చంద్రబాబుని ఇబ్బంది పెడుతూ, రాష్ట్రంలో అనిశ్చితి నెలకొల్పాలని, దాని కోసం మన రాష్ట్రంలోని నేతలనే వాడుకుంటున్న బీజేపీ పెద్దలు ఆపరేషన్ గరుడు మొదలు పెట్టిన సంగతి తెలిసిందే... ఈ ఆపరేషన్ మొదటి పార్ట్ లో, పాత్రదారులని సెట్ చేసి, డిరెక్షన్ మొదలు పెట్టారు ఢిల్లీ పెద్దలు... ఆపరేషన్ గరుడు, రెండో భాగం మొదలైంది... ఇందులో భాగంగా, బహిరంగంగానే పనులు చేసేస్తున్నారు... చంద్రబాబు ఎన్నో సార్లు చెప్పినట్టు, జగన్ - బీజేపీ కలిసి పోతున్నారు అనే దానికి ఇదే ఉదాహరణ... బీజేపీ జాతీయ అధ్యక్షుడు అమిత్ షా నివాసంలో ఏపీ బీజేపీ నేతల సమావేశంలో ఈ అరుదైన ఘట్టం చోటు చేసుకుంది...
తెలుగుదేశం ఎన్డీఏ నుంచి బయటకు వచ్చిన తరువాత, రాష్టంలో ఎలా వెళ్ళాలి అనే వ్యూహం అని చెప్తూ, ఈ సమావేశానికి, జగన్ 250 కోట్లు ఇచ్చి పెట్టుకున్న సలహాదారుడు, ప్రశాంత్ కిషోర్ కూడా ఈ సమావేశానికి హాజరయ్యి, నిస్సిగ్గుగా బీజేపీ - వైసిపీ బంధాన్ని బయట పెట్టారు... ఒక పక్క అవిశ్వాసం అంటూ, ఇలా డ్రామాలు ఆడుతున్నారు.. చంద్రబాబు ఎప్పటి నుంచో చెప్తున్న మాటలు, గత కొన్ని రోజులుగా ఢిల్లీ పెద్దలు చేస్తున్న కుట్రలు నిజమే అని ఇప్పుడు తేలింది...
వైసీపీ వ్యూహకర్త ప్రశాంత్ కిషోర్ తో, మరో అంశం కూడా చర్చించారు.. తెలుగుదేశం పెట్టిన అవిశ్వాస తీర్మానం ఎలా ఫెయిల్ చెయ్యాలి, మొన్న మద్దతు ప్రకటించిన పార్టీలు, చంద్రబాబుకి మద్దతు ఇవ్వకుండా ఎలా ఒత్తిడి తేవాలి అనేది కూడా చర్చించారు.. అలాగే, అవిశ్వాసం అంకం పూర్తయిన తరువాత, ఆపరేషన్ గరుడు నెక్స్ట్ ప్లాన్ ఏంటి అనేది కూడా చర్చించారు... మొత్తానికి చంద్రబాబు చెప్పినట్టు, బీజేపీ, వైసిపీ, పవన్ తో కలిసి రాష్ట్రంలో అనిశ్చితి వాతావరణం సృష్టించాలి అనే ప్లాన్ నిజమే అనే, ఇవాల్టితో నిర్ధారణ అయ్యింది... ఇప్పటికైతే, వైసిపీ - బీజేపీ అడ్డంగా దొరికాయి...