news

ఒక పక్క ఏపి ప్రభుత్వం పెట్టిన రాజద్రోహం కేసు, సంచలనం అవుతున్న నేపధ్యంలో, ఇదే తరహా కేసు పై, సుప్రీం కోర్టు ఈ రోజు సంచలన తీర్పు ఇచ్చింది. ఇటీవల ప్రభుత్వాల పని తీరు, లోపల పట్ల ప్రశ్నిస్తున్న జర్నలిస్టుల పైన పలు చోట్ల రాజద్రోహం కేసులు నమోదు చేయటం, వారిని అరెస్ట్ చేయటం పైన, ఇలాంటి నిరంకుశ చర్యల పై దేశ వ్యాప్త చర్చ జరుగుతుంది. తాజాగా వినోద్ దువా అనే జర్నలిస్ట్ పై హిమాచల్ ప్రదేశ్ ప్రభుత్వం పెట్టిన రాజద్రోహం కేసు విషయంలో సుప్రీం కోర్టు సంచలన తీర్పు ఇచ్చింది. గత ఏడాది క-రో-నా ప్రారంభం అయిన తరువాత, దేశ వ్యాప్తంగా లాక్ డౌన్ ప్రారంభించటం, ఆ పరిణామాలు ఆలోచన చేయకుండా, కేంద్ర ప్రభుత్వం తీసుకున్న నిర్ణయాలు, ప్రజలు పడిన ఇబ్బందులు తీరు, ఇలా అనేక అంశాలు, లోపాలు పై, వినోద్ దువా అనే జర్నలిస్ట్ తన అభిప్రాయాలు తెలియ చేస్తూ ఒక వీడియో చేసారు. అయితే దేశ వ్యాప్తంగా ప్రభుత్వ చర్యల పై ప్రజల్లో అనుమానం కలిగే విధంగా, ప్రభుత్వ ప్రతిష్టకు భంగం కలిగే విధంగా ప్రయత్నం చేసారు అంటూ, ఆయన పై హిమాచల్ ప్రదేశ్ పోలీసులు కేసు నమోదు చేసి, పలు సెక్షన్ లు కింద వినోద్ దువా పై కేసులు పెట్టారు. ముఖ్యంగా 124 ఏ అనే సెక్షన్ కింద రాజద్రోహం కేసు పెట్టారు. దాంతో పాటుగా, పబ్లిక్ న్యూసెన్స్ కింద కేసుతో పాటుగా, ఆయన పై పలు సెక్షన్ల కింద కేసులు నమోదు చేసారు.

అయితే ఒక జర్నలిస్ట్ పై రాజద్రోహం కేసు మోపటం, ఇతర సాకులు చెప్పి ఆయన్ను అరెస్ట్ చేయటం పై, వినోద్ దువా హిమాచల్ ప్రదేశ్ హైకోర్టుని, అలాగే ఆ తరువాత సుప్రీం కోర్టుని కూడా ఆశ్రయించటం జరిగింది. 2020 మార్చ్ లో నమోదు చేసిన ఈ కేసు పైన, 2020 జూన్ లోనే సుప్రీం కోర్టు, వినోద్ దువా ని అరెస్ట్ చేయటానికి వీలు లేదని సుప్రీం కోర్టు ఆదేశాలు ఇచ్చింది. అయితే ఈ రోజు సుప్రీం కోర్టు, ఈ అంశం పై తుది తీర్పు ఇచ్చింది. జస్టిస్ లలిత్ తో కూడిన ధర్మాసనం, ఈ కేసులో తీర్పు ఇచ్చింది. రాజద్రోహం కేసు ఎఫ్ఐఆర్ ని కొట్టేస్తూ, సుప్రీం కోర్టు సంచలన తీర్పు ఇచ్చింది. ప్రతి జర్నలిస్ట్ కు రక్షణ ఉంటుంది అంటూ సుప్రీం కోర్టు తెలిపింది. గతంలో సుప్రీం కోర్టు ఇచ్చిన తీర్పుని ఈ సందర్భంగా ఉదహరించింది. అయితే ఇప్పటికే ఆంధ్రప్రదేశ్ లో నమోదు అయిన రాజద్రోహం కేసు విషయంలో, మీడియా పై పెట్టిన రాజద్రోహం కేసు కూడా సుప్రీంలో విచారణలో ఉన్న సంగతి తెలిసిందే. ఇప్పుడు సుప్రీం కోర్టు ఇచ్చిన తీర్పుతో, ఆ కేసులో కూడా న్యాయం జరుగుతుందని, విమర్శలు చేస్తే రాజద్రోహం కింద ప్రభుత్వాలు చూడటం మానుకోవాలని విశ్లేషకులు అంటున్నారు.

కేరళ ముఖ్యమంత్రి పినరయి విజయన్ పేరు గత రెండేళ్ళ నుంచి మారుమొగిపోతుంది. దీనికి ప్రధాన కారణం ఆయన తన పరిపాలన దక్షతతో, క-రో-నా కాలంలో తమ రాష్ట్రానికి చేసిన మంచి పనులు. క-రో-నా ఎదుర్కోవటంలో, దేశంలోనే అన్ని రాష్ట్రాలకు ఆదర్శంగా నిలిచారు. ప్రజలను కూడా ఆదుకున్నారు. కేరళ మోడల్ ని అందరూ ప్రశంసించారు కూడా. ఇది పక్కన పెడితే, క-రో-నా సహయం విషయంలో, రాష్ట్రాలను కేంద్రం సరిగ్గా ఆదుకోలేదని విజయన్, మొదటి నుంచి మోడీ ప్రభుత్వం పై గుర్రుగా ఉన్నారు. ముఖ్యంగా వ్యాక్సిన్ పాలసీ విషయంలో తీవ్ర అభ్యంతరం తెలిపారు. వ్యాక్సిన్ లను కేంద్రమే ఉచితంగా రాష్ట్రాలకు ఇవ్వాల్సింది పోయి, రాష్ట్రాలను కొనుక్కోమని చెప్తున్నారని, తీరా చూస్తే సరైన లభ్యత లేదని అసహనం వ్యక్తం చేసారు. కేంద్రం వ్యాక్సిన్ పాలసీ పై ప్రత్యక్ష పోరాటానికి దిగారు విజయన్. బీజీపీయేతర రాష్ట్రాల ముఖ్యమంత్రులను ఏకం చేసే పనిలో ఉన్నారు. వ్యాక్సిన్ పాలసీ విషయమై, 11 రాష్ట్రాల ముఖ్యమంత్రులకు విజయన్ లేఖలు రాసారు. వ్యాక్సిన్ లు రాష్ట్రాలకు ఉచితంగా ఇవ్వాలని, సరైన వ్యాక్సిన్ పాలసీ కోసం కేంద్రం పై ఒత్తిడి తేవాలని, ఈ పోరాటంలో అందరూ కలిసి రావాలి అంటూ, విజయన్ తన లేఖలో తెలిపారు.

ఈ లేఖలను తెలంగాణ ముఖ్యమంత్రి కేసీఆర్ కు , ఏపీ నుంచి జగన్ మోహన్ రెడ్డికి, తమిళనాడు ముఖ్యమంత్రి స్టాలిన్, ఒడిశా ముఖ్యమంత్రి నవీన్ పట్నాయక్, రాజస్థాన్ ముఖ్యమంత్రికి, పశ్చిమ బెంగాల్ ముఖ్యమంత్రికి, చత్తీస్ గఢ్, పంజాబ్, మహారాష్ట్ర, ఢిల్లీ, ఝార్ఖండ్ ఇలా 11 రాష్ట్రాల ముఖ్యమంత్రులకు లేఖలు రాసినట్టు ఆయిన తెలిపారు. అయితే మిగిలిన రాష్ట్రాల ముఖ్యమంత్రులు అందరు మోడీతో డీ అంటే డీ అంటున్నారు కాబట్టి ఎవరికీ ఇబ్బంది లేదు కానే, మన ఆంధ్రప్రదేశ్ రాష్ట్ర ముఖ్యమంత్రి జగన్ మోహన్ రెడ్డి వైఖరి ఎలా ఉంటుందో చూడాల్సి ఉంది. ముఖ్యంగా కరోనా విషయంలో ఝార్ఖండ్ ముఖ్యమంత్రి , ప్రధాని మోడీని విమర్శలు చేయగానే, తనకు సంబంధం లేని విషయంలో కూడా తల దూర్చి, మోడీని వెనకేసుకుని వచ్చారు జగన్ మోహన్ రెడ్డి. దేశం మొత్తం కరోనా విషయంలో మోడీ ఫెయిల్ అయ్యారు అంటుంటే, జగన్ మాత్రం వెనకేసుకుని రావటం ఆశ్చర్యం కలిగించింది. అయితే ఇప్పుడు వ్యాక్సిన్ లు విషయంలో మిగతా బీజీపీయేతర రాష్ట్రాల సియంలతో కలిసి జగన్ పోరాటం చేస్తారో లేదో చూడాలి మరి.

దేశంలో క-రో-నా నియంత్రణ చర్యల పై జస్టిస్ చంద్రచూడ్ నేతృత్వంలోని త్రిసభ్య ధర్మాసనం, సుమోటోగా తీసుకుని ఈ కేసును విచారణ చేస్తుంది. ఈ కేసు విచారణ సందర్భంగా, సుప్రీం కోర్టు కీలక ఆదేశాలు ఇచ్చింది. కేంద్ర ప్రభుత్వం టీకా విధానం పై, తీవ్ర ఆగహ్రం వ్యక్తం చేసింది. సమాఖ్య వ్యవస్థలో రాష్ట్రాలను వాటి మానన వాటిని వదిలేస్తే, ఏ విధంగా ఉంటుంది ? టీకా ధరల పై ఏకీకృత విధానం ఎందుకు లేకుండా పోయింది ? గ్రామీణులను, నిరక్ష్యరాస్యులు టీకా రిజిస్ట్రేషన్ ఎలా చేసుకుంటారు ? వయసులు వారీగా టీకాలు ఇవాలనే నిర్ణయం హేతుబద్ధమేనా ? దేశవ్యాప్తంగా ఒకే ధరల విధానం ఎందుకు లేకుండా పోయింది ? ఈ వయసుల వారీగా టీకాలు ఇవ్వాలనే నిర్ణయం ఎవరు నిర్ణయించారు ? ఇలా అనేక ప్రశ్నలు కేంద్రానికి సంధిస్తూ, కేంద్రానికి సుప్రీం కోర్టు కొన్ని ఆదేశాలు జారీ చేసింది. టీకా కొనుగోలు, అదే విధంగా పంపిణీకి సంబంధించి కేంద్ర ప్రభుత్వం నిర్ణయం పై తమకు స్పష్టత కావాలని, అంతే కాకుండా సంబధిత ఫైల్స్ అన్నీ కూడా సుప్రీం కోర్ట్ ముందు ఉంచాలని కూడా , కేంద్రానికి సుప్రీం కోర్టు ఆదేశాలు జారీ చేసింది. గత బడ్జెట్ లో టీకాల కొనుగోలుకి సంబంధించి 35 వేల కోట్లు కేటాయించారు, ఈ 35 వేల కోట్లతో అందరికీ టీకాలు ఎందుకు ఉచితంగా ఇవ్వలేక పోతున్నారు అనే విషయాన్ని స్పష్టం చేయాలని ఆదేశించింది.

ఈ 35 వేల కోట్లను, మీరు ఏ విధంగా ఖర్చు చేయబోతున్నారు అనే అంశం చెప్పాలని ఆదేశించింది. 45 ఏళ్ళు దాటిన వారికి కేంద్రమే టీకాలు కోనోగులు చేస్తూ, రాష్ట్రాలకు పంపిస్తుందని, 18 ఏళ్ళ నుంచి 45 ఏళ్ళ వారి విషయంలో మాత్రం, ఎందుకు ద్వంద్వ విధానాలు అవలంభిస్తున్నారని ? ప్రశ్నించింది. టీకాల ఉత్పత్తిదారులు, రాష్ట్రాలకు, కేంద్రం నిర్ణయించిన ధరకు సరఫరా చేయాలని, మిగతా 50 శాతం ప్రైవేటు హాస్పిటల్ కు ఇవ్వాలి అనే నిర్ణయం ఎవరు తీసుకున్నారు ? ఎంత హేతుబద్దత ఈ నిర్ణయానికి ఉంది అంటూ ధర్మాసనం కేంద్రాన్ని ప్రశ్నించింది. అసలు కేంద్రం కంటే, రాష్ట్రాలకు ఎక్కవు ధరకు ఇవ్వాలని ఎందుకు నిర్ణయం తీసుకున్నారని, టీకాల ధరలు ఒక్కో చోట ఒక్కో విధంగా కాకుండా, కేంద్రమే ఒకే ధరను నిర్ణయం తీసుకోవాలి కదా అని ప్రశ్నించింది. అసలు కోవీషీల్డ్ ఎంత కొన్నారు, కోవాక్సిన్ ఎంత కొన్నారు, స్పుత్నిక్ ఎంత కొన్నారు, ఇలా పూర్తి వివరాలు తమకు ఇవ్వాలని సుప్రీం ఆదేశాలు ఇచ్చింది. అలాగే థర్డ్ వేవ్ పై కూడా ఒక బ్లూ ప్రింట్ ను తమకు ఇవ్వాలని సుప్రీం ఆదేశించింది.