వెంకన్నతో పెట్టుకుంటే, క్యారమ్స్ చల్లా చెదురు అయిపోతాయని, మరోసారి రుజువైంది. వెంకన్న సేవలో ఉంటూ, కొండ పై అసాంఘిక కార్యక్రమాలు, అవినీతికి పాల్పడటమే కాకుండా, వెంకన్న సేవలో ఉంటూ, అమరావతి రైతులని కించపరుస్తూ ఎస్వీబీసీ చైర్మన్ పృధ్వీ చేసిన వ్యాఖ్యలకు, ఇప్పుడు వెంకన్నే చూసుకున్నాడు. నిన్న పృధ్వీ మాట్లాడుతూ, పోసాని చేసిన వ్యాఖ్యలకు కౌంటర్ ఇచ్చారు. నేను పైడ్ ఆర్టిస్ట్ లు అన్న దానికి కట్టుబడి ఉన్నాను అంటూ, మరోసారి వ్యాఖ్యలు చేసారు. దీంతో, వెంకన్న 24 గంటల్లోనే ఆక్షన్ చూపించాడు. నిన్న రాత్రి పృధ్వీ రాసలీల ఆడియో బయట పడింది. అన్ని టీవీ చానల్స్ లో అది వచ్చింది. ఒక మహిళా ఉద్యోగితో, పృధ్వీ సాగించిన రాసాలీల ఆడియో బహిర్గతం అయ్యింది. అందులో పృధ్వీ ఇదంతా, పద్మావతీ గెస్ట్ హౌస్ నుంచే చేస్తున్నట్టు అర్ధమవుతుంది. దీంతో పృధ్వీ పరువు పోయింది. పృధ్వీ ఇలాంటి వాడు అని తెలిసినా, ఎస్వీబీసీ చైర్మన్ గా, జగన్ ఎందుకు నియమించారు అంటూ ప్రశ్నలు మొదలయ్యాయి.
తిరుమలను బ్రస్టు పట్టించే ఆలోచనతోనే ఇలా చేసారని విమర్శలు వచ్చాయి. దీంతో ఇప్పుడు వైసీపీ పై ఒత్తిడి పెరిగింది. ఒక పక్క, రాజధాని రైతుల పై పృధ్వీ చేసిన వ్యాఖ్యలతో, వైసీపీ పరువు గంగలో కలిసింది. ఒక పక్క మంత్రులు, స్పీకర్ కూడా అమరావతి రైతులని పైడ్ ఆర్టిస్ట్ లు అంటుంటే, పృధ్వీని సాకుగా చూపి, పృధ్వీ పై చర్యలకు వైసీపీ సిద్ధం అయ్యి, ప్రజలను తమ వైపు తిప్పుకుందాం అనుకున్న టైంలోనే, ఈ ఆడియో బయట పడటంతో, వైసీపీకి పృధ్వీని వదిలించుకోవటం ఇంకా ఈజీ అయ్యింది. పృధ్వీని ఎస్వీబీసీ చైర్మన్ గా తొలగిస్తూ, టీటీడీ నిర్ణయం తీసుకుంది. పృధ్వీ పై చర్యలు తీసుకోవాల్సిందిగా కోరామని, టిటిడి చైర్మెన్ వైవీ సుబ్బారెడ్డి తెలిపారు. టిటిడి ప్రతిష్టకు ఎవరు భంగం కలిగించినా ఊరుకోమని చెప్పారు.
పృధ్వీ నివేదిక పై విజిలెన్స్ నివేదిక వచ్చిందని, ఆయన నియమించిన 36 మందిని కూడా తొలగించామని వైవి చెప్పారు. పృధ్వీని రాజీనామా చెయ్యమని కోరినట్టు తెలుస్తుంది. ఆయన గౌరవప్రదంగా రాజీనామా చెయ్యకపోతే, మరో గంటలో టిటిడి ఆయన్ను తొలగిస్తూ ఉత్తర్వులు ఇవ్వనుంది. అయితే పృధ్వీ ఇలా వెకిలి చేష్టలు చెయ్యటం మొదటి సారి కాదు. ఎన్నికల ప్రచారంలో కాని, అంతకు ముందు కాని, ఎంతో వెకిలిగా చంద్రబాబు పై, ప్రచారం చేసిన సందర్భాలు ఉన్నాయి. అప్పట్లో వైసీపీ అధిష్టానం కూడా, ఈ వెకిలి చేష్టలను ప్రోత్సహించింది. అందుకు ప్రతిఫలంగానే అధికారంలోకి రాగానే, ఎస్వీబీసీ చైర్మన్ పదవి ఇచ్చారు. ఇలాంటి వారికి, ఈ పదవా అంటూ అప్పట్లోనే వ్యతిరేకత వచ్చినా, పట్టించుకోలేదు. ఇప్పుడు ప్రజల్లో బాగా వ్యతిరేకత రావటంతో, తొలగించిన తప్పని పరిస్థితిలో, వైసీపీ వదిలించుకుంది.