news

జడ్జిలను, న్యాయస్థానాలను కూడా టార్గెట్ చేసే వైఎస్ఆర్ కాంగ్రెస్ పార్టీ సోషల్ మీడియా పేటీయం బ్యాచ్ కి, రైతులను టార్గెట్ చేయటం పెద్ద కష్టం ఏమి కాదు కానీ, అసలు వీరి టార్గెట్ ఏమిటి ? ఎందుకు ఇంత సడన్ గా అమరావతి రైతులను టార్గెట్ చేస్తున్నారు అనేది మాత్రం విశ్లేషించాల్సిందే. అమరావతి రైతులు గత 11 రోజులుగా న్యాయస్థానం టు దేవస్థానం అంటూ పాదయాత్ర చేస్తున్నారు. అమరావతి రైతుల పాదయాత్రను ముందుగా వైఎస్ఆర్ కాంగ్రెస్ పార్టీ లైట్ తీసుకుంది. అమరావతి రైతులకు పెద్దగా మద్దతు ఉండదులే అని అనుకున్నారు. తాము చేసిన విష ప్రచారంతో, ప్రజల మద్దతు వీరికి లభించదు అనే అంచనాకు వచ్చారు. మొదటి రోజు సహజంగా ఎక్కువ ప్రజలు వస్తారని వదిలేసారు, కానీ రెండు, మూడు, పది రోజులు అయినా ప్రజాధరణ రోజు రోజుకీ పెరుగుతుంది కానీ తగ్గటం లేదు. ఇన్నాళ్ళు తాము ఎంత విష ప్రచారం చేసినా, ప్రజలు ఇంకా అమరావతి రైతుల పట్ల ఉండటం పై ఆశ్చర్య పోయారు. అమరావతిలోనే రైతులు నిరసన తెలుపుతుంటే, ప్రజలు ఎవరూ పట్టించుకోలేదు కానీ, ఇప్పుడు పాదయాత్రగా తమ ముందుకు వస్తుంటే మాత్రం, ప్రజలు చూస్తూ కూర్చోవటం లేదు. పెద్ద ఎత్తున గ్రామాలకు గ్రామాలు కదిలి వచ్చి, అమరావతి రైతులకు మద్దతు ఇస్తున్నాయి.

అమరావతి రైతులకు వస్తున్న ప్రజాధరణ చూసి, విష ప్రచారం మొదలు పెట్టారు వైఎస్ఆర్ కాంగ్రెస్ పార్టీ సోషల్ మీడియా బ్యాచ్. ఇన్సైడర్ ట్రేడింగ్, కమ్మ రాజధాని, అంటూ చిమ్మిన విషం ఇక పని చేయదు అని అర్ధమైందో ఏమో కానీ, ఇప్పుడు ప్లాన్ మార్చారు. పాదయాత్రకు మద్దతు తెలపటానికి వచ్చిన యువతను, ముఖ్యంగా మహిళలను టార్గెట్ చేసారు. వీరు వేసుకున్న బట్టలు, పెట్టుకున్న వాచీలో , చేతిలో సెల్ ఫోన్లు చూపిస్తూ వీళ్ళు రైతులా అంటూ సోషల్ మీడియాలో పెద్ద ఎత్తున హేళన చేస్తున్నారు. ముఖ్యంగా మహిళను వీళ్ళు టార్గెట్ చేస్తున్న తీరు, దుర్మార్గంగా ఉంది. ఏ రైతులు అయితే మంచి బట్టలు, బూట్లు, వాచీలు పెట్టుకోకూడదా ? రైతు బిడ్డలు పెట్టుకోకూడదా ? వ్యవసాయ కుటుంబాల నుంచి ఎంత మంది అమెరికా వెళ్ళారో, ఈ సన్నాసులకు తెలియదా ? అసలు రైతు అంటే ఇలాగే ఉండాలి అనే నిర్వచనం చెప్పటానికి వైసీపీ ఎవరు ? వీలు అయితే మద్దతు ఇవ్వాలి, లేకపోతే నోరు మూసుకోవాలి కానీ, ఇలా ఉద్యమాన్ని, మహిళలను కించ పరిచే ఈ సైకోలకు ఎప్పటికి బుద్ధి వస్తుందో మరి.

రాష్ట్ర ప్రభుత్వ చట్ట వ్యతిరేక పనులు, ఆదేశాల పై ఆంధ్రప్రదేశ్ హైకోర్టు ఇటీవల అనేక వ్యాఖ్యలు చేసినా, ప్రభుత్వ అధికారులలో మాత్రం ఎలాంటి మార్పు కనపడటం లేదు. తమ అధికారాలకు చట్టాలు వర్తించవు, తాము చెప్పేదే ఫైనల్ అన్నట్టుగా కొంత మంది అధికారులు వ్యవహరిస్తున్న తీరు, తీవ్ర అభ్యంతరకరంగా మారుతుంది. తాజాగా నిన్న హైకోర్టు, మరోసారి తీవ్ర వ్యాఖ్యలు చేసింది. రాష్ట్రంలో పరిస్థితి ఎంత దారుణంగా ఉందో అర్ధం అవుతుంది అంటూ, వ్యాఖ్యానించింది. చిత్తూరు జిల్లా కుప్పం మునిసిపల్ ఎన్నికల జరుగుతున్న ప్రాంతాల్లో, ఎన్నికల ప్రచారం చేయాలి అంటే, అక్కడ స్థానిక డీఎస్పీ అనుమతి తీసుకుని చేయాలని, తమ వద్ద నుంచి ముందస్తు అనుమతి తీసుకోకపోతే, ఇండియన్ పోలీస్ ఆక్ట్ ప్రకరం చర్యలు తీసుకుంటాం అంటూ, అక్కడ డీఎస్పీ జారీ చేసిన ఆదేశాల పై హైకోర్టు సీరియస్ అయ్యింది. ఆ ఆదేశాల పై స్టే విధించింది. ఈ సందర్భంగా హైకోర్టు కొన్ని ఘాటు వ్యాఖ్యలు చేసింది. ఈ రోజు ప్రచారం చేసుకునేందుకు అనుమతి అడుగుతున్న పోలీసులు, రేపు నామినేషన్ వేసేందుకు కూడా అనుమతి అడుగుతారేమో అంటూ హైకోర్ట్ తీవ్ర వ్యాఖ్యలు చేసింది. రాష్ట్ర ఎన్నికల సంఘం, ఎన్నికల ప్రచారంలో, అనుమతి తీసుకోవాలని ఎలాంటి ఆదేశాలు ఇవ్వకపోయినా, డీఎస్పీ ఏ అధికారాలతో ఆ ఆదేశాలు ఇచ్చారు అంటూ కోర్ట్ ప్రశ్నించింది.

ఈ ఆదేశాలు చూస్తుంటే, రాష్ట్రంలో పరిస్థితి ఎలా ఉందో అర్ధం చేసుకోవచ్చు అంటూ కోర్టు వ్యాఖ్యానించింది. రాష్ట్రంలో అనేక చోట్ల ఎన్నికలు జరుగుతున్నాయని, ఎక్కడా లేని ఆంక్షలు కేవలం కుప్పంలోనే ఎందుకు పెట్టారు అంటూ కోర్టు ప్రశ్నించింది. డీఎస్పీ ఇచ్చిన ఆదేశాల పై ఆగ్రహం వ్యక్తం చేసిన కోర్టు, ఆ ఆదేశాల పై స్టే విధిస్తూ, ఈ మొత్తం వ్యవహారంలో డీఎస్పీ నుంచి వివరణ తీసుకోవాలి అని, ఆ వివరాలు కోర్టుకు తెలపాలి అంటూ, హైకోర్టు చిత్తూరు జిల్లా ఎస్పీని ఆదేశించింది. తెలుగుదేశం పార్టీ నాయకులకు కుప్పంలో ప్రచారం నిర్వహించుకోవచ్చని చెప్పింది. ఎన్నికల్లో ప్రచారం చేసుకోవటం అనేది రాజ్యాంగం ఇచ్చిన హక్కు అని కోర్టు గుర్తు చేసింది. ఈ హక్కులను ఎవరూ హరించలేరని తేల్చి చెప్పింది. ఈ కేసు పై తదుపరి విచారణను ఈ నెల 15వ తేదీకి వాయిదా వేసింది. మొత్తానికి తెలుగుదేశం పార్టీ సీనియర్ నేతలను కుప్పం రానివ్వకుండా, వారు ప్రాచారం చేసుకునే వీలు లేకుండా, కేవలం తామే ప్రచారం చేసుకోవాలని చుసిన వైఎస్ఆర్ కాంగ్రెస్ పార్టీకి ఎదురు దెబ్బ తగిలింది అనే చెప్పాలి..

వైఎస్ వివేక కేసులో ఇంకా మిస్టరీ కొనసాగుతూనే ఉంది. అనేక మలుపులు తిరిగిన ఈ కేసు, చివరకు వివేక్ కుమార్తె , భార్య కోర్టుకు వెళ్లి, సిబిఐ విచారణ అడగటంతో, ఈ కేసు సిబిఐకు వెళ్ళింది. అయితే సిబిఐ పై కూడా అనేక విమర్శలు వచ్చాయి. చివరకు సునీత ఢిల్లీలో ప్రెస్ మీట్ పెట్టి మరీ, సిబిఐ సరిగ్గా పని చేయటం లేదని చెప్పటంతో, కొన్ని రోజులకే సిబిఐ పూర్తి స్థాయిలో రంగంలోకి దిగింది. తరువాత దూకుడు మీద సిబిఐ ఆఫీసర్ సుధా సింగ్ ను ట్రాన్స్ఫర్ చేసారు. అప్పటి వరకు రోజుకి ఒక వార్త బయటకు వస్తూ ఉండేది, ఆమె సదన్ గా ట్రాన్స్ఫర్ అవ్వటంతో, మళ్ళీ కేసు విచారణలో వేగం తగ్గింది అనే భావన నెలకొంది. చివరకు సిబిఐ పత్రికా ప్రకటన కూడా ఇచ్చి, కేసు గురించి వివరాలు చెప్తే, డబ్బులు ఇస్తాం అంటూ కూడా ప్రకటన చేసింది అంటే, పరిస్థితి ఎలా ఉందో అర్ధం చేసుకోవచ్చు. అయితే తరువాత సిబిఐ కొన్ని అరెస్ట్ లు చేసింది. అయినా సునీత చెప్పిన కొన్ని పేర్లను ఇప్పటికీ సిబిఐ విచారణ చేయలేదు. అందులో రాజకీయ నాయకులు, ప్రజా ప్రతినిధులు కూడా ఉన్నారు. మరి సిబిఐ వారిని ఇప్పటి వరకు ఎందుకు విచారణ చేయలేదో తెలియదు కానీ, తాజాగా నిన్న జరిగిన ఒక సంఘటనతో, ఈ కేసులో మరో కీలక పరిణామం చోటు చేసుకోవటంతో, ఈ కేసు మరో సారి వార్తల్లో నిలిచింది.

వివేక కేసులో అరెస్ట్ అయిన వివేక మాజీ డ్రైవర్ దస్తగిరి, అప్రువర్ గా మారటానికి సిద్ధం అయ్యారు. దస్తగిరి అప్రువర్ గా మారటానికి సిద్ధం అయ్యారని, తమకు విచారణలో పూర్తి సహకారం అందిస్తున్నారని, దస్తగిరి సాక్ష్యం నమోదు చేయాలి అంటూ సిబిఐ అధికారులు కడప కోర్టులో పిటీషన్ దాఖలు చేసారు. సిబిఐ వేసిన ఈ అప్రువర్ పిటీషన్ పై ఇప్పుడు చర్చ జరుగుతుంది. ఇప్పటికే వివేక కేసులో దస్తగిరి కీలకమైన వ్యక్తిగా సిబిఐ చెప్తుంది. మరి అప్రువర్ గా మారిన దస్తగిరి ఏమి విషయాలు చెప్తారు, ఎవరు పేర్లు చెప్తాడు, పెద్ద తలకాయలు బయటకు వస్తాయో లేదో చూడాలి. ఎందుకంటే దస్తగిరి లాంటి సామాన్య డ్రైవర్ కి పులివెందులలో, సంత ఇంట్లో వైఎస్ ఫ్యామిలీ మీదకు వెళ్ళే సాహసం ఉండదు. అసలు ఆ అవకాశమే ఉండదు. ఎవరో వెనుక ఉండి నడిపిస్తే కానీ చేయడు. మరి తన అప్రువర్ పిటీషన్ లో, ఏ అంశాలు చెప్తాడు, ఎవరి పేర్లు చెప్తాడు అనేది చూడాలి. అసలు ఈ అప్రువర్ పిటీషన్ ను కోర్టు అంగీకరిస్తుందా, అనేది కూడా ప్రశ్న. చూద్దాం ఏమి జరుగుతుందో.