news

రాష్ట్ర హైకోర్టులో ఆంధ్రప్రదేశ్ ప్రభుత్వానకి మరోసారి షాక్ తగిలింది. ప్రధానంగా ఆంధ్రప్రదేశ్ లో ప్రైవేటు స్కూల్స్, జూనియర్ కాలేజీలకు ఫీజులు ఖరారు చేస్తూ, రాష్ట్ర ప్రభుత్వం జీవో నెంబర్ 53, 54లను విడుదల చేసింది. ఈ రెండిటినీ సవాల్ చేస్తూ, ప్రభుత్వం స్కూల్స్, జూనియర్ కాలేజీల యాజమాన్యాలు కోర్టుకు వెళ్ళాయి. ముఖ్యంగా తూర్పు గోదావరి, కాకినాడకు చెందిన ప్రైవేటు స్కూల్స్ యాజమాన్యం, రాష్ట్ర హైకోర్టులో పిటీషన్ దాఖలు చేసింది. ఈ పిటీషన్ పై దాదాపుగా సుదీర్ఘ విచారణ జరిగింది. ఈ విచారణ సందర్భంగా పిటీషన్ తరుపు న్యాయవాదులు, బలమైన వాదనలు వినిపించారు. పిటీషనర్ తరుపు శ్రీవిజయ్, ఆదినారాయణ రావు, మరి కొందరు సీనియర్ న్యాయవాదులు వాదనలు వినిపించారు. ఈ వాదనలు సందర్భంగా ప్రధానంగా, ప్రైవేటు స్కూళ్లు, జూ.కాలేజీలకు సంబంధించిన ఫీజులను ప్రభుత్వం ఎలా నిర్ణయిస్తుందని చెప్పి, కూడా ప్రశ్నించారు. ఈ నేపధ్యంలోనే, హైకోర్టు ఈ రోజు తుది తీర్పు ఇచ్చింది. జీవో 53, 54ను హైకోర్టు కొట్టివేసింది. అదే విధంగా, ప్రైవేటు స్కూళ్లు, జూ.కాలేజీలు, ఈ రెండిటికీ ఫీజులు మీరు ఎలా నిర్ణయిస్తారని ప్రశ్నించటంతో పాటు, ప్రైవేటు స్కూళ్లు, జూ.కాలేజీలకు బస్సు ఫీజులను కూడా ప్రభుత్వం నిర్ణయించం ఏమిటి అని ప్రశ్నించారు.

బస్సు ఫీజులు కూడా ప్రభుత్వం నిర్ణయం తీసుకుంటుందని, జీవోలో పెట్టటం పై, రాష్ట్ర హైకోర్టు తప్పుబట్టింది. కొంత మంది విద్యార్ధులు సైకిల్ మీద, సొంత వాహనాలతో వస్తారు, అలాంటిది బస్సు ఫీజులు మీరు ఎలా నిర్నయస్తారని ప్రశ్నించింది. అదే విధంగా ఈ జీవోని రద్దు చేస్తూ ఇచ్చిన ఉత్తర్వులను, రాష్ట్రంలోని అన్ని స్కూల్స్, జూనియర్ కాలేజీలకు కూడా వర్తిస్తాయని కూడా తమ తీర్పులో హైకోర్ట్ స్పష్టం చేసింది. ఇక అదే అంశం పై, ప్రభుత్వాన్ని కూడా హైకోర్టు ఆదేశిస్తూ, వెంటనే ప్రభుత్వం కౌంటర్ అఫిడవిట్ కూడా ఈ అంశం పైన దాఖలు చేయాలని ఆదేశాలు కూడా జారీ చేసింది. ఇలా అన్ని విషయాల్లో ప్రభుత్వం జోక్యం చేసుకోవటం పై అభ్యంతరాలు వ్యక్తం అవుతున్నాయి. ఇప్పటికే సినిమా టికెట్ల రచ్చ కూడా జరుగుతున్న విషయం తెలిసిందే. అసలు సమస్యలు అయిన కరెంటు బిల్లులు, అలాగే ఇంటి పన్నులు, పెట్రోల్ రేట్లు ఇలాంటివి తగ్గించకుండా, ఎవరినో సాధించటానికి, అన్ని విషయాల్లో ప్రభుత్వం జోక్యం చేసుకుని, అభాసుపాలు అవుతుంది.

ఆంద్రప్రదేశ్ మూడు రాజధానుల కేసు విచారణ ఈ రోజు హైకోర్ట్ త్రిసభ్య ధర్మాసనం ముందు జరిగింది. ఈ విచారణ జనవరి 28 తేదికి వాయిదా పడటం జరిగింది.అయితే మూడు రాజధానుల కేసు విచారణ సందర్భంగా పిటీషనర్ల తరుపున ఎవరైతే అమరావతి రాజధాని నిర్మాణానికి భూములు ఇచ్చిన రైతులు ఉన్నారో, ఆ రైతుల తరుపున సుప్రీం కోర్ట్ న్యాయవాది శ్యాం దివాన్, అదే విదంగా సీనియర్ హైకోర్ట్ న్యాయవాదులు జంధ్యాల రవి శంకర్, ఉన్నవ మురళీధర్ వీళ్ళంతా కుడా వాదన వినిపించారు. ఎట్టి పరిస్థితుల్లో కూడా ఈ పిటీషన్ల పై విచారణ కొనసాగాల్సిందేనని చెప్పి శ్యాం దివాన్ వాదించటంతో పాటు అమరావతి నిర్మాణం కోసం ఏదైతే మాస్టర్ ప్లాన్ CRDA ఆమోదించిందో ,ఆ మాస్టర్ ప్లాన్ అమలు జరపాల్సిందేనని, అదేవిధంగా ఆ మాస్టర్ ప్లాన్ అనుగునంగా రైతులకు ఏదైతే హామీ ఇచ్చారో ఆ హామీని ఎట్టి పరిస్తితుల్లో కూడా అమలు చెయ్యాల్సిన్దేనని LPS కింద వాళ్ళకు ఇచ్చిన భూములను డెవెలప్ చెయ్యాల్సిందేనని స్పష్టం చేసారు.అందుకే రాష్ట్ర ప్రభుత్వం మూడు రాజధానుల బిల్లును వెనక్కు తీసుకున్నప్పటికీ కూడా ,ఏదైతే మాస్టర్ ప్లాన్ కు సంభందించి ఉన్న ఆ అంశాలు పరిష్కారం కాలేదు అని చెప్పి, అ బ్రీఫ్ నోట్ తో ఎటువంటి పని కాదు అని వాదించారు.

పైగా ఏదైతే ఈ పిటీషన్లలో గేజెట్ నోటిఫికేషన్ లో పేర్కొన్నారో, అందరి అభిప్రాయాలూ తీసుకునేందుకు, చట్టంలో ఉండే లోపాలను సరిదిద్దేటందుకు మాత్రమే దీనిని ఉపసంహరిచుకుంటున్నట్లు అందులో పేర్కొన్నారు కాబట్టి ఈ పిటీషన్లపై విచారణ జరగాల్సిందేనని చెప్పారు. అదే విదంగా జంధ్యాల రవి శంకర్ మాత్రం సెలక్ట్ కమిటీ కి వెళ్ళకుండా బిల్లులను ఆమోదించినట్లు పేర్కొన్నారని, ఇది రాజ్యంగ పరంగా ఘోరమైన తప్పిదం అని ఆయన స్పష్టం చేసారు. ఇక ఉన్నవ మురళీధర్ మాత్రం, రాష్ట్ర ప్రభుత్వం ఇప్పటికే ఒక ట్రిబ్యునల్ ను కర్నూల్ కు మార్చిందని, అదే విదంగా జగన్ వెళ్లి విశాఖపట్నం కూర్చుంటే అక్కడే రాజధాని ఉంటుందని చెప్పే ప్రమాదం ఉందని కూడా అయన కూడా వాదనలు వినిపించారు. ఈ నేపధ్యంలోనే చాలా వాడి వేడి వాదనలు జరిగాయి. కేసు పూర్తి స్థాయిలో, ఈ పిటీషన్ల పై విచారణ కొనసాగాలా వద్దా అనేది, అలాగే ఒకసారి యాక్ట్ వెనక్కు తీసుకున్నాక విచారణ అవసరం ఉందా అనే అంశం పై కూడా, జనవరి 28 తేదిన నిర్ణయిస్తామని హైకోర్ట్ త్రిసభ్య ధర్మాసనం పేర్కొంది.

తూర్పు గోదావరి జిల్లాలో ఓటిస్ కు సంభందించి చివరకు వైసిపి నేతలు కూడా ప్రజలను ఎక్కడికక్కడ బెదిరిస్తున్నారు. మీరు ప్రభుత్వం చెప్పిన 10వేలు గాని, 20 వేలు గాని,15 వేల రూపాయల్లో ఏదైతో మీకు వర్తిస్తుందో అది కట్టక పోతే ,మీ ప్రభుత్వ పధకాలు రద్దు చేస్తామని హెచ్చరిస్తుండగా, తాజాగా కొంతమంది వాలంటీర్లు,వైసిపి నేతలు కలిసి గ్రామాల్లోని, పట్టణాల్లోని ఇంటింటికి తిరిగి మీరు జగనన్న ఉప్పు తింటున్నారు,అ జగనన్నఉప్పు తింటున్నప్పుడు , జగనన్న ప్రవేశ పెట్టిన పధకాలకు మీరెందుకు డబ్బులు కట్టరని బ్లాక్ మెయిల్ చేస్తూ బెదిరించే పరిస్తితి చూస్తుంటే వాళ్ళు ఎంత దిగాజారిపోయరో అని ప్రజలు అభిప్రాయ పడుతున్నారు. ముఖ్యంగా కాకినాడ నియోజక వర్గంలో లబ్దిదారులను ఎక్కడికక్కడ బెదిరిస్తుంన్నారు. రాష్ట్రం మొత్తం మీద ఓటిస్ అత్యధిక వసూళ్ళు తూర్పు గోదావరి జిల్లాలో జరగాల్సి ఉండగా ఇప్పటికే దాదాపు 30 శాతం లోపు కూడా లక్ష్య సాధన జరగలేదని, ఈ నేపధ్యంలో జిల్లాల కలెక్టర్ దగ్గర నుంచి జాయింట్ కలెక్టర్ వరకు ఎక్కడికక్కడ RTO కి MRO కి వీళ్ళందరికీ MDO కి టార్గెట్ లు ఇచ్చి డబ్బులు ఎట్టి పరిస్తితుల్లో కట్టి తీరాలని మెడ మీద కత్తి పెట్టి వసూలు చేస్తున్నారు. మరో పక్క కొంత మందైతే వాలంటీర్లకు వసూలు చేయకపోవటం తో షోకాజ్ నోటిసులు కూడా జారి చేసినట్టు తెలుస్తుంది.

ఈ నేపధ్యంలో ఎక్కడికక్కడ వీరందరూ కూడా బెదిరిస్తున్నారు. మీరు డబ్బులు కట్టకపోతే పధకాలు అన్నీ రద్దు చేస్తాం అని బెదిరిస్తున్నారు. భవిషత్తు జగనన్న పదకాలు అందాలంటే ఇప్పుడు మీరు డబ్బులు కట్టి తీరాల్సిందేనని బెదిరిసున్నారు. మరో పక్క తెలుగు దేశం పార్టీ ఈ రోజు ఎక్కడికక్కడ నిరసనలు చేస్తున్నప్పటికీ కూడా ప్రభుత్వం దేనిని లెక్క చేయటం లేదు. మరో పక్క స్వచందమేనని ప్రభుత్వం ఓటిస్ గురించి చెబుతుండగా, జగన్ ఇటీవల పచ్చిమ గోదావరి జిల్లాలో జరిగిన సభలో ఓటిస్ ఉగాది వరకు కొనసాగుతుందని చెప్పారో, అప్పటినుంచి కూడా అధికారులు, వాలంటీర్లు , వైసిపి నేతలు కలిసి డబ్బులు వసూల్ చేసే పనిలో పడ్డారని చెప్పొచ్చు. దాదాపు పంచాయితీలో అయితే 10 వేలు, మున్సిపాలిటీలో అయితే 15 వేలు కార్పోరేషన్ పరిధిలో అయితే 20 వేలు వరకు వసూలు చేస్తున్నారు. మరో పక్క తాము డబ్బులు కట్టలేమని ఉపాధి పోయి రోడ్డున పడ్డామని అనేక మంది భాదితులు సెల్ఫి విడియో తీసి తమ గోడు వెల్లబోసుకుంటున్నారు.