మాజీ మంత్రి, కోవూరు శాసనసభ్యులు , నల్లపరెడ్డి ప్రసన్నకుమార్ రెడ్డి, జిల్లా ఎస్పీ పై తీవ్రస్థాయిలో దుర్భాషలాడారు. ఎస్పీ భాస్కర్ భూషన్‍కు వార్నింగ్ ఇచ్చారు. ఆయన మాటల్లోనే "ఇటువంటి పోస్టింగ్ పెడితే, ఆ పోలీస్ డిపార్టుమెంటుకు చెందిన జిల్లా అధికారి, ఆయనకు ఎవరో తెలుగుదేశం పార్టీ వాళ్ళు ఫోన్ చేసారని, కేసు రిజిస్టర్ చేయవద్దు అని చెప్పేది ఏమిటి నాకు అర్ధం కావటం లేదు ? ఏమనుకుంటున్నాడు ఆయన ? ఎవరనుకుంటున్నాడు ? ఏ గవర్నమెంట్ అనుకుంటున్నాడు ? నాకు అర్ధం కావటం లేదు. బాగుండదు, పద్దతి కాదు, తమాషాలు పడొద్దు, దీన్ని ముఖ్యమంత్రి దృష్టికి కూడా తీసుకుని వెళ్తాం. చేయండి. ముందు ఎస్సీ ఎస్టీ కేసు నమోదు చేయండి. డీఎస్పీ వచ్చి ఎంక్వయిరీ చేస్తాడు. ఫాల్స్ కేసు అయితే తీస్తాడు. లేకపోతే కేసు రిజస్టర్ చేసి లోపల వేస్తారు. అంతే కదా ? కేసు రిజిస్టర్ చేయవద్దు అని చెప్పటానికి నువ్వు ఎవరివి ? జిల్లా అధికారివి ? నీకేమి సంబంధం ? 13 జిల్లాల్లో ఇదే జరుగుతుందా ? ఎస్సీ ఎస్టీ కేసులు పెడుతున్నారు. ఎస్పీ అనుమతి లేనిదే పెట్టకూడదా ? ఎక్కడ నుంచి వచ్చావు నువ్వు ? ఎవరు నేర్పించారు నీకు రూల్స్ ? ఎస్సీ ఎస్టీ కేసు ఇచ్చిన తరువాత కేసు రిజస్టర్ చేస్తారు. డీఎస్పీ వచ్చి ఎంక్వయిరీ చేస్తాడు. అంతే కదా ? నీకు ఏమి అధికారం ఉంది, ఎస్సీ ఎస్టీ కేసు నమోదు చేయవద్దు అని చెప్పటానికి ? బాగుండదు. ఉన్నన్ని రోజులు జాగ్రత్త. ఇంకో నెల ఉంటావో, రెండు నెలలు ఉంటావో, ఉన్నన్ని రోజులు శుద్ధంగా ఉండి, చివరి రోజులో అయినా మంచి పేరు తెచ్చుకునో పో. తమాషాలు పడుతున్నాడు. ఏమనుకుంటున్నాడో ఏమో. ఎవరు అనుకుంటున్నాడో.
ఎక్కడి నుంచో వచ్చాడు. మన కర్మకు వచ్చాడు ఈ జిల్లాకి. ఏమి పనులు ఇవి ? అందరి మీదే ఇది జరుగుతుంది. జగన్ గారి మీద అయితే ఇష్టం వచ్చినట్టు బాషతో రాస్తున్నారు. ఇన్ని జరుగుతా ఉంటే ఏమి చేస్తున్నారు మీరు అంతా ? ఎవరు కాపాడుతారు నిన్ను ? ఏమైనా విజయవాడలో ఉన్న డీజీపీ కాపాడుతాడు అనుకుంటున్నావా ? బాగుండదు చెప్తున్నా. మీడియాకు చెప్తున్నా. ఎంత దూరం రాసుకుంటారో రాసుకోండి. ఓపెన్ గా, చెప్తున్నా. నువ్వు తెలుగుదేశం పార్టీ అజేంట్ వా ? మా ప్రభుత్వం తరుపున ఈ జిల్లా ఆధికారిగా వచ్చిన వ్యక్తీవా అని నేను అడుగుతున్న ? ఎవడో తెలుగుదేశం పార్టీకి చెందిన ఒక మాజీ మంత్రి ఫోన్ చేస్తే, మమ్మల్ని ఇబ్బంది పెడతావా ? ఎన్ని రోజులు ఉంటావు, నువ్వు ఈ నెల్లూరు జిల్లాలో, తరువాత నీ బ్రతుకు ఏమిటి ? వేరే జిల్లాకు పోతావ్ . నువ్వు ఎవరు అసలు ? కేసు పెట్టొద్దు అనటానికి నువ్వు ఎవరు ? బెదిరిస్తావా ? జైల్లో వేయిస్తాను అన్నావు అంటా, కింద పోలీస్ వారిని. నీకుందా దమ్ము ? రా నీకు దమ్ము ఉంటే అరెస్ట్ చేపించు. ఎవరి గవర్నమెంట్ అనుకుంటున్నావ్ ? జాగ్రత్తగా ఉండు, నాతొ పెట్టుకోమాక ?" అంటూ జిల్లా ఎస్పీని ఇష్టం వచ్చినట్టు మాట్లాడారు. మరి పోలీస్ సంఘం వారు, ఇప్పుడు కూడా మీసాలు మెలేసి, ప్రెస్ మీట్లు పెడతారేమో చూడాలి. ప్రసన్నకుమార్ రెడ్డి మాట్లాడిన వీడియో ఇక్కడ చూడవచ్చు https://youtu.be/Qc_qgcWLPHQ