ఈ రోజు మధ్యానం నుంచి ఆంధ్రప్రదేశ్ లోని చాలా ప్రదేశాల్లో కరెంటు పోయింది అనే వార్తలు వస్తున్నాయి. సోషల్ మీడియాలో అనేక మంది, తమకు కరెంటు పోయింది అంటూ పోస్టింగ్ లు పెడుతున్నారు. దీని పైన మీడియా కూడా వార్తలు ప్రసారం చేస్తుంది. ఒక ప్రాంతంలో వస్తుంటే, మరో ప్రాంతంలో కరెంటు పోతుంది. ఇక చాలా చోట్ల ఈ రోజు కేబుల్ ప్రసారాలు కూడా ఆపివేసరని చెప్తున్నారు. అయితే ఇదేమైనా సాంకేతిక సమస్య అని ఆరా తీస్తే, చలి కాలం కరెంటు వినియోగం ఎలాగూ తక్కువే ఉంటుంది, ఇది సాంకేతిక సమస్య అయితే కాదని, కేవలం ఉద్యోగుల వార్తలను ప్రజలు చూడకుండా ప్రభుత్వం చేస్తున్న కుట్రలు అని విపక్షాలు ఆరోపిస్తున్నాయి. ఉదయం నుంచే చాలా చోట్ల కేబుల్ టీవీ ప్రసారాలు ఆపేసారని, మధ్యానం ఉద్యమం పీక్స్ చేరటంతో, చాలా చోట్ల కరెంటు తీసుకుంటూ వస్తున్నారని, సాయంత్రం ఇళ్ళకు వచ్చి టీవీలు పెడతారు కాబట్టి, ఉద్యోగుల ఆందోళన కనిపించకుండా చేయటానికే ఇలా చేస్తున్నారని ఆరోపిస్తున్నారు. సోషల్ మీడియాలో కుప్పలు తెప్పలుగా కరెంటు పోయింది అంటూ, పోస్టింగ్ లు పెడుతున్నారు. మరి దీని పైన ప్రభుత్వం కానీ, పవర్ మినిస్ట్రీ కానీ ఏమి స్పందిస్తుందో చూడాలి.