జ‌న‌సేన ముసుగులో ఇన్నాళ్లు వైకాపా పేటీఎం బ్యాచులు చేస్తున్న క్యాంపెయిన్‌కి ఒక్క ప్రెస్మీట్‌తో ప‌వ‌న్ క‌ళ్యాణ్ చెక్ పెట్టేశారు. పొత్తుల్లో సీఎం అభ్యర్థి కండీషన్ ఉండదని క్లారిటీ ఇచ్చేశారు. రాష్ట్ర భవిష్యత్తు కండిషన్ మాత్రమే ఉంటుంద‌ని చెప్పుకొచ్చారు. సీఎం అభ్యర్థి విషయంలో మా పార్టీలో విమర్శలు ఉన్నాయి.. వాటిని పట్టించుకోను..ఇది సినిమా కు సంబంధించినది కాదు.. నాతో నడిచే వారే నా వాళ్ళు..అని కుండబ‌ద్ద‌లు కొట్టారు. కష్టపడి పనిచేస్తే సీఎం పదవి వరించి తీరాల‌ని, దాని కోసం పాకులాడ కూడ‌ద‌న్నారు. ఎన్నికల్లో ప్రభావితం చూపించగలగే పార్టీలు కలవాల‌న్నారు. పొత్తుల వల్లే బీజేపీ, టీఆర్ఎస్ లాంటి పార్టీలు బలపడ్డాయ‌ని చెప్పారు. వైసీపీ అరాచ‌క‌పాల‌న చూశాక, ప్ర‌భుత్వ వ్యతిరేక ఓట్లు చీల‌నివ్వను అని ఫిక్స‌య్యాన‌న్నారు. అసెంబ్లీ లో బలమైన పార్టీగా ఉండాలనే పార్టీ పెట్టాన‌ని, 2014 లో లోతుగా ఆలోచించి టీడీపీతో కలిశాన‌ని వివ‌రించారు. ప్రతికూల పరిస్థితుల్లో 7 శాతం ఓట్లు సాధించాం అంటే మామూలు విషయం కాద‌న్నారు. మా గౌరవ మర్యాదలకు భంగం కలగకుండా పొత్తులు ఉంటాయ‌ని, రాష్ట్ర ప్రయోజనాలు దృష్టిలో పెట్టుకొని పొత్తులు ఉంటాయ‌న్నారు.