సంచలనం సృష్టించిన వైఎస్ వివేకానందరెడ్డి హత్యకేసులో అనుమానితుడిగా పోలీసులు భావిస్తున్న వివేకానందరెడ్డి సన్నిహితుడు కడప జిల్లా సింహాద్రిపురానికి చెందిన పరమేశ్వర్‌రెడ్డి తిరుపతిలో చికిత్స పొందుతున్నాడు. తిరుపతిలోని సంకల్ప ఆస్పత్రిలో అతను చికిత్స పొందుతున్నట్లు పోలీసులు గుర్తించడంతో ఆచూకీ వెలుగులోకి వచ్చింది. అనారోగ్యంతో తాను కడప సన్‌షైన్‌ ఆస్పత్రిలో చేరినట్లు పరమేశ్వరరెడ్డి మీడియాకు తెలిపాడు. సన్‌షైన్‌ ఆస్పత్రిలో చికిత్స అందించే వైద్యుడు వ్యక్తిగత కారణాలతో తాను మూడు రోజుల పాటు అందుబాటులో ఉండనని కర్నూలుకు వెళ్లాల్సిందిగా తనకు సూచించినట్లు పరమేశ్వరరెడ్డి చెప్పాడు. వైద్యుల సూచన మేరకు మెరుగైన చికిత్స కోసం తాను కర్నూలు వెళ్లకుండా తిరుపతి వచ్చానన్నాడు.
వివేకానందరెడ్డి హత్యతో తనకు ఏ సంబంధం లేదని.. అది ఇంటి దొంగల పనేనని పేర్కొన్నాడు. పోలీసులు తమ వైఫల్యాన్ని కప్పి పుచ్చుకోవడానికి తనపై నిందలు వేస్తున్నారని పరమేశ్వర్‌రెడ్డి ఆవేదన వ్యక్తం చేశాడు. మంచం దిగే పరిస్థితి లేని వ్యక్తిపై ఆరోపణలు చేస్తున్నారని పరమేశ్వర్‌రెడ్డి భార్య అన్నారు. ఇంటి దొంగలను పట్టుకోవాలి కానీ.. తమకు చెడ్డపేరు తేవడం దారుణమని పేర్కొన్నారు. వివేకానందరెడ్డి హత్య కేసులో తన పేరు వినిపించడం ఆశ్చర్యం కలిగిస్తోందని, ఆయన హత్యతో తనకు ఎలాంటి సంబంధం లేదని పరమేశ్వర్ రెడ్డి స్పష్టం చేశాడు. వివేకా హత్య ఇంటి దొంగల పనే అని చెప్పిన పరమేశ్వర్ రెడ్డి.... పోలీసులు అనవసరంగా తనపై నిందలు మోపుతున్నారంటూ ఆవేదన వ్యక్తం చేశాడు.
ఈ సందర్భంగా పరమేశ్వర్ రెడ్డి భార్య కూడా మీడియాతో మాట్లాడుతూ, తన భర్త కనీసం మంచం దిగి నడవలేని స్థితిలో ఉంటే అన్యాయంగా ఆరోపణలు చేయడం సరికాదని అన్నారు. హత్యచేసిన వాళ్లను పట్టుకోకుండా తమలాంటి వారిపై నిందలు మోపుతున్నారని బాధను వ్యక్తం చేశారు. కాగా, పరమేశ్వర్ రెడ్డికి కడప సన్ షైన్ ఆసుపత్రిలో వైద్యం చేసిన డాక్టర్... పరమేశ్వర్ రెడ్డిని కర్నూలులో చికిత్స చేయించుకోవాలని సూచించినట్టు తెలుస్తోంది. అయితే పరమేశ్వర్ రెడ్డి కర్నూలు వెళ్లకుండా తిరుపతి వచ్చి సంకల్ప ఆసుపత్రిలో చేరడం గమనార్హం. పరమేశ్వర్ రెడ్డి స్వస్థలం కడప జిల్లా సింహాద్రిపురం. వైఎస్ వివేకాకు సన్నిహితుడిగా పేరుపొందాడు. పరమేశ్వర్ రెడ్డి గతచరిత్ర చూస్తే అతడిపై హత్యకేసులు ఉన్నట్టు సమాచారం.