news

రాష్ట్ర పౌరసరఫరాల శాఖా మంత్రి కొడాలి నాని, నిన్న రాష్ట్ర ఎన్నికల కమీషనర్ పై చేసిన వ్యాఖ్యల పై, రాష్ట్ర ఎన్నికల కమిషనర్ తీవ్రంగా స్పందించారు. ఈ అంశాన్ని సీరియస్ గా తీసుకున్న ఎన్నికల కమీషనర్, కొడాలి నాని పై, గవర్నర్ కు ఫిర్యాదు చేసారు. ఈ రోజు ఉదయం, గవర్నర్ కి, నిమ్మగడ్డ రమేష్ ఒక లేఖ రాసి, కొడాలి నాని పై ఫిర్యాదు చేసారు. ఈ లేఖలో కొడాలి నాని నిన్న చేసిన వ్యాఖ్యలు, పత్రికలో వచ్చిన క్లిప్పింగ్స్, అలాగే టీవీ ఛానల్స్ లో వచ్చిన క్లిప్పింగ్స్ ని కూడా జత చేసి, గవర్నర్ కు పంపించారు. ఇందులో కొడాలి నాని, అసభ్య పదజాలం ఉపయోగించటమే కాకుండా, ఎన్నికల నిర్వహణ పై పలు అభ్యంతరకర వ్యాఖ్యలు చేసారని కూడా ఆరోపించారు. ఎన్నికల నిర్వహణ, ఎలక్షన్ కమిషన్ రాజ్యాంగ విధి అని ఆయన లేఖలో పేర్కొంటూ, ఇప్పటికే ఎన్నికల నిర్వహణ పై ప్రభుత్వంతో సంప్రదింపులు జరిగిన విషయాన్ని కూడా గవర్నర్ దృష్టికి తీసుకుని వెళ్లారు. ఉద్యోగులను ఎన్నికల కమిషన్ కు వ్యతిరేకంగా రెచ్చగొట్టే విధంగా వ్యాఖ్యలు చేయిస్తున్నారని, ప్రస్తుతం వైరస్ అధికంగా ఉంటే ఉద్యోగులు ఎలా ఎన్నికలు నిర్వహిస్తారు అంటూ, నిన్న కొడాలి నాని ప్రస్తావించిన వ్యాఖ్యలను ప్రస్తావిస్తూ, ఉద్యొగులను రెచ్చగొట్టే విధంగా వ్యాఖ్యలు చేస్తున్నారని, గవర్నర్ కు తెలిపారు.

ఎన్నికల కమిషన్ పై , కొడాలి నాని చేసిన వ్యాఖ్యలు, తీవ్ర అభ్యంతరకర వ్యాఖ్యలు అని కూడా ఆయన గవర్నర్ కు రాసిన లేఖలో పేర్కొన్నారు. ఎన్నికల కమిషన్ పై కొడాలి నాని ఉపయోగించిన భాష పట్ల తీవ్ర అభ్యంతరం వ్యక్తం చేస్తూ, వెంటనే కొడాలి నాని పై తగు చర్యలు తీసుకోవాలని కూడా, గవర్నర్ కు ఫిర్యాదు చేసారు. అయితే ఈ రోజు మరో కీలక పరిణామం చోటు చేసుకుంది. కలెక్టర్లతో వీడియో కాన్ఫరెన్స్ నిర్వహించటానికి, నిమ్మగడ్డ చీఫ్ సెక్రటరీన కోరగా నిన్న అవకాసం కుదరకపోవటంతో, ఈ రోజు కూడా చీఫ్ సెక్రటరీకి లేఖ రాసారు. ఈ రోజు కూడా కుదరకపోవటంతో, ఈ రోజు కూడా సమావేశం రద్దు చేసారు. అయితే ఈ అన్ని అంశాల పై హైకోర్టుని ఆశ్రయించే యోచనలో ఎన్నికల కమిషన్ ఉందని తెలుస్తుంది. ఈ మొత్తం అంశాల పై ప్రభుత్వం ఎలా స్పందిస్తుందో చూడాలి. అయితే ఈ రోజు జగన్ మోహన్ రెడ్డి, కొంత మంది మంత్రులతో సమావేశం అయ్యారు. జరుగుతున్న విషయాల పై చర్చించినట్టు తెలుస్తుంది. మరి ఈ అంశానికి కోర్టు ఒక్కటే సమాధానం చెప్పగలదా ? ప్రభుత్వం ఎవరు చెప్తే వింటుంది ? లేదా నిమ్మగడ్డ ఉండే దాకా, ఎన్నికలు ఉండవా ? చూడాలి మరి ఏమి జరుగుతుందో ?

ఆంధ్రర్పదేశ్ రాష్ట్రంలో వింత పరిస్థితి ఉంటుంది. తమకు ఏది కావలిస్తే అది, ఎటు కావలిస్తే అటు తిప్పేసే విధంగా అధికార వైసీపీ పార్టీ వ్యవహరిస్తున్న తీరుతో, వైసీపీ అధిష్టానం బాగానే ఉన్నా, అధిష్టానం మాటలు విని మీడియా ముందు చెలరేగిపోతున్న మంత్రులకు, ఎమ్మెల్యేలకు, అలాగే సోషల్ మీడియాలో రెచ్చిపోయే పేటీయం బ్యాచ్ కు మాత్రం షాక్ లు మీద షాక్ లు తగులుతున్నాయి. మొన్నటి దాకా నిమ్మగడ్డ మా బొచ్చు పీకుతాడా, ఎప్పుడు ఎన్నికలు వచ్చినా మేము రెడీ అని చెప్పిన మంత్రులు, ప్రతి రోజు బయటకు వచ్చి, ఇప్పుడు ఎన్నికలు ఏంటి అంటూ భయపడుతూ ప్రెస్ మీట్లు పెట్టాల్సిన పరిస్థితి. ఇలా అనేక ఇబ్బందులు పడుతున్న వైసీపీ నేతలకు, ఇప్పుడు మరో షాకింగ్ న్యూస్ చెప్పారు జగన్ మోహన్ రెడ్డి. మొన్నటి దాకా రెచ్చిపోయిన వైసీపీ శ్రేణులు, ఇప్పుడు దీన్ని ఎలా పాజిటివ్ గా మలుచుకోవాలి అనే పనిలో, మాట మార్చేసి, మడమ తిప్పేసే పనిలో ఉన్నారు. ఈ రోజు జగన్ మోహన్ రెడ్డి ఒక కీలక నిర్ణయం ప్రకటించారు. ఇప్పటికే ఆరు సార్లు వాయిదా పడిన ఇళ్ళ పట్టాల పంపిణీని, డిసెంబర్ 25న క్రిస్మస్ గిఫ్ట్ గా ఇవ్వాలని నిర్ణయం తీసుకున్నారు. మొత్తం 30 లక్షల మందికి ఇళ్ళ పట్టాలు ఇవ్వటానికి రెడీ అవ్వాలని అధికారులను ఆదేశించారు. అయితే ఇప్పటికే కొన్ని స్థలాల విషయంలో కోర్టు స్టే ఇచ్చింది. మైనింగ్ భూములు, చెరువులు భూములు, స్మసానాలు, ఆవ భూములు, ప్రభుత్వ బడుల భూములు, ఇలా అనేక రకాల భూముల్లో ఇళ్ళ పట్టాలు ఇవ్వటం పై కొంత మంది కోర్టుకు వెళ్ళిన సంగతి తెలిసిందే.

అయితే దీని పై కోర్టు స్టే ఇచ్చింది. ఈ రోజు జగన్ మోహన్ రెడ్డి నిర్ణయం తీసుకుంటూ, కోర్టు స్టే ఇచ్చిన భూములు తప్ప, మిగతా అన్ని భూములు పేదలకు పంచాలని నిర్ణయం తీసుకున్నారు. దీంతో ఎన్నాళ్ళుగానో ఉన్న సమస్యకు ఫుల్ స్టాప్ పడినట్టు అయ్యింది. అయితే ఈ నిర్ణయం పేదలకు సంతోషం కాగా, వైసిపీ శ్రేణులకు మాత్రం గొంతులో పచ్చి వెలక్కాయ పడినట్టు అయ్యింది. ఇన్నాళ్ళు ఇళ్ళ పట్టాల పంపిణీ, చంద్రబాబు కోర్టులో కేసులు వేసి ఆపేసారని ప్రచారం చేసామని, చాలా మంది ప్రజలు కూడా ఇదే నిజం అని నమ్మారని, అయితే తెలుగుదేశం పార్టీ నేతలు, మీది తప్పుడు ప్రచారం, కోర్టు స్టే ఇచ్చిన భూములు తప్ప, మిగతావి ఎందుకు పంచరు అని అడిగితే, ఆ రోజు ఎదురు దాడి చేసామని, ఈ రోజు ఏకంగా మా అధినాయకుడే, తెలుగుదేశం పార్టీ చెప్పినట్టే, కోర్టు స్టే ఉన్న చోట కాకుండా, మిగతా చోట్ల ఇవ్వాలని చెప్పటంతో, తెలుగుదేశం మాటలు నిజం అయ్యాయని, తాము చేసిన ప్రచారం తప్పు అని ప్రజలు అనుకుంటున్నారు అంటూ, వైసీపీ శ్రేణులు షాక్ కు లోనయ్యాయి. ఒక అబద్ధాన్ని ఎల్ల కాలం నిజం చేయలమని, ఇప్పటికైనా రాజకీయ నాయకులు అర్ధం చేసుకుంటే మంచిది.

తెలంగాణాలో ఎన్నికలు వస్తున్నాయి అంటే, ఆంధ్రప్రదేశ్ ని టార్గెట్ చేయటం, లేదా ఇక్కడ రాజకీయ నాయకులను బూచిగా చూపెట్టి, రాజకీయం చేయటం చూసాం. అయితే గతంలో చంద్రబాబు అధికారంలో ఉన్నారు కాబట్టి, తెలంగాణాలో అధికార పార్టీకి ఆ అవకాసం వచ్చింది. అందులోనూ, ఏపిని ఒక్క మాట అంటే, చంద్రబాబు అధికార స్థానంలో ఉండి ఊరుకునే వారు కాదు. ఆంధ్రప్రదేశ్ ను పరిరక్షించే స్థానంలో, అంటే ముఖ్యమంత్రి స్థానంలో ఉన్న చంద్రబాబు ఘాటుగా బదులు ఇచ్చే వారు. అయితే దానికి ప్రాంతీయ వాదం జోడించి, అవతల ఉన్న తెలంగాణా పార్టీ, రాజకీయంగా వాడుకుని లబ్ది పొందుతూ ఉండేది. అయితే ఈ సారి తెలంగాణాలో గ్రేటర్ హైదరాబాద్ ఎన్నికలు వస్తున్నాయి. కానీ ఈ సారి ఇక్కడ ఆంధ్రప్రదేశ్ లో చంద్రబాబు లేరు. అలాగే ఆయన తెలంగాణా రాజకీయాల్లో ఎక్కువగా జోక్యం చేసుకోకుండా, తెలంగాణా పార్టీ స్థానిక నాయకత్వానికి బాధ్యతలు ఇచ్చేసారు. అలాగే ఇప్పుడు ఆంధ్రప్రదేశ్ లో, తెలంగాణా రాష్ట్ర అధినేతలను, మిత్రపక్షంగా ఉండే వైసీపీ అధికారంలో ఉంది. వైసీపీ ఎలాగూ హైదరాబాద్ లో పోటీ చేయదు. అక్కడ పార్టీ ఎప్పుడో మూసేసారు. దీంతో, చంద్రబాబు లేకపోవటం, తమ మిత్రపక్షం లాంటి పార్టీ ఉండటంతో, ఈ సారి తెలంగాణా ఎన్నికల్లో ఆంధ్రాను బూచిగా చూపించటం కుదరదు.

అందుకే, వేరే వ్యూహంతో తెలంగాణా రాజకీయ పార్టీ వచ్చినట్టు ఉంది. మొన్నటి వరకు ఆంధ్రప్రదేశ్ ఎదిగిపోతుంది, ఆంధ్రప్రదేశ్ మనలను తొక్కేస్తుంది అంటూ, చంద్రబాబుని బూచిగా చూపించి చెప్పేవారు. అయితే ఇప్పుడు వ్యూహం మార్చి, ఆంధ్రప్రదేశ్ ను తక్కువ చేసే ప్రయత్నం చేసి, లబ్ది పొందాలని అనుకుంటున్నారు. నిన్న కేసీఆర్ మాట్లాడుతూ, రాజకీయ ఉపన్యాసం ఇస్తూ, ఇరిగేషన్ రంగంలో తాము అనేక విజయాలు సాధించామని, డంభాచారం కొట్టి, మీరు విడిపోతే మీ పని అయిపోతుంది అంటూ చెప్పిన ఆంధ్రప్రదేశ్ రాష్ట్రాన్ని ఎప్పుడో అట్టడుగుకు తోసేశాం అని, వరి పండించటంలో ఆంధ్రప్రదేశ్ కేలవం 50 లక్షల ఎకరాలు ఉంటే, మనం కోటి ఎకరాలు సాగు చేస్తున్నాం అంటూ, కేసీఆర్ చెప్పుకొచ్చారు. అయితే ఈ నంబర్స్ లో నిజం ఉందో లేదో తెలియదు కానీ, ఇలా ఒక రాష్ట్రాన్ని తక్కువ చేసి మాట్లాడటం మాత్రం గర్హనీయం. మరి గతంలో లాగా, ఇప్పటి ఆంధ్రా పాలకులు కేసీఆర్ కు గట్టి సమాధానం చెప్పి, ఇది మేము సాధించిన ప్రగతి, మీ మాటలు తప్పు అని చెప్తారో, లేకపోతే వ్యక్తిగత స్నేహం ముందు, ఆంధ్రప్రదేశ్ ని అట్టడుగుకు తోసేశాం అని చెప్పినా, మౌనంగా ఉంటారో చూడాలి. కేసిఆర్ వ్యాఖ్యల పై కొంత మంది ఆంధ్రప్రదేశ్ ప్రాంత వాసులు మాత్రం, సోషల్ మీడియాలో దీటుగా బదులు ఇస్తున్నారు.