పవన్ కళ్యాణ్ బస్సు యాత్ర అంటూ మొదలు పెట్టిన దగ్గర నుంచి అన్నీ కన్ఫ్యూషనే... ముందుగా తిరుపతి వచ్చారు... ఎప్పుడు ఎక్కడ బస్సు యాత్ర మొదలు పెడతారో సస్పెన్స్... చివరకు విశాఖలో తేలారు... అక్కడ విషయం అయితే చింతలబస్తీ దేవ్ బ్యాచ్ హడావిడి అంతా ఇంతా కాదు.. మా పవన్ ఉండే బాత్ రూమ్ చూసారా అంటూ, అవి కూడా పుబ్లిసిటీకి వాడుకున్నారు.. పవన్ ఇలాంటి చోటే బస చేస్తారు అని చెప్పారు.. తీరా చూస్తే గత నాలుగు రోజులు నుంచి, శ్రీకాకుళంలో ఒక పెద్ద రిసార్ట్ లో బస చేసారు.. యాత్ర మొదలు అయ్యింది.. బస్సు యాత్ర కాస్త, కార్ యాత్ర అయ్యింది.. ఎటు నుంచి, ఎటు వెళ్తుందో తెలియదు... మొత్తానికి మూడు రోజులు అలా పూర్తి చేసి, గత రెండు రోజుల నుంచి రెస్ట్ తీసుకుంటున్నారు... రెస్ట్ అంటే పవన్ కు రెస్ట్ కాదండి, అలా అంటే వారికి కోపం వస్తుంది.. పవన్ చాలా ఫిట్ గా ఉన్నారు, ఆయన పక్కన ఉండే బౌన్సర్లకు ఫిట్ నెస్ లేక, గాయాలు అయ్యాయి...
వారికి గాయాలు అయ్యాయి అని, అందుకే కొత్త వారు వచ్చే దాకా రెస్ట్ అన్నారు... రెండో రోజు ఏమో, ఆ గాయాలు అయినవారి పరిస్థితి ఇంకా బాగు పడలేదు అందుకే, రెండో రోజు కూడా రెస్ట్ అన్నారు.. అదేంటి కొత్త వారు వస్తున్నారు అన్నారు కదా అంటే, అటు నుంచి సమాధానం లేదు, ఇక్కడ కూడా కన్ఫ్యూషన్... సరే, రెండో రోజు ఇవాల్టితో ముగిస్తుంది అనగా, సడన్ గా 24 గంటలు దీక్ష అని ప్రెస్ నోట్ ఇచ్చారు.. ఈ రోజు సాయంత్రం 5 గంటల నుంచి, రేపు సాయంత్రం 5 గంటల వరకు, ఉద్దనం సమస్య పై, ప్రభుత్వానికి వ్యతిరేకంగా, నిరసనగా, దీక్ష చేస్తున్నారని, చెప్పారు.. సరే, ప్రభుత్వానికి వ్యతిరేకంగా, ఏదైనా సమస్య పై ఒత్తిడి తెస్తే అందరికీ మంచిందే... అక్కడ ప్రభుత్వం, మేము ఎన్నో చేసాం అంటూ, ఎంత చెప్తున్నా, పవన్ మాత్రం వినిపించుకోకుండా, దీక్ష చేస్తున్నారు... సరి ఇక్కడ దాకా ఎవరూ తప్పు బట్టటానికి లేదు...
అసలు సమస్య ఎక్కడ వచ్చింది అంటే, పవన్ దీక్ష చేస్తున్న విధానం పై వచ్చింది.. ఈ రోజు సాయంత్రం 5 గంటల నుంచి, రేపు ఉదయం 9 గంటలకు పవన్ కళ్యాణ్ రిసార్ట్ లోనే దీక్ష చేస్తారని, ఆ పార్టీ వర్గాలు చెప్పాయి.. సరే, దీక్ష అంటే, జనాల మధ్య ఉంటుంది కదా అనుకున్నారు... కాని, ఎవరికీ ఎంట్రీ లేదు.. కనీసం మీడియాకు కూడా... మీడియా అదేమిటి అని అడిగితే, మేమే వీడియో తీసి కొన్ని బైట్స్ పంపిస్తాము అని చెప్పారు... అచ్చం సినిమా షూటింగ్ లాగా అన్న మాట.. ఇది అయిపోయిన తరువాత, రేపు ఉదయం 9 గంటల నుంచి సాయంత్రం 5 గంటల వరకు సెకండ్ హాఫ్ మాత్రం ప్రజల మధ్యలో ఉంటుంది అని చెప్పారు.. మొత్తానికి రిసార్ట్ దీక్ష అనే కొత్త కాన్సెప్ట్ తో, ప్రభుత్వం మెడలు వంచటానికి, రిసార్ట్ నుంచే కంకణం కట్టుకున్న పవన్ కళ్యాణ్ గారికి అభినందనలు...