news

"సామాజిక స్మగ్లర్లు కోమటోళ్లు" అనే పుస్తక వివాదంపై రాష్ట్ర ముఖ్యమంత్రి నారా చంద్రబాబునాయుడు మరోసారి స్పందించారు. తన ట్విట్టర్ ఎకౌంటు ద్వారా, క్రింది విధంగా స్పందించారు...
"కుల మతాలను కించ పరిచే విధంగా పుస్తకాలు రాయడం సరికాదని, ప్రజలందరూ ఒకే కుటుంబంలా సామరస్యంతో కలసి మెలసి ఉండాలని ముఖ్యమంత్రి పిలుపునిచ్చారు."

మంగళవారం ఢిల్లీ పర్యటనలో కూడా విలేకరులతో మాట్లాడుతూ ఇదే విషయం పై చంద్రబాబు స్పందించారు... ఇతరుల మనోభావాలు దెబ్బతినేలా పుస్తకాలు రాయడం సరికాదు అని చంద్రబాబు పేర్కొన్నారు... ఈ పుస్తకం ఆంధ్రప్రదేశ్ రాష్ట్రంలో బ్యాన్ చేస్తామని ముఖ్యమంత్రి అన్నారు.

కంచ ఐలయ్య రచించిన ఈ పుస్తకంపై ఆర్యవైశ్య సంఘాలు తీవ్ర నిరసనను వ్యక్తం చేస్తున్న సంగతి తెలిసిందే...

కుల మతాలను కించ పరిచే విధంగా పుస్తకాలు రాయడం సరికాదని, ప్రజలందరూ ఒకే కుటుంబంలా సామరస్యంతో కలసి మెలసి ఉండాలని ముఖ్యమంత్రి పిలుపునిచ్చారు.

— Andhra Pradesh CM (@AndhraPradeshCM) September 27, 2017

కియా కార్ల పరిశ్రమ స్థాపనతో అనంతపురం రూపురేఖలు మార్చనుంది. కియా పరిశ్రమతో పాటు, అనుబంధంగా కొరియాకే చెందిన ఆటోమొబైల్ విడిభాగాల తయారీ కంపెనీలు 6500 పెట్టుబడితో తమ యూనిట్లు ఏర్పాటు చేయబోతున్నాయి. దీంతో ఆంధ్రప్రదేశ్ లో కియా మోటార్స్ ఏర్పాటు చేసే కార్ల ప్లాంట్ సమగ్ర ప్లాంట్ కానుంది.

ఈ విడి బాగాల తయారీ కంపెనీలన్నీ తమ యూనిట్లను రెండు దశల్లో ఏర్పాటు చేయబోతున్నాయి. కార్ల ప్లాంట్ ఏర్పాటు కోసం కియా మోటార్స్ ఒక్కటే 110 కోట్ల డాలర్లు ఖర్చు చేస్తుంది. ఇప్పటికే 600 ఎకరాల్లో చదును కార్యక్రమం జరుగుతోంది.

అనంతపూర్ జిల్లాలో ఏర్పాటు చేసే తన ప్లాంట్ కు అవసరమైన విడిభాగాల్లో ఎక్కువ బాగాన్ని స్థానికంగానే సేకరించాలని కియా మోటార్స్ బావిస్తోంది. అలా చేయడం వలన ఖర్చులు తగ్గించుకుని భారత మార్కెట్లో మారుతితో పాటు ఇతర కంపెనీలతో దీటుగా పోటీ పడొచ్చని కంపెనీ అంచనా.

నిన్న చంద్రబాబు ఢిల్లీ పర్యటనలో నేషనల్ మీడియాతో మాట్లాడారు.. నగదు రహిత లావాదేవీల ప్రోత్సాహాక కమిటీ ముఖ్యమంత్రుల కమిటీకి చంద్రబాబును చైర్మన్ అయినందున, నేషనల్ మీడియా దానికి సంభందించిన ప్రశ్నలు చంద్రబాబుని అడిగింది.

నోట్ల రద్దు మంచిదే అని, అయితే డిజిటల్ కరెన్సీని ఎక్కువగా ప్రమోట్ చేసి, ఆన్లైన్ చార్జీలు తగ్గించి, సరైన ఇన్ఫ్రాస్ట్రక్చర్ తయారు చేస్తే, నగదు రహితం వైపు ప్రజలు ఆకర్షితులు అవుతారని చంద్రబాబు అన్నారు...

నోట్ల రద్దు తర్వాత రెండు వేల నోటును ప్రవేశపెట్టి ప్రధాని నరేంద్ర మోదీ తప్పు చేశారా అని అడిగిన ప్రశ్నకు చంద్రబాబు స్పందిస్తూ, పెద్ద ఎత్తున నోట్ల రద్దు చేసినప్పుడు, భారీ స్థాయిలో డబ్బు చలామణిలో నుంచి వెళ్లిపోయిందని, అందుకే ఆ సమయంలో రెండు వేల నోటు అవసరమైందని చెప్పారు.. అయితే ఇప్పుడు డిజిటల్ వైపు ప్రజలను సన్నద్ధం చేసి, అవసరమైన ఇంటర్నెట్ సామర్ధ్యం పెంచి, చార్జీలు తగ్గించి, కొత్తగా ప్రవేశపెట్టిన 2 వేల రూపాయల నోట్లు రద్దు చెయ్యాలని చంద్రబాబు అన్నారు.

చంద్రబాబు కొన్ని సంవత్సరాల నుంచి పెద్ద నోట్లు రద్దు చెయ్యమంటూ సందర్భం వచ్చినప్పుడల్లా చెప్తున్నారు.. అయితే పెద్ద నోట్లు రద్దు తరువాత, వచ్చిన 2 వేల రూపాయల నోటు కూడా అవసరం లేదు అని చంద్రబాబు ముందు నుంచి చెప్తున్నారు.

ఏదైనా సంస్కరణ చేసినప్పుడు, ఫలితాలు రావాలంటే కొంత సమయం పడుతుందని, పెద్ద నోట్ల వల్ల అవినీతి ఎక్కువవుతుందని, దాన్ని నేను గట్టిగా నమ్ముతానని చంద్రబాబు అన్నారు.