news

ఇంటెలిజెన్స్ మాజీ చీఫ్ ఏబీ వెంకటేశ్వరరావుపై ఈ నెల 18న సచివాలయంలో శాఖాపరమైన విచారణ జరగనున్నది. కమిషనర్ ఆఫ్ ఎంక్వైరీస్ నేతృత్వంలో అభియోగాలపై విచారణ జరపనున్నా రు. సాక్షులుగా మాజీ డీజీలు రాముడు, సాంబశివరావు, మాలకొం డయ్య, ఆర్పీ ఠాకూర్లు ఉన్నారు. సాక్షులుగా విచారణకు హాజరు కావాలని మాజీ డీజీలకు కమిషనర్ ఆఎంక్వైరీస్ మెమోలు పంపింది. ఏబీపై శాఖాపరమైన విచారణను ఏప్రిల్ నెలాఖరులోగా పూర్తి చేయా లని సుప్రీంకోర్టు ఆదేశించింది. రోజు వారీ విచారణను చేపట్టాలని విచారణాధికారికి సుప్రీం ఆదేశాలు ఇచ్చింది. అయితే మొన్న 14 రోజులు పాటు విచారణ చేసి, విచారణ ముగిసిందని, ఏబీ వెంకటేశ్వరరావు మీడియాతో చెప్పిన విషయం తెలిసిందే. నాలుగు రోజులు క్రితం ఆయన పెట్టిన ప్రెస్ మీట్ సంచలనం అయ్యింది. తనకు వ్యతిరేకంగా తప్పుడు పత్రాలు సృష్టించారని, ఆధారాలు కూడా ఇచ్చారు. ఇప్పుడు, మళ్ళీ విచారణకు రావాలని ఆయనకు పిలుపు వచ్చింది.

తిరుపతి ఉప ఎన్నికల్లో, వైసీపీ అభ్యర్ధి గురుమూర్తి పై, తెలుగుదేశం సోషల్ మీడియాలో, ఆయన్ను కించపరుస్తూ పోస్ట్ పెట్టారని, అందుకని చంద్రబాబు, లోకేష్ పై ఎస్సీ ఎస్టీ కేసు పెట్టాలి అంటూ, వైసీపీ ఎంపీ సురేష్ తో పాటు, ఎమ్మెల్యే మేరుగ నాగార్జున తదితరులు డీజీపీకి ఫిర్యాదు చేసారు. అయితే దీని పై సీరియస్ గా రియాక్ట్ అయ్యింద్ టిడిపి. చంద్రబాబుని ప్రచారంలో పాల్గునకుండా, ఇరికించే కుట్ర పన్నారని, అక్రమ కేసులు పెడుతున్నారని ఆరోపించింది. రాష్ట్రంలో జగన్మోహన్ రెడ్డిపాలనలో, దళితులకు రక్షణ లేదని వర్లరామయ్య గారి విషయంలో మరోసారి రుజువైందని టీడీపీ సీనియర్ నేత, మాజీ మంత్రి కే.ఎస్.జవహర్ అభిప్రాయపడ్డా రు. శుక్రవారం ఆయన విలేకరులతో మాట్లాడారు. టీడీపీ పొలిట్ బ్యూరోసభ్యు లు వర్లరామయ్యకు బెదిరింపుకాల్స్ వస్తే కనీస చర్యలు తీసుకోకుండా, తాత్సారంచేస్తున్న పోలీసుల వైఖరి మరో వైపు, దళితుల రాజధాని అమరావతిని భూస్థాపితం చేస్తున్న ముఖ్యమంత్రి వైఖరి మరోవైపుఉందన్నారు. దానితోపాటు, దళితులకు శిరోముండనాలు, డాక్టర్ సుధాకర్, అనితారాణిలకుజరిగిన అవమానాలపై స్పందించని అధికార పార్టీ ఎమ్మెల్యేలు, మంత్రుల తీరుని మరోవైపు ఛూస్తున్నామన్నారు. వారంతా తగుదునమ్మా అంటూ చంద్రబాబునాయుడిపై, లోకేశ్ పై ఫిర్యాదు చేయడానికి డీజీపీ వద్దకు వెళ్లారన్నారు. జగన్మోహన్ రెడ్డికి గురుమూర్తి కాళ్లు నొక్కడం నిజమా అబద్ధమా చెప్పాలన్నారు. అలానే పెద్దిరెడ్డి రామచంద్రా రెడ్డికి కూడా ఆయన వ్యక్తిగత సహాయకుడిగా ఉన్న మాట వాస్తవమాకాదా అన్నారు. చంద్రబాబునాయుడి పై వైసీపీ నేతలు అట్రాసిటీ కేసు పెట్టాలనడం విచిత్రంగా ఉందన్నారు. వారంతా కేసుపెట్టాల్సింది వాస్తవానికి జగన్మోహన్ రెడ్డిపైనే నని జవహర్ తేల్చిచెప్పారు. దళితుడితో కాళ్లు ఎలా నొక్కించుకుంటున్నారని ప్రశ్నించి జగన్మోహన్ రెడ్డిపైన, పెద్దిరెడ్డిపైనే కేసులు పెట్టాలన్నారు.

చంద్రబాబునాయుడి వ్వవహారంపై అనేకసార్లుకేసులు పెట్టి అభాసుపాలయ్యారన్నారు. దళితనాయకులంతా జగన్మోహన్ రెడ్డి పాలనలో మాట్లాడలేని స్థితిలో ఉన్నారన్నారు. మేరుగ నాగార్జున, సురేశ్ ఎస్సీలోకాదో తెలియడంలేదన్నారు. రాష్ట్రంలో విశాఖపట్నం మొదలుకొని చిత్తూరు వరకు దళితులపై దా-డు-లు, మహిళలపై అ-త్యా-చా-రా-లు జరుగుతున్నా, శిరోముండనాలు, హత్యలు జరుగుతున్నా వారు ఏనాడూకనీసం స్పందించలేదన్నారు. దళితులపైనే అట్రాసిటీకేసులు పెట్టిన దౌర్భాగ్యపు పరిపాలనలో వైసీపీదళితనేతలు ఉన్నారన్నారు. వారంతా తక్షణమే డీజీపీని కలిసి జగన్మోహన్ రెడ్డిపై పెట్టాల్సిన కేసుని పొరపాటున చంద్రబాబుపై పెట్టినట్లు తప్పుఒప్పుకోవాలన్నారు. దళితుల ముసుగులో నయా జమీందారులుగా, నయా వలసవాదులుగా, నయా ధనికవర్గప్రతినిధులుగా నాగార్జున, సురేశ్ వంటివారు చెలామణీ అవుతున్నారని జవహర్ స్పష్టంచేశారు. రాష్ట్రంలో దళితులకు రక్షణగా ఉండాల్సిన చట్టాలన్నీ నిర్వీర్యమై పోయాయని, ఎస్సీ సబ్ ప్లాన్ కూడా లేకుండా పోయిందన్నారు. ఆఖరికి చర్మకారులకు, డప్పులుకొట్టేవారికి ఇచ్చిన స్థలాలు కూడా కబ్జాకు గురవుతుంటే, ఏనాడూవారు మాట్లాడింది లేదన్నారు. ఇంతజరుగుతున్నా నోరెత్తని వారు తగుదునమ్మా అంటూ డీజీపీ వద్దకెళ్లి, చంద్రబా బుపై ఫిర్యాదుచేస్తున్నందుకు సిగ్గుపడాలన్నారు. శిరో ముండనం కేసులో కవలకృష్ణమూర్తి ఏమయ్యాడో, దళిత మహిళలపై అత్యాచారాలు చేసినవారుఏమయ్యా రో చెప్పాలన్నారు. దళితులుగా బయటకొచ్చిన వైసీపీనేతలు, దళితరాజధాని అమరావతిని చంపుతున్నందుకు జగన్మోహన్ రెడ్డిపైనే కేసుపెట్టాలని జవహర్ తేల్చిచెప్పారు.

యువజన శ్రామిక రైతు పార్టీ ఎంపీ, రఘురామకృష్ణం రాజు, అటు అధికార పక్షం, ఇటు ప్రతిపక్షం కంటే, ఎక్కువగా వార్తల్లో ఉంటూ ఉంటారు. ఆయన ఏది చేసినా సంచలనమే. ఎదుటి వాడికి కౌంటర్ ఇవ్వటానికి కూడా అలోచించాల్సిందే. ఆయన వేసే ఎత్తుగడలు అంత స్ట్రాంగ్ గా ఉంటాయి. ప్రతి వారం రాజధాని రచ్చబండ పేరుతో ప్రజల ముందుకు వచ్చి తన వాణి వినిపించే రఘురామరాజు ట్రెండ్ మార్చారు. తన పై అక్రమంగా సిబిఐ కేసులు పెడుతున్నారని గ్రహించి, ఎదురు దాడికి సిద్ధమయ్యారు. గత వారం, సిబిఐ కోర్టులో , జగన్ బెయిల్ రద్దు చేయాలి అంటూ పిటీషన్ దాఖలు చేసారు. ఏడాదిన్నరగా జగన్ మోహన్ రెడ్డి కోర్టుకు వెళ్లకపోయినా, ఆయన్ను ఎందుకు కోర్టు పట్టించుకోవటం లేదు అనే అనుమానం వ్యక్తం చేసారు. సిబిఐ కూడా ఎందుకు వదిలేస్తుంది అంటూ, ప్రశ్నిస్తూ, ఈ విషయం పై తేలే వరకు వదిలి పెట్టను అని, జగన్ బెయిల్ ను రద్దు చేయాలి అంటూ కోర్టులో పిటీషన్ దాఖలు చేసారు. ఇక్కడ వరకు బాగానే ఉన్నా, ఈ పిటీషన్ దాఖలు చేసిన తరువాత, తనకు బెదిరింపు కాల్స్ వస్తున్నాయి అంటూ, రఘురామరాజు మీడియా ముందుకు వచ్చి చెప్పారు. అంతే కాదు, తనను లేపెయటానికి, జగన్ మోహన్ రెడ్డి, కడప నుంచి వచ్చిన కొంత మందితో సమావేశం అయ్యారు అంటూ, తీవ్రమైన ఆరోపణలు చేసారు. ఆరోపణలు మాత్రమే కాదు, ఇదే విషయం పై ప్రధాని మోడీకి కూడా లేఖ రాసారు. తన పై, తన ముఖ్యమంత్రి కక్ష కట్టారని, కడప నుంచి కొంత మందిని రంగంలోకి దించారని, ఆ లేఖలో తెలిపారు.

ఇప్పటికే తనకు వై క్యాటగిరీ సెక్యూరిటీ ఉందని, ఈ సెక్యూరిటీ హైదరాబాద్, ఆంధ్రప్రదేశ్ లో మాత్రమే ఉందని, ఢిల్లీలో కూడా తనకు ఈ సెక్యూరిటీ ఇవ్వాలి అంటూ, రఘురామ రాజు, ప్రధాని మోడీకి లేఖ రాసారు. లేఖ రాసిన వెంటనే, కేంద్రం రియాక్ట్ అయ్యారు. ఢిల్లీలో కూడా రఘురామరాజు కు సెక్యూరిటీ ఇస్తూ, ఆదేశాలు జారీ అయ్యాయి. దీంతో రఘురామరాజు సంతోషం వ్యక్తం చేసారు. అంతే కాదు, తనకు ఢిల్లీ లెవెల్ లో ఉన్న పలుకుబడి ఏమిటో చూపించారు కూడా. అయితే సిబిఐ పిటీషన్ గురించి ఈ రోజు రఘురామరాజు మీడియాతో మాట్లాడారు. తాను వేసిన సిబిఐ పిటీషన్ రిజెక్ట్ అయ్యిందని మా వాళ్ళు సంతోష పడుతున్నారని, కానీ మరిన్ని డాక్యుమెంట్లు కోర్టు అడిగితే, ఈ రోజు అవన్నీ తీసుకుని కోర్టుకు వెళ్తే, జడ్జి గారు అందుబాటులో లేరని, సోమవారం సెలవు కాకపొతే, సోమవారం కానీ, లేకపోతే వరుస సెలవులు ఉన్నాయి కాబట్టి, మళ్ళీ గురువారం కానీ, ఈ కేసు సిబిఐ కోర్టులో ఫైల్ అవుతుందని, ఎవరూ కంగారు పడద్దు అంటూ, రఘురామరాజు వీడియో సందేశం ఇచ్చారు.