news

హైదరాబాద్ లో ఉన్నటు వంటి ఎస్సీ ఎస్సీ, రైట్స్ ఫోరం, జాతీయ అధ్యక్షుడు కే.నాగరాజ అనే వ్యక్తి, జాతీయ ఎస్సీ కమిషన్ కే ఒక లేఖ రాసారు. ఏపిలో పెద్ద ఎత్తున మత మార్పిడులు జరుగుతున్నాయని, పేదలను ప్రలోభ పెట్టి, క్రిస్టియానిటీ కన్వర్షన్స్ చేస్తున్నారు అంటూ, పెద్ద ఎత్తున ఫిర్యాదులు చేసారు. ఆయనతో పాటు అనేక ఫిర్యాదులు, జాతీయ ఎస్సీ కమిషన్ కు అందాయి. ఈ లేఖలు అన్నిటి పైనా జాతీయ ఎస్సీ కమిషన్ సీరియస్ గా తీసుకుంది. ఏపి చీఫ్ సెక్రెటరీ గతంలోనే ఈ అంశం పై ఒక లేఖ రాసింది. జులై 19వ తేదీన ఒక లేఖ రాస్తూ, దీని పైన సవివరమైన నివేదిక అందచేయాలని కూడా ఆ లేఖలో తెలియ చేసింది. కానీ ఇప్పటి వరకు కూడా దాని పైన ఎటువంటి స్పందన లేకపోవటంతో , కేంద్ర జాతీయ ఎస్సీ కమిషన్ ఈ రోజు మరో లేఖను చీఫ్ సెక్రటరీకి రాయటం జరిగింది. అందులో కొంచెం సీరియస్ గానే స్పందించింది. ఏడు రోజులు లోగా, ఏపిలో జరుగుతున్న మత మార్పిడులకు జరుగుతున్న కారణాలు ఏమిటి, ఎవరి ఎవరిని ఈ మత మార్పిడులకు జరిపిస్తున్నారు ? పేదలను ఎందుకు ప్రలోభ పెడుతున్నారు ? ఏ విధంగా ప్రలోభ పెడుతున్నారు ? ఈ వివరాలు అన్నిటితో సమగ్ర నివేదికతో, తమకు వారం రోజులు లోగా నివేదిక అంద చేయాలని, ఎస్సీ కమిషన్ మరోసారి ఆదేశించింది.

గతంలో జరిగిన విషయాలను ఏపి ప్రభుత్వం సీరియస్ గా తీసుకోలేదని, మరో సారి అందుకే ఈ రిమైండర్ ని పంపుతున్నాం అని, ఈ సారి కూడా రాష్ట్ర ప్రభుత్వం నుంచి తమకు సరైన స్పందన లేకపోతే, తగిన విధంగా, రాజ్యాంగ పరంగా, న్యాయ పరంగా ఎటువంటి చర్యలు తీసుకోవాలో, అటువంటి చర్యలు తీసుకుంటాం అంటూ, జాతీయ ఎస్సీ కమిషన్, ఏపి చీఫ్ సెక్రటరీకి రాసిన లేఖలో పేర్కొంది. ఈ విషయానికి సంబంధించి, మరి ప్రభుత్వం ఏడు రోజుల్లోగా స్పందిస్తుందా ? నివేదిక పంపిస్తుందా ? చీఫ్ సెక్రటరీ ఈ విషయం పై ఎలాంటి ఒత్తిడి లేకుండా నివేదిక పంపిస్తారా అనేది చూడాలి. జాతీయ ఎస్సీ కమిషన్ అడిగే రిపోర్ట్ లకు కూడా ప్రభుత్వం స్పందించటం లేదు అంటే ఏమని చెప్పాలి ? గతంలో కూడా ఇలాగే సీతానగరం శిరోమండనం ఘటనకు సంబంధించి, రాష్ట్రపతి ఏకంగా, రాష్ట్ర ప్రభుత్వానికి లేఖ రాసి నివేదిక అడిగినా, ఇప్పటికీ ప్రభుత్వం పంపించ లేదు. మరి ప్రభుత్వం రాజ్యాంగ వ్యవస్థలను కూడా ఎందుకు పట్టించుకోవటం లేదో, వారికే తెలియాలి.

ఆంధ్రప్రదేశ్ రాజధాని అమరావతి కేసులు విచారణ, ఈ రోజు రెండో రోజు, ఆంధ్రప్రదేశ్ హైకోర్టులో త్రిసభ్య ధర్మాసనం ముందు జరుగుతుంది. ఈ త్రిసభ్య ధర్మాసనం ముందు అమరావతి పరిరక్షణ సమితి తరుపున, సుప్రీం కోర్టు సీనియర్ న్యాయవాది శ్యాం దివాన్, వాదనలు వినిపిస్తున్నారు. ఆయన నిన్న ఉదయం నుంచి వాదనలు ప్రారంభించారు. నిన్న విచారణ ముగియటం, ఈ రోజు మళ్ళీ ప్రారంభం కావటంతో, ఈ రోజు కూడా వాదనలు కొనసాగించారు. ఈ రోజు వాదనల సందర్భంగా, శ్యాం దివాన్ అమరావతి రైతులు గురించి, వారు రాజధాని కోసం భూములు ఇచ్చిన తీరు, ఇలా ఇవన్నీ కోర్టు ముందు ప్రస్తావించిన సమయంలో, హైకోర్టు చీఫ్ జస్టిస్ కీలక వ్యాఖ్యలు చేసారు. రాష్ట్రానికి రాజధాని అనేది, అది ఒక అమరావతి రైతులదే కాదని, రాజధాని అనేది ఆంధ్రప్రదేశ్ రాష్ట్ర ప్రజలదని, అది కర్నూల్ కావచ్చు, విశాఖపట్నం కావచ్చు, లేకపోతే ఏ ప్రాంతం అయినా, వారి అందరిదీ ఈ రాజధాని అమరావతి అని, కేవలం భూములు ఇచ్చిన 29 వేల మంది రైతులది కాదని చెప్పి, చీఫ్ జస్టిస్ ప్రశాంత్ కుమార్ మిశ్రా స్పష్టం చేసారు. రాజధాని ఎక్కడ ఉన్నా సరే, ఆ రాజధాని అనేది, ఆంధ్రప్రదేశ్ మొత్తానికి రాజధాని అనేది గుర్తుంచుకోవాలని ఆయన వ్యాఖ్యానించారు.

ఈ సందర్భంగా హైకోర్టు చీఫ్ జస్టిస్ ఒక ఉదాహరణను కూడా చెప్పారు. స్వతంత్ర సమర యోధులు, స్వతంత్రం కోసం పోరాటం చేసినప్పుడు, దేశానికి స్వాతంత్రం వచ్చింది అంటే, స్వాతంత్రం అనేది ఆ పోరాట యోదులదే కాదని, భారత దేశం మొత్తానికి ఇది స్వాతంత్రం అనేది గుర్తుంచుకోవాలని స్పష్టం చేసారు. ఇదే సమయంలో మరో కీలక అంశం కూడా హైకోర్టు ముందుకు వచ్చింది. రాజధానిలో ఇన్సైడర్ ట్రేడింగ్ అని చెప్పి, పదే పదే ఆరోపణలు చేసారు. ఇన్సైడర్ ట్రేడింగ్ అనే పదం అసలు సిఆర్పీసిలో లేదనే విషయం, శ్యాం దివాన్ స్పష్టం చేసారు. ఇప్పటికే ఈ అంశం పై ఆంధ్రప్రదేశ్ హైకోర్టు తో పాటుగా, సుప్రీం కోర్టులో కూడా ఈ అంశం కొట్టి వేసిన విషయాన్ని గుర్తు చేసారు. రాజ్యాంగం ప్రకారం ఎవరైనా, ఎప్పుడైనా, ఎక్కడైనా భూములు కొనుకోవచ్చు అని, భూములు ఎక్కడా కొనకూడదనే విషయం ఎక్కడా లేదని, శ్యాం దివాన్, హైకోర్టు ధర్మాసనం ముందు వాదనలు వినిపించారు. ఈ రోజు విచారణ ముగియటంతో, తిరిగి రేపు ప్రారంభంకానుంది

ఆంధ్రపదేశ్ బీజేపీ శాఖ, కేంద్ర హోం మంత్రి అమిత్ షా దెబ్బకు దిగి వచ్చింది. నిన్న అమిత్ షా, తిరుపతిలో జాతీయ కార్యవర్గ భేటీ అనంతరం నిన్న, ఏపి బీజేపీ నేతలకు పూర్తిగా క్లాస్ పీకారు. రాష్ట్రంలో పలు అంశాల పై బీజేపీ నేతలు స్పందిస్తున్న తీరు పై తీవ్ర అసంతృప్తి వ్యక్తం చేసారు. ఈ నేపధ్యంలోనే అమిత్ షా, నిన్న చేసిన దిశా నిర్దేశంతో, ఈ రోజే బీజేపీ నేతలు కదిలారు. ఒక్క రోజులునే బీజేపీ నేతలు వ్యవహార శైలి మార్చుకున్నారు. ఈ రోజు విజయవాడలో జరిగిన, ఒక సమావేశంలో, బీజేపీ రాష్ట్ర నేతలు, ప్రధానంగా అమరావతి రైతుల ఉద్యమానికి తాము మద్దతు ఇస్తున్నాం అని ప్రకటించటమే కాకుండా, అమరావతి రైతుల మహా పాదయాత్రలో అవసరమైన మేర పాల్గుంటాం అని వాళ్ళు ప్రకటించారు. అదే విధంగా, ఈ నెల 26 వ తేదీన, బీజేపీ రాష్ట్ర కార్యవర్గ సమావేశం ఏర్పాటు చేసి, ఈ సమావేశంలో రాష్ట్ర ప్రభుత్వ ప్రజా వ్యతిరేక విధానాల పై, ఎలా ముందుకు వెళ్ళాలి అనే అంశం పై కార్యవర్గంలో చర్చించబోతున్నారు. దీంతో పాటుగా, మరి కొన్ని కీలక అంశాల పై కూడా చర్చించబోతున్నారు. అదే విధంగా, జనసేనతో సమన్వయం, వారితో కలిసి చేసే ప్రజా వ్యతిరేక విధానాల పై కూడా బీజేపీ ఈ కార్యవర్గ సమావేశంలో కార్యాచరణ రూపొందించబోతున్నట్టు తెలిసింది.

అదే విధంగా అమరావతి రైతుల ఉద్యమానికి సంబంధించి, ఇప్పటికే స్థానిక నేతలు, తాము పాదయాత్రలో పాల్గుంటాం అని, అన్ని రాజకీయ పక్షాలు, కులాలు, మతాలూ, రాజకీయాలకు అతీతంగా, పాల్గుంటున్న సమయంలో, బీజేపీ పాల్గునకపోతే, రాజకీయంగా పార్టీకి ఇబ్బందులు ఏర్పడటానికి, పైగా రైతులు అంతా కూడా పాల్గుంటున్న సమయంలో, మనం పాల్గునక పోతే ఇబ్బందులు ఎదురు అవుతాయని చెప్తున్నా కూడా, ఏపి బీజేపీ పెద్దల నుంచి స్పష్టమైన సంకేతాలు వెళ్ళ లేదు. నిన్న అమిత్ షా, ఏదైతే తిరుపతిలో దిశానిర్దేశం చేసారో, ఆ సందర్భంగా అమరావతి రైతుల పాదయాత్రలో ఎందుకు పాల్గునటం లేదని నిలదీసారో, ఆ తరువాత ఈ రోజు ఏపి బీజేపీ అమరావతి పాదయాత్రలో పాల్గుంటాం అని చెప్పింది. సోము వీర్రాజు ఈ రోజు ఈ ప్రకటన చేసారు. ఇప్పటికే సియం రమేష్, తాను తిరుపతిలో పాల్గుంటాను అని చెప్పగా, ఇతర నేతలు కూడా ఇప్పుడు రెడీ అవుతున్నారు. మొత్తానికి అమిత్ షా పీకిన క్లాస్ తో, వైసీపీ వెనుక పడటం ఆపి, ఇక ప్రజా సమస్యల పై కదిలే విధంగా బీజేపీ నేతలు రెడీ అవుతున్నారు.