news

ఆన్ని రకాల ఆటలను ప్రోత్సహిస్తామని రాష్ట్ర ముఖ్యమంత్రి చంద్రబాబు నాయుడు తెలిపారు. సోమవారం సాయంత్రం విశాఖపట్నం నోవోటెల్ లో నిర్వహించిన 4వ ఇండియన్ ఓపెన్ వరల్డ్ ర్యాంకింగ్ స్నూకర్ టోర్నమెంటును ముఖ్యమంత్రి ప్రారంభించారు.

ముఖ్యమంత్రి మాట్లాడుతూ, గతంలో ఆఫ్రో ఆసియన్ గేమ్స్ ను, కామన్వెల్త్ క్రీడలను ఘనంగా నిర్వ హించామని గుర్తు చేశారు. భారత దేశంలో ప్రస్తుతం క్రికెట్ పై మక్కువ ఎక్కువగా వుందని, మిగిలిన క్రీడలను కూడ ప్రోత్సహిస్తూ రాష్ట్రంలో క్రీడలకు ఉత్తమ మౌలిక సదుపాయాలను కల్పించనున్నట్టు తెలిపారు. అమరావతిలో స్నూకర్ స్టేడియంను నిర్మిస్తామన్నారు. సంతోషమే సూచిగా పనిచేస్తామని, క్రీడలు, కల్చరల్ కార్యక్రమాలతో సంతోషం లభిస్తుందన్నారు. ఆంధ్రప్రదేశ్లో త్వరలో ఒలింపిక్స్ క్రీడలను నిర్వహించే స్థాయికి చేర్చుతామన్నారు.

భారత స్నూకర్ పెడరేషన్ ఆద్యక్షుడు కెప్టెన్ పి.వి. కె.మోహన్ మాట్లాడుతూ, ప్రస్తుతం స్నూకర్ లో టాప్ 64 మంది క్రీడాకారులు పాల్గుంటున్నారని, అందులో 6 గురు వరల్డ్ ఛాంపియన్స్ అని చెప్పారు.

చంద్రబాబు ఈ సందర్భంగా స్నూకర్స్ ఆడారు, మీరూ చూడండి...

కంచ ఐలయ్య రాసిన 'సామాజిక స్మగ్లర్లు-కొమటోళ్లు' అనే పుస్తకం పై ఆంధ్రప్రదేశ్ ప్రభుత్వం సీరియస్ అయ్యింది. ఆ పుస్తకంలో ఏముంది, ఆర్యవైశ్యుల అభ్యంతరాలు ఏమిటి అనే దాని పై ఆంధ్రప్రదేశ్ డీజీపీ నండూరు సాంబశివరావుతో, ముఖ్యమంత్రి చంద్రబాబు చర్చించారు.

కులాలమధ్య చిచ్చుపెట్టే అంశమేదైనా చట్టపరమైన చర్యలు తీసుకోవాలని డీజీపీకి ఆదేశించారు. ఒక కులాన్ని, మతాన్ని కించపరచటం, మనోభావాలని దెబ్బతియ్యటం, తద్వారా సమాజంలో కులాల మధ్య చిచ్చు పెట్టటం, మంచిది కాదన్నారు..

అంతే కాకుండా, ఆర్యవైశ్యుల నుంచి విజ్ఞప్తులు వస్తే కంచె ఐలయ్య రాసిన పుస్తకాన్ని మన రాష్ట్రంలో, నిషేధించే యోచనలో ఆంధ్రప్రదేశ్ ప్రభుత్వం ఉన్నట్లు తెలుస్తోంది.

ఎన్నికలు ఫలితాల కన్నా ముందే, ఖచ్చితమైన సర్వే ఫలితాలు చెప్పే ఆంద్ర ఆక్టోపస్, లగడపాటి రాజగోపాల్ ని నేడు ఆంధ్రప్రదేశ్ సీఎం చంద్రబాబు ప్రత్యేకంగా పిలిపించుకుని మాట్లాడారు. ఈ సమావేశం ఎందుకు జరిగింది అని అడిగితే, అసలు విషయం చెప్పకుండా సీఎం గారు పిలిచారు అందుకే వచ్చానంటూ అమరావతిలో విలేకరులతో చెప్పారు లగడపాటి. తమ భేటీకి ఎలాంటి రాజకీయ ప్రాధాన్యత లేదన్నారు.

అమరావతి వచ్చి ముఖ్యమంత్రిని కలవటం, ఇది రెండో సారి... టీడీపీ లో లగడపాటి చేరతారని, ఎప్పటి నుంచో ప్రచారం ఉంది.. అలాంటి ఆలోచన ఏదీ లేదని ఆయన చెప్తూ వస్తున్నారు. ఈ పరిస్థితుల్లో లగడపాటిని, ముఖ్యమంత్రి స్వయంగా ఆహ్వానించటం, సర్వత్రా చర్చ అయ్యింది... తెలుగుదేశంలో దసరా తరువాత జాయిన్ అవుతారు అనే పుకార్లు వస్తున్నాయి.

మరో వైపు, నంద్యాల, కాకినాడ విజయంతో వచ్చిన ఊపు కొనసాగించడానికి మునిసిపల్ కార్పొరేషన్ ఎన్నికల నిర్వహణకు ముఖ్యమంత్రి నిర్ణయం తీసుకున్న సంగతి తెలిసిందే. ఆ ఎన్నికలు జరిపితే, పరిస్థితి ఎలా ఉంటుందో తెలుసుకోవటానికి, ఓ సర్వే జరపమని లగడపాటిని పిలిచారు అని తెలుగుదేశం వర్గాలు అంటున్నాయి.