news

వైసీపీ పార్టీ నేత, నర్సాపురం ఎంపీ రఘురామకృష్ణంరాజు సంచలన వ్యాఖ్యలు చేసారు. సొంత పార్టీ తప్పు చేసినా ఏకి పారేసి రఘురామకృష్ణ రాజు నైజం అందరికీ తెలిసిందే. ఇసుకలో జరుగుతున్న దోపిడీ, ఇసుక మాఫియా పైన, అలాగే భూకుంబకోణం పైన, డబ్బులు ఇచ్చి పేదలకు భూములు ఇవ్వటం పైన రఘురామకృష్ణం రాజు బాహటంగా ప్రభుత్వం పై విమర్శలు చేసారు. అయితే రెండు రోజుల క్రిందట జరిగిన అచ్చెన్న అరెస్ట్ పై, అన్ని వైపుల నుంచి ప్రభుత్వం పై విమర్శలు వస్తున్న సంగతి తెలిసిందే. అచ్చెన్న పై ఎలాంటి అవినీతి ఆధారాలు లేకపోయినా, కావాలని ఇరికించినట్టు తెలుస్తుంది. అయినా ఒక వేళ తప్పు చేసారు అనుకున్నా, ఆయన్ను అరెస్ట్ చేసిన, హింసించిన విధానం పై, ప్రభుత్వం పై విమర్శలు వస్తున్నాయి. ఒక ఎమ్మెల్యే, మాజీ మంత్రి, 35 ఏళ్ళు రాజకీయాల్లో ఉన్న కుటుంబంలో ఉన్న వ్యక్తిని, గోడలు దూకి అరెస్ట్ చెయ్యటం, అలాగే ఆయనకు ఆపరేషన్ అయ్యి 24 గంటలు కూడా గడవక ముందే, 15 గంటలు కారులో ప్రయాణం చేపించి, అరెస్ట్ చేసిన విధానం పై, అన్ని వైపుల నుంచి విమర్శలు వస్తున్నాయి. ఈ నేపధ్యంలోనే ప్రభుత్వ తీరు పై సొంత పార్టీలో కూడా విమర్శలు వినిపిస్తున్నాయి.

ఎంపీ రఘురామకృష్ణం రాజు ఈ విషయం పై, ప్రభుత్వం పై తీవ్ర విమర్శలు చేసారు. తప్పు చేస్తే ఎంతటి వారిపైన అయినా చర్యలు తీసుకోవాల్సిందే అని, కాని అచ్చెన్నను అరెస్ట్ చేసిన విధానం మాత్రం సరి కాదని అన్నారు. గోడలు దూకి మరీ అచ్చెన్నను అరెస్ట్ చెయ్యాల్సిన అవసరం ఏమి ఉంది అని అన్నారు. అలాగే చంద్రబాబు, అచ్చెన్నను పరామర్శించటానికి వస్తే , ఆయన్ను పంపించక పోవటం కూడా తప్పు అని అన్నారు. ఇది కచ్చితంగా మానవహక్కుల ఉల్లంఘన కిందకే వస్తుందని అన్నారు. అలాగే కోర్టులో ఇచ్చిన రంగుల తీర్పు పై స్పందిస్తూ, అందరూ దానికి కట్టుబడి ఉండాల్సిందే అని అన్నారు. తనకు జగన్ మోహన్ రెడ్డిని కలిసే అవకాసం రావటం లేదని, అందుకే ఏదైనా ఉంటే, ఆయన ద్రుష్టికి తీసుకు వెళ్ళటానికి, మీడియాలో చెప్పాల్సి వస్తుంది అంటూ కీలక వ్యాఖ్యలు చేసారు. ఇద్దరు, ముగ్గిరికి తప్ప, జగన్ మోహన్ రెడ్డి దగ్గరకు ఎవరికీ పర్మిషన్ ఉండదు అని అన్నారు. రఘురామకృష్ణం రాజు చేసిన ఈ వ్యాఖ్యలు సంచలనంగా మారాయి.

జేసీ ప్రభాకర్ రెడ్డి, జేసి అస్మిత్ రెడ్డి అక్రమ అరెస్ట్ పై, మాజీ ఎంపీ జేసి దివాకర్ రెడ్డి స్పందించారు. జగన్ మోహన్ రెడ్డి పగతో రగిలిపోతున్నారని, రాయలసీమలో, పగ పడితే, ముందు ఆర్ధిక మూలాల పై దెబ్బ కొడతారని, జగన్ మోహన్ రెడ్డి కూడా ఇప్పుడు అదే చేస్తున్నారని అన్నారు. తనా మాట వింటే అంతా బాగుంటుంది అని, లేకపోతే ఇలాగే అక్రమ కేసులు పెట్టి వేధిస్తారని అన్నారు. ప్రకాశంలో సిద్దా రాఘవరావుకి 400 కోట్ల ఫైన్ వేసారని, ఆ ఒత్తిడికి లొంగి పార్టీ మారగానే, మొత్తం పక్కన పోయింది అని అన్నారు. ఇలాగే ఇంకా కొంత మందిని వేధిస్తున్నారని, ఎవరు ఎంత వేదించినా, తన పై ఎంత ఒత్తిడి తెచ్చినా, తాను ఈ పార్టీ మారాను అని, ఆ పార్టీలో చేరను అంటూ జేసి సంచలన వ్యాఖ్యలు చేసారు. జగన్ మోహన్ రెడ్డి ఎవరు చెప్పినా వినరు అని, ఆయనే రాజు, ఆయనే మంత్రి అంటూ వ్యాఖ్యలు చేసారు. ఎన్ని ఆందోళనలు చేసినా, ఏమి ఉపయోగం ఉండదు అని, ఎదురు ఆందోళన చేసినందుకు, మన మీదే కేసులు పెడతారని, ఇతన్ని ఆపగలిగేది కేవలం నరేంద్ర మోడీ మాత్రమే అని దివాకర్ రెడ్డి అన్నారు. కాని, ఇతను చంద్రబాబుని టచ్ చేస్తే మాత్రం, రాష్ట్రం అల్లకల్లోలం అవుతుంది అని అన్నారు. నన్ను కూడా అరెస్ట్ చేస్తారని, ఎప్పుడు అరెస్ట్ చేస్తారో అని, కాని తగ్గేది లేదని, దేనికైనా సిద్ధం అని దివాకర్ రెడ్డి అన్నారు.

ఇక మరో పక్క, చంద్రబాబు, జేసి దివాకర్ రెడ్డి కొడుకు, జేసి పవన్ కు ఫోన్ చేసి పరామర్శించారు. జేసి పవన్, చంద్రబాబుతో మాట్లాడుతూ, "ఒక నేరంపై ఎక్కడైనా ఒక కేసు పెడతారు.. అలాంటిది 24 కేసులు పెట్టారు. ఒకటి మినహా అన్నింటిలోనూ బెయిల్ వచ్చింది. మిగిలిన కేసులో కూడా సోమవారం బెయిల్ వస్తుందనే కక్ష కట్టి ఇవాళ అక్రమంగా అరెస్టు చేశారు. ఏ కేసులోనూ, ఎఫ్ఐఆర్ లోనూ ప్రభాకర్ రెడ్డి పేరులేదు. కావాలనే కక్ష సాధింపుతో ఇరికించారు. అస్మిత్ రెడ్డిపై ఏవిధమైన కేసులూ లేవు. అరెస్టుకు ముందే తప్పుడు కేసు బనాయించారు. ఇది పూర్తిగా రాజకీయ కుట్రేనని" చంద్రబాబుకు ఫోన్‌లో వివరించిన జేసీ పవన్. రేపు అనంతపురం వెళ్లి, జేసి కుటుంబాన్ని, నారా లోకేష్ పరామర్శించనున్నారు. హైదరాబాద్ నుంచి బెంగుళూరు వెళ్లి, బెంగుళూరు నుంచి అనంతపురం వెళ్లి, జేసి కుటుంబాన్ని పరామర్శించనున్నారు.

జేసి ప్రభాకర్ రెడ్డి అరెస్ట్ పై, జేసి పవన్ స్పందించారు. ఈ రోజు పెట్టిన మీడియా సమావేశంలో, పూర్తి ఆధారాలు చుపించారు. ఆయన మాట్లాడుతూ "జేసీ ప్రభాకర్ రెడ్డి కుటుంబానికి చెందిన జటాధరా ఇండస్ట్రీస్, చెన్నై కి చెందిన ముత్తు కుమార్ కంపెనీ గౌతం అండ్ కంపెనీ నుంచి 26 వెహికల్స్ కొనుగోలు చేసారు. జటాధరా ఇండస్ట్రీస్ లో జేసీ ప్రభాకర్ రెడ్డి అసలు డైరెక్టరే కాదు. జేసీ ప్రభాకర్ ఉన్న సంస్థకు చెన్నై కే చెందిన వ్యక్తీ వాహనాలు అమ్మితే ,నాగాలాండ్ లో ఏజెంట్ రిజిష్టర్ చేశారు. నాగాలాండ్ లో ఎన్ఓసీ వచ్చింది. మేము వెహికల్స్ కొనుకున్నాం. ఇందులో ఏదైనా తేడా ఉంటే అమ్మిన వాడిని, రిజిస్టర్ చేయించిన వాడిని, ఎన్ఓసి ఇచ్చిన వాడిని అరెస్ట్ చెయ్యాలి కాని, మమ్మల్ని అరెస్ట్ చెయ్యటం ఏమిటి ? ఈ విషయం వెలుగులోకి వచ్చిన తరువాత, నాగాలాండ్ లో కేసు కూడా పెట్టాం. మేము నాగాలాండ్ లో కేసు పెడితే, ఇక్కడ మమ్మల్ని అరెస్ట్ చేసారు. జనవరి నుంచి ఒకే కేసు పై, వారానికి ఒక కేసు పెడుతూ, ఇప్పటి దాకా 23 కేసులు పెట్టారు. అన్ని కేసుల పైన బెయిల్ తెచ్చుకున్నాం. మాకు తెలియకుండా మొన్న ఇంకో కేసు పెట్టారు. దాని పై కోర్టుకు వెళ్తే, రేపు సోమవారం వాయిదా పడింది. అందులో కూడా బెయిల్ వచ్చే సమయంలో, అక్రమ అరెస్ట్ చేసారు. అసలు ఈ మొత్తం వ్యవహారంలో జేసి ప్రభాకర్ రెడ్డి గారికి సంబంధమే లేదు. ఇక అస్మిత్ రెడ్డిని ఎందుకు అరెస్ట్ చేసారో కూడా తెలియదు అని జేసి పవన్ అన్నారు. ఎంత వరకు అయినా వెళ్తాం అని, పోరాడతాం అని అన్నారు.

"వైసీపీ నాయకులు చెప్పేవన్నీ అబద్దాలే. జేసీ ప్రభాకర్, అస్మిత్ రెడ్డిలపై సాక్ష్యాలుంటే చూపించడానికి వైసీపీ నేతలు బహిరంగ చాలెంజ్ కి సిద్ధమా ? 24 కేసుల్లో జేసీ ప్రభాకర్ రెడ్డి పేరు లేదు. తన సంతకాలు ఫోర్జరీ చేశారని జేసీ ప్రభాకర్ చెబితే ఫోరెన్సిక్ డిపార్ట్మెంట్‌కి పంపి పరీక్షించాలి.అస్మిత్ రెడ్డిపై ఒక్క కేసూ లేదు. ఇద్దరిపైనా నిజానిజాలు నిర్దారించుకోవాలి.సాక్ష్యాలుంటే బయటపెట్టాలి. పోలీసులు కొట్టి, బెదిరించి దొంగసాక్ష్యాలు చెప్పించి,దొంగ పత్రాలు సృష్టించి జేసీ ప్రభాకర్ , అస్మిత్ రెడ్డిలపై కేసులు పెట్టారు. జేసీ ప్రభాకర్అన్ని కేసులూ ఒక్కసారే పెట్టాలి. వైసీపీ నేతలు ప్రతిపక్ష నేతలను పార్టీ మారాలని వత్తిడి చేస్తున్నారు. లొంగిన వాళ్ళను పార్టీలో చేర్చుకుంటున్నారు,లొంగని వాళ్లను అరెస్టు చేస్తున్నారు. వైసీపీ నేతలు చెబుతున్నట్లు జేసీ ప్రభాకర్ పై పెట్టిన కేసులు న్యాయస్థానాల్లో అడ్మిట్ కావు,నిలవవు." అని మరో నేత దీపక్ రెడ్డి అన్నారు.