జనసేన అధినేత పవన్‌కల్యాణ్‌ ఏలూరులో తాను నమోదు చేసుకున్న ఓటు తొలగించాలని ఎన్నికల సంఘం అధికారులను కోరినా ఆ ఓటు తొలగించలేదు. విజయవాడ తూర్పులో తాజాగా ఓటు నమోదు చేయించుకోవడంతో ప్రస్తుతం రెండు చోట్ల ఆయనకు ఓటు ఉన్నట్లయింది. పవన్ రాజకీయ కార్యదర్శి పి.హరిప్రసాద్‌ ఒక ప్రకటనలో ఈ విషయం పేర్కొన్నారు. సర్వర్ సరిగా పనిచేయకపోవడం వల్ల తాము రెండో ఓటు తొలగించలేకపోతున్నామని అధికారులు చెబుతున్నట్లు ఆ ప్రకటన స్పష్టం చేసింది. సాక్షాత్తూ ఒక పార్టీ అధినేతకే ఈ పరిస్థితి ఎదురయితే సామాన్య ఓటరు సంగతి ఏమిటోనని ఆ ప్రకటనలో విమర్శించారు. పవన్‌కల్యాణ్‌ తొలుత తన ఓటును ఏలూరు నియోజకవర్గంలో నమోదు చేయించుకున్నారు.
ఆ తర్వాత ఓటును విజయవాడ తూర్పు నియోజకవర్గానికి బదిలీ చేయాలని కోరారు. ఆయన కోరిక మేరకు విజయవాడ తూర్పునకు ఓటు బదిలీ చేసినా ఏలూరు నియోజకవర్గంలో తొలగించలేదు. దీంతో రెండు చోట్ల ఆయన ఓటు కనిపిస్తోంది. ఈ విషయమై ఎన్నికల ముఖ్య కార్యనిర్వహణాధికారికి విన్నవించిన మీదట ఆయన పశ్చిమగోదావరి కలెక్టర్‌కు సిఫార్సు చేశారని జనసేన ఆ ప్రకటనలో పేర్కొంది. తాము తొలగించాలని ప్రయత్నిస్తున్నా ఎన్నికల సంఘం సర్వర్ సహకరించడం లేదని కలెక్టర్ చెబుతున్నట్లు జనసేన పేర్కొంది. అయితే, పవన్ కల్యాణ్ అధికారుల నుంచి వచ్చిన సమాధానంతో అసహనానికి గురయ్యారు.
మొదట ఆయన ఏలూరు అసెంబ్లీ నియోజకవర్గంలో ఓటు నమోదు చేయించుకున్నారు. ఆ తర్వాత విజయవాడ తూర్పు నియోజకవర్గానికి తన ఓటును బదిలీ చేయించుకోవాలని భావించి దరఖాస్తు చేసుకున్నారు. పవన్ విజ్ఞప్తి మేరకు ఓటును విజయవాడ బదిలీ చేశారు. కానీ ఏలూరులో ఉన్న ఓటును మాత్రం అలాగే ఉంచారు. దాంతో పవన్ కు రెండు ఓట్లు ఉన్నట్టయింది. రెండు చోట్ల ఓటర్ల జాబితాలో పవన్ కల్యాణ్ పేరు కనిపిస్తోంది. ఈ విషయమై ఎన్నికల అధికారికి పవన్ విజ్ఞప్తి చేయగా, ఆయన జిల్లా కలెక్టర్ కు విషయం చెప్పారు. అయితే, సర్వర్ పనిచేయడం లేదని, అందుకే మీ ఓటు బదిలీ చేయలేకపోతున్నామంటూ కలెక్టర్ సమాధానమిచ్చారు. దాంతో పవన్ కల్యాణ్, ఓ పార్టీకి అధ్యక్షుడ్నయిన తనకే ఇలాంటి పరిస్థితి వస్తే సామాన్యుల సంగతేంటని అసంతృప్తి వ్యక్తం చేశారు.