news

క-రో-నా సమయంలో జగన్మోహన్ రెడ్డిప్రభుత్వం ప్రజలప్రాణాలతో ఆడుకుంటోందని, కేంద్రప్రభుత్వం, మిగిలిన రాష్ట్రాలు ప్రజలగురించి ఆలోచిస్తుంటే ముఖ్యమంత్రి నీరోచక్రవర్తిలా వ్యవహరిస్తున్నాడని టీడీపీ సీనియర్ నేత, మాజీమంత్రి, శాసనమండలిలో టీడీపీ పక్షనేత యనమలరామకృష్ణుడు మండిపడ్డారు. మంగళవారం ఆయన విలేకరులతో మాట్లాడారు. ఆ వివరాలు ఆయన మాటల్లోనే " రాష్ట్ర ఆర్థికపరిస్థితిని ఈ ముఖ్యమంత్రి చిన్నాభిన్నంచేశాడు. ఆర్థికవ్యవస్థ అసాంతం అతలాకుతలమైంది. చట్టసభలపై, న్యాయవ్యవస్థపై, మీడియాపై, పరిపపాలనా వ్యవస్థలను తనకు అనుకూలంగా మార్చుకోవాలనే ఆత్రుతలో ఉన్నాడు. అసెంబ్లీ సమావేశాలు అనేవి రాజ్యాంగపరంగా తప్పనిసరి. అందుకే గతిలేక ముఖ్యమంత్రి వాటిని నిర్వహిస్తున్నాడు. అసెంబ్లీ సమావేశాలపేరుతో గవర్నర్ తో నాలుగు మాటలు చెప్పించి, ముఖ్యమంత్రి తనను తాను పొగిడించుకునే కార్యక్రమం నిర్వహించబోతున్నాడు. మార్చి నెలాఖరుకి ఆర్థికసంవత్సరం ముగిసే వేళ ముఖ్యమంత్రి ఎందుకు బడ్జెట్ సమావేశాలు పెట్టలేదు? క-రో-నా కేసులు తక్కువఉన్నప్పుడు అన్ని రాష్ట్రాలు అసెంబ్లీ నిర్వహించాయి. ముఖ్యమంత్రికి శాసనసభ, చట్టసభలపై గౌరవం లేదు కాబట్టే, అప్పుడు సమావేశాలు పెట్టలేదు. అప్పుడొక ఆర్డినెన్స్, రేపు మరొక ఆర్డినెన్స్ పాస్ చేయబోతున్నారు. దేశచరిత్రలో ఒకేఒక్కసారి జమ్మూ కశ్మీర్ లో ఆర్డినెన్స్ తో బడ్జెట్ పాస్ చేసుకున్నారు. రాష్ట్రంలో జమ్మూకశ్మీర్ లాంటి పరిస్థితులు లేవుకదా? అలాంటప్పుడు ఈ ముఖ్యమంత్రి సజావుగా సభ నిర్వహించాలనే ఆలోచన ఎందుకు చేయడంలేదు? అవకాశమున్నప్పుడుకూడా ముఖ్యమంత్రి సమావేశాలు నిర్వహంచలేదు. ఇప్పుడేమో తప్పనిసరి పరిస్థితుల్లో, విధిలేక శాసన సభ పెడుతున్నారు. సభ పెట్టేది కేవలం ముఖ్యమంత్రిని పొగడటానికి, ప్రభుత్వం తరుపును తప్పుడు లెక్కలు చెప్పడానికేనని అర్థమైపోయింది. అందుకే టీడీపీ శాసనసభాపక్షం సమావేశాలను బహిష్కరిస్తోంది. ప్రతిపక్షానికి అవకాశంలేని విధంగా, సంఖ్యా బలం ఉందన్న అహంకారంతోనే సమావేశాలు నిర్వహించబోతున్నారు.

తప్పులుచేస్తూకూడా తనవాళ్లతో పొగిడించుకోవాలనే దుష్ట ఆలోచనతోనే ముఖ్యమంత్రి ఒకరోజు సభకు పరిమితమయ్యాడు. రెండేళ్ల తన పాలనలో కేవలం 38 రోజులే ఈ ముఖ్యమంత్రి శాసససభ సమావేశాలు నిర్వహించాడు. ప్రజల సమస్యలు, ఇప్పుడున్న పరిస్థితులపై చర్చించడానికి, వాటి పరిష్కారానికి ప్రభుత్వం సమావేశాలు పెట్టడం లేదని అక్కడే తేలిపోయింది. ప్రభుత్వానికి సమాంతరంగా ప్రజల సమస్యలనే అజెండాగా తీసుకొని మాక్ అసెంబ్లీ నిర్వహించే ఆలోచనలో టీడీపీ ఉంది. ముఖ్యమంత్రి చర్యలకు, నిర్లక్షపూరిత ధోరణికి వ్యతిరేకంగానే టీడీపీ శాసనసభస మావేశాలను బహిష్కరిస్తోంది. క-రో-నాపై, ప్రజల ప్రాణాలపై ముఖ్యమంత్రి అనుసరిస్తున్న నిర్లక్ష్యధోరణకి వ్యతిరేకంగానే టీడీపీ మాక్ అసెంబ్లీ ప్రధాన ధ్యేయం. ముఖ్యమంత్రిని ఎండగట్టడమే టీడీపీ మాక్ అసెంబ్లీ ప్రధాన ఉద్దేశం. శాసనసభలో నిరసనపద్ధతులు అనేకరకాలుగా ఉంటాయి. ప్రజల జీవితాలతో ఆడుకుంటూ, ప్రతిపక్షాలు, మీడియాని ఖాతరుచేయకుండా ముఖ్యమంత్రి వ్యవహరిస్తున్నాడు కాబట్టే తాము సమావేశాలను బహిష్కరిస్తున్నాం. ముఖ్యమంత్రి ప్రవర్తన మారాలని, రాక్షసులు ఎంతచెప్పినా వారి ప్రవర్తన మార్చుకోలేదుకాబట్టే, వారు పతనమయ్యారన్నారు. ముఖ్యమంత్రి తనధోరణి మార్చుకుంటే, ప్రభుత్వానికి సహకరించడానికి టీడీపీ ఎప్పుడూ ముందుంటుంది. జగన్మోహన్ రెడ్డి ముఖ్యమంత్రయ్యాక బీఏసీ సమావేశాలకు కూడా విలువ ఉండటంలేదు. అక్కడ ఒకటిచెప్పి, సభనిర్వహణలో మరోలా వ్యవహరిస్తున్నారు. ప్రతిపక్షం శాసనసభలో మాట్లాడుతుంటే, కనీసం వారి వాదనకు విలువకూడా ఇవ్వకపోతే ఎలాగ? ప్రతిపక్షనేతలు ఎక్కడమాట్లాడిన తప్పంటారు. మీడియా వారిని అనుమతించరు? లోపలా బయటా మొత్తం ఆంక్షలే. ఇన్ని ఆంక్షలమధ్యన ప్రతిపక్షం ఎక్కడ మాట్లాడుతుంది? అందుకే సభకు , సభ పరిసరాలకు పోకూడదని నిర్ణయించాము. ప్రభుత్వం రెండే రెండు అజెండాలపై సభను నిర్వహిస్తుంది. ఒకటి గవర్నర్ ప్రసంగం, రెండోది బడ్జెట్. తెలుగుదేశంపార్టీ అజెండా మాత్రం ప్రజల సమస్యలే. అందుకే మాక్ అసెంబ్లీనిర్వహించి, ప్రజల ద్వారా, మీడియాద్వారా ప్రభుత్వమెడలు వంచాలని నిర్ణయించాము.

ఆంధ్రప్రదేశ్ రాజకీయాల్లో ఇప్పుడు హాట్ టాపిక్, వైసీపీ ఎంపీ రఘురామకృష్ణం రాజు అరెస్ట్ వ్యవహారం. ఆంధ్రప్రదేశ్ లోనే కాక, తెలుగు రాష్ట్రాల్లో, ఢిల్లీలో కూడా హాట్ టాపిక్ అయ్యింది. ఒక ఎంపీని పోలీస్ కస్టడీలో కొ-ట్ట-టం పై, విమర్శలు వ్యక్తం అవుతున్నాయి. రఘురామకృష్ణం రాజు అరెస్ట్ దగ్గర నుంచి, సుప్రీం కోర్టు ఆర్మీ హాస్పిటల్ లో చేర్పించాలి అంటూ ఇచ్చిన తీర్పు వరకు, అన్నీ సంచలన విషయాలు అనే చెప్పాలి. అయితే ఈ అరెస్ట్ వెనుక ఉన్నది జగన్ మోహన్ రెడ్డి అని కొంత మంది, సజ్జల రామకృష్ణా రెడ్డి అని కొంత మంది, సిఐడి చీఫ్ సునీల్ కుమార్ అని కొంత మంది ప్రచారం చేస్తున్నారు. నిజానికి ఏపి ప్రభుత్వ పెద్దలు ఈ అరెస్ట్ వెనుక ఉన్నారు అనేది బహిరంగ రహస్యమే. అయితే పక్క రాష్ట్రం వెళ్లి అరెస్ట్ చేయటం, అలాగే ఒక ఎంపీని కొట్టినా, ఇప్పటి వరకు కేంద్రం నుంచి కానీ, స్పీకర్ కార్యాలయం నుంచి కానీ ఎలాంటి స్పందన రాకపోవటం పై మాత్రం, అనేక అనుమానాలు వ్యక్తం అవుతున్నాయి. ఈ అనుమానాలకు సమాధానంగా, సిపిఐ పార్టీ జాతీయ కార్యదర్శి నాయరణ తనదైన శైలిలో విశ్లేషణ ఇచ్చారు. నారాయణ ఏమి మాట్లాడినా సంచలనమే అవుతుంది. అలాంటిది ఇప్పుడు కూడా రెండు తెలుగు రాష్ట్రాల్లో జరుగుతున్నవి, అలాగే కేంద్రంలో జరుగుతున్న విషయాల పై స్పందించారు.

ముఖ్యంగా తెలంగాణాలో ఈటెల విషయం కానీ, ఆంధ్రప్రదేశ్ లో రఘురామకృష్ణం రాజు విషయం కానీ, సొంత పార్టీ నేతల పైనే, అధికార పార్టీ నేతలు వ్యవహరిస్తున్న తీరు దురదృష్టకరం అని అన్నారు. విమర్శలు అనేవి ప్రభుత్వాలు తట్టుకోలేక పోతున్నాయి అని అన్నారు. ముఖ్యంగా రఘురామకృష్ణం రాజు ఆరెస్ట్ విషయంలో, అటు కేంద్ర ప్రభుత్వం సహకారం కానీ, ఇటు కేసీఆర్ సహకారం కానీ లేకుండా, జగన్ మోహన్ రెడ్డి, హైదరాబాద్ వచ్చి ఒక ఎంపీని అరెస్ట్ చేసి, ఆయన్ను కొ-డ-తా-రా అని ప్రశ్నించారు. సిఆర్పీఎఫ్ పోలీసులు కూడా మౌనంగా ఎందుకు ఉన్నారని అన్నారు. ఇవన్నీ చూస్తుంటే, ఈ అరెస్ట్ వెనుక కేసీఆర్, మోడీ సహకారం ఉన్నట్టు అర్ధం అవుతుందని అన్నారు. ఎంపీ పైన ఇలాంటి ఘటన జరిగితే, ఇప్పటి వరకు కేంద్రం స్పందించలేదని అన్నారు. రఘురామరాజు వ్యాఖ్యలను తాను సమర్ధించటం లేదు అంటుంటే, ఈ మొత్తం వ్యవహారంలో కోర్టులను కూడా లెక్క చేయకుండా, ఆంధ్రప్రదేశ్ ప్రభుత్వం వ్యవహరించిన తీరు పై విస్మయం వ్యక్తం అవుతుందని అన్నారు.

తెలుగుదేశం పార్టీ కీలక నిర్ణయం తీసుకుంది. ఈ నెల 20న పెట్టే ఒక్క రోజు అసెంబ్లీ సమావేశాలను బహిష్కరించాలని నిర్ణయం తీసుకుని. ఒక్క రోజు అసెంబ్లీ సమావేశం ఏమిటి అంటూ తెలుగుదేశం పార్టీ అభ్యంతరం వ్యక్తం చేస్తుంది. పెట్టేది బడ్జెట్ కోసమని, బడ్జెట్ పై చర్చ జరగకుండా, ఈ సమావేశాలు ఎందుకు కోసమని తెలుగుదేశం ప్రశ్నించింది. ఈ అంశాలు అన్నిటి పై తెలుగుదేశం అధినేత చంద్రబాబు, పార్టీ ముఖ్య నేతలు, ఎమ్మెల్యేల అభిప్రాయం తీసుకున్నారు. మెజారిటీ నేతలు ఈ ఒక్క రోజు సమావేశాలు అనవసరం అని తేల్చారు. అదీ కాక, ప్రస్తుతం రాష్ట్రంలో క-రో-నా విలయతాండవం చేస్తున్న వేళ, 175 మంది ఎమ్మెల్యేలు, సిబ్బంది అంతా కలిసి ఒక్క చోట కూర్చుంటే ఎంతో ప్రమాదం అని, ఒక పక్క కర్ఫ్యూ అని చెప్తూ, రాష్ట్రంలో భయంకర పరిస్థితి ఉంటే, ఈ సమయంలో సమావేశాలు ఏమిటి అని ప్రశ్నిస్తున్నాయి. దీంతో మెజారిటీ నేతల అభిప్రాయంతో, అసెంబ్లీ సమావేశాలు బహిష్కరించాలని చంద్రబాబు నిర్ణయం తీసుకున్నారు. ఇదే విషయాన్ని తెలుగుదేశం సీనియర్ నేతలు, టీడీపీ రాష్ట్ర అధ్యక్షులు అచ్చెన్నాయుడు, మాజీ మంత్రి యనమల రామకృష్ణుడు ప్రెస్ మీట్ పెట్టి తెలుగుదేశం పార్టీ, అసెంబ్లీ బహిష్కరణ నిర్ణయాన్ని ప్రకటించారు.

టీడీపీ సీనియర్ నేత, మాజీ మంత్రి యనమల రామకృష్ణుడు మాట్లాడుతూ "ఈ రెండేళ్లలో 39 రోజులే అసెంబ్లీ సమావేశాలు జరిపారు - జగన్.. డెమోక్రటిక్ డిక్టేటర్‍గా వ్యవహరిస్తున్నారు - ఎలాంటి చర్చకు అవకాశం లేదనే సమావేశాలు బహిష్కరణ - శాసనసభ పట్ల గౌరవం లేదు కనుకే ఆర్డినెన్స్ తెచ్చారు - శాసనసభ సమావేశాలకు సమాంతరంగా మాక్ అసెంబ్లీ పెడుతున్నాం" అని చెప్పారు. ఇక తెలుగుదేశం పార్టీ రాష్ట్ర అధ్యక్షులు అచ్చెన్నాయుడు మాట్లాడుతూ "ఎల్లుండి జరిగే అసెంబ్లీ బడ్జెట్ సమావేశాన్ని టీడీపీ బహిష్కరిస్తోంది - ఒక్కరోజు అసెంబ్లీ సమావేశాలు మంచి పద్ధతి కాదు - క-రో-నా కట్టడి గురించి సీఎం జగన్ ఆలోచించడం లేదు - క-రో-నాపై దృష్టి సారించి ప్రజల ప్రాణాలు కాపాడాలి - క-రో-నాపై ఒక్కసారైనా అఖిలపక్ష సమావేశం నిర్వహించారా? - ప్రతిపక్ష నేతల సూచనలు, సలహాలు తీసుకోరా? - పొరుగు రాష్ట్రాలను చూసైనా సీఎం జగన్ నేర్చుకోవడం లేదు - అక్కడ ప్రజలను అన్ని రకాలుగా ఆదుకుంటుంటే, ఇక్కడ వదిలేసారు" అని అన్నారు.