫాం" తో గెలిచాడు, చంద్రబాబు ని కించపరిచేలా వ్యాఖ్యలు చేసింది కూడా వాడే అంటూ శ్రీధర్ రెడ్డి విరుచుకు పడ్డారు. గన్నవరం MLA వంశీ ఉద్దేశించి చేసిన వ్యాఖ్యలతో ఆ కార్యక్రమం లో ఒక్కసారిగా కలకలం రేగింది. ఈ విమర్శలు రాజకీయంగా కూడా  తీవ్ర చర్చకు దారి తీసాయి. వైసిపి అధిష్టానం నుంచి మరీ ముఖ్యంగా ప్రబుత్వ సలహాదారు సజ్జల, శ్రీధర్ రెడ్డి చాలా సన్నిహితంగా ఉంటారని  అధికార పార్టీ నేతలు చెపుతుంటారు. అయితే  శ్రీధర్ రెడ్డి వ్యాఖ్యల వెనుక మర్మం ఏంటనేది అర్ధం కావట్లేదని నేతలు చర్చించుకుంటున్నారు. ఈ వ్యాఖ్యల వెనుక వైసిపి అధిష్టానం ఉందని కూడా తీవ్ర చర్చ జరుగుతుంది.

ఆంధ్రప్రదేశ్ ప్రభుత్వానికి ట్రెజరీ ఉద్యోగుల నుంచి షాక్ తగిలింది. ట్రెజరీ ఉద్యోగులు అందరూ కూడా, ఆర్ధిక శాఖ అధికారుల ఆదేశాలు పాటించేది లేదని తేల్చి చెప్పారు. ప్రభుత్వానికి షాక్ ఇచ్చారని చెప్పవచ్చు. అయితే దీనికి గల కారాణాలు చూస్తే, కొత్త పీఆర్సీ ప్రకారం జీతాలు ఇవ్వాలని రాష్ట్ర ప్రభుత్వం ఆదేశాలు జరీ చేసింది. ఈ రోజు ఉదయం రాష్ట్ర ఆర్ధిక శాఖ ఉన్నాతధికారులు అంతా కూడా, ట్రెజరీ అధికారులకు, అదే విధంగా డిస్ట్రిక్ట్ డ్రాయింగ్ ఆఫీసర్స్, వీరి అందరికీ కూడా వీడియో కాన్ఫరెన్స్ ఏర్పాటు చేసి, కొత్త పీఆర్సీ ప్రకారం జీతాలు ఇవ్వటానికి రెడీ అవ్వాలని, గతంలో ఏదైతే ఐఆర్ 27 శాతం ఇచ్చే వారో, ఇప్పుడు దాన్ని 23 శాతానికి తగ్గించటం, అలాగే hraలో కోత విధించటం, అలాగే ఉద్యోగులకు, 2019 జూలై నుంచి ఇచ్చిన ఐఆర్ అలాగే 2020 ఏప్రిల్ వరకు ఇచ్చిన పీఆర్సీ మానిటరీ బెనిఫిట్ వరకు ఇచ్చిన ఐఆర్ ని, డీఏ ఎరియర్స్ లో మినాహించటం, అలాగే పెన్షనర్స్ కి, అడిషినల్ క్వాంటం అఫ్ పెన్షన్స్ వీటి అన్నిటినీ తీసి వేసి, కొత్త సాఫ్ట్ వేర్ ని రూపొందించారు. ఈ సాఫ్ట్వేర్ ప్రకారం, ఉద్యోగులకు జీతాలు ఇవ్వాలని, కొత్త బిల్లులు అప్లోడ్ చేయాలని, ప్రభుత్వం ఆదేశాలు జారీ చేసింది. ఎందుకంటే, ఉద్యోగులు అంతా కూడా, రేపు సమ్మె నోటీస్ ఇవ్వటానికి రెడీ అవుతున్నారు.

మరో వైపు విజయవాడలో ఒక హోటల్ లో, నాలుగు ఉద్యోగ సంఘాల నేతలు అంతా కూడా రహస్యంగా భేటీ నిర్వహిస్తున్నారు. ఈ భేటీలో ఐక్య పోరాటానికి రూపకల్పన చేస్తున్నారు. ఇదే సందర్భంలో కొత్త పీఆర్సీ ప్రకారం జీతాలు వేయాలని, ఉద్యోగుల ఇష్టాఇష్టాలతో సంబంధం లేకుండా, వారికి జీతాలు వేయాలని, అలా చేసి జీతాలు పడితే, పీఆర్సీ వాళ్ళు అంగీకరించినట్టు అవుతుందని ప్రభుత్వం ప్లాన్ వేసింది. ఏ ప్రభుత్వం అయినా సరే, ప్రభుత్వం కొత్త పీఆర్సీ ఏర్పాటు చేసిన తరువాత, ఒక ప్రాసెస్ ఉంటుంది. కొత్త పీఆర్సీ మీకు ఇష్టమా లేదా అనేది అంగీకారం ఇవ్వాలి, ఆ అంగీకారం లేకుండా జీతాలు వేసేయాలని ప్రభుత్వం ప్లాన్ చేసింది. ట్రెజరీ ఉద్యోగులకు దీనికి సంబంధించి ఆదేశాలు వెళ్ళాయి. అయితే ట్రెజరీ ఉద్యోగులు, ప్రభుత్వం ప్లాన్ పసిగట్టి, ప్రభుత్వానికి షాక్ ఇచ్చారు. ట్రెజరీ ఉద్యోగులు తాము ఈ పని చేయం అని, తాము అధికారుల ఆదేశాలు తాము ప్రాసెస్ చేయం అని, అవి పక్కన పడేసారు. దీంతో ప్రభుత్వానికి పెద్ద షాక్ తగిలింది.