సినిమా టికెట్లు అమ్ముతాం అంటూ జగన్ మోహన్ రెడ్డి ప్రభుత్వం చేసిన ప్రకటన పై, రిపబ్లిక్ సినిమా ఫంక్షన్ లో పవన్ కళ్యాణ్, వైసీపీ ప్రభుత్వం అనేక విమర్శలు చేసిన సంగతి తెలిసిందే. దీని పై ఎదురు పవన్ కళ్యాణ్ పైన కూడా వైసీపీ విమర్శలు చేసింది. ఆ విమర్శలు ఇంట్లో ఆడవాళ్ళని తిట్టే వరకు వెళ్ళాయి. అయితే అనూహ్యంగా పవన్ కళ్యాణ్ కు, అటు తెలుగు సినీ ఇండస్ట్రీ నుంచి కానీ, ఇటు సొంత కుటుంబం నుంచి కానీ ఎలాంటి మాద్దటు లభించ లేదు. సినీ పరిశ్రమ అంటే, ప్రభుత్వంతో అవసరాలు ఉంటాయి కాబట్టి, భయ పడ్డారు అనుకోవచ్చు. కానీ సొంత కుటుంబం చిరంజీవి లాంటి పెద్ద హీరో కానీ, అన్నిట్లో దూరి రచ్చ రచ్చ చేసే నాగబాబు లాంటి వాడు కానీ, ఇప్పటికీ ఈ విషయం పై స్పందించలేదు. ఒక పక్క పవన్ కళ్యాణ్ ఇంట్లో ఆడవాళ్ళని తిడుతున్నా, చివరకు తల్లిని లాగినా, చిరు ఫ్యామిలీ స్పందించక పోవటం ఆశ్చర్యానికి గురి చేసింది. అయితే ఈ రోజు పేర్ని నాని చేసిన వ్యాఖ్యలు ఆశ్చర్యాన్ని కలిగించాయి. ఈ రోజు అనూహ్యంగా హైదరాబాద్ నుంచి వచ్చిన సినీ పెద్దలు, బందర్ వెళ్లి మరీ పేర్ని నానిని కలిసారు. దిల్ రాజు ఆధ్వర్యంలో, ఈ మీటింగ్ జరిగింది. ఏ సెక్రటేరియట్ లోనో కాకుండా, బందర్ వెళ్లి మరీ పేర్ని నాని కార్యాలయంలో కలిసారు.
మీటింగ్ అనంతరం పేర్ని నాని మాట్లాడుతూ, కొన్ని సంచలన వ్యాఖ్యలు చేసారు. పవన్ కళ్యాణ్ మాట్లాడిన మాటల పై చిరంజీవి తనతో ఫోన్ చేసి మాట్లాడారని అన్నారు. చిరంజీవి ఎంతో విచారం వ్యక్తం చేసారని పేర్ని నాని అన్నారు. చిరంజీవి మాట్లాడుతూ, పవన్ మాట్లాడిన మాటలతో తాము ఏకీభావించటం లేదని, ఇప్పటికే ఏపి ప్రభుత్వం సినీ పరిశ్రమకు ఎంతో మేలు చేస్తుందని, తాము ప్రభుత్వానికి మద్దతుగా ఉంటామని, తాను షూటింగ్ లో వేరే ఊరిలో ఉన్నాని, షూటింగ్ అయిన తరువాత, వచ్చి మాట్లాడతా అని చెప్పినట్టు నాని చెప్పారు. పక్కన ప్రెస్ మీట్ లో దిల్ రాజు కూడా ఉన్నారు. అంటే, చిరంజీవి ఈ వ్యాఖ్యలు నిజంగా చేసినట్టే అనుకోవాలి. ఒక పక్క పవన్ కళ్యాణ్, ఈ స్థాయిలో, సినిమా టికెట్లు విషయం పై, ప్రభుత్వంతో పోరాటం చేస్తుంటే, చిరంజీవి మద్దతు ఇవ్వకపోగా ఇలా మాట్లాడటం షాక్ అనే చెప్పాలి. ఏమి మాట్లడతకుండా తటస్థంగా ఉన్నా, చిరంజీవికి హుందాతనం పెరిగేది. మరి నిజంగా పేర్ని నాని చేసిన ఈ వ్యాఖ్యలు, చిరంజీవి చేసారా ? లేదా అనేది చిరంజీవి స్పందించిన తరువాత తెలుస్తుంది.