టీవీ9 మాజీ సిఈవో రవి ప్రకాష్ అరెస్ట్ వెనుక ఉన్న, ఢిల్లీ మీడియా వర్గాల్లో ఆసక్తికర చర్చ జరుగుతంది. రవి ప్రకాష్ ను కేసులలో ఇరికించి తీవ్ర ఇబ్బందులు పెడుతున్న సంగతి తెలిసిందే. టీవీ9 కొత్త యాజమాన్యం, కేసీఆర్ కు సన్నిహితంగా ఉండటమే దీనికి కారణం అని రవి ప్రకాష్ వర్గీయులు విమర్శలు చేసారు కూడా. అయితే ఇప్పుడు ఆంధ్రప్రదేశ్ ప్రభుత్వంలో ముఖ్యడు అయిన విజయసాయి రెడ్డి కూడా రంగంలోకి దిగి, రవి ప్రకాష్ పై చర్యలు తీసుకోవాలని, సిబిఐ, ఈడీ కేసులు వెయ్యాలని, సుప్రీం కోర్ట్ ఛీఫ్ జస్టిస్ కు లేఖ రాసిన విషయం తెలిసిందే. అయితే మొన్నటి కేసుల్లో రవి ప్రకాష్ ను అరెస్ట్ చెయ్యకుండా కోర్ట్ ఆర్డర్ ఇవ్వటంతో, ఇక రవి ప్రకాష్ పై ఏమి ఉండదని అందరూ అనుకున్న వేళ, ఉన్నట్టు ఉండి మరో కేసులో, రవి ప్రకాష్ ను అరెస్ట్ చెయ్యటం వెనుక మరో, ప్రచారం జరుగుతుంది. ముఖ్యంగా ఢిల్లీలోని తెలుగు మీడియా సర్కిల్స్ లో, రవి ప్రకాష్ తాజా కేసు, అరెస్ట్ వెనుక, ఆయన ఒక ప్రజా ప్రతినిధితో సన్నిహితంగా ఉండటమే కారణం అని చెప్తున్నారు.
ఆ ప్రజా ప్రతినిధి ఎవరో కాదు. తెలంగాణ కాంగ్రెస్ ఎంపీ రేవంత్ రెడ్డి. రేవంత్ రెడ్డి, రవి ప్రకాష్ ను తరుచూ కలుస్తున్నారని, ఏదో ప్లాన్ చేస్తున్నారనే సమాచారం రావటంతో, వీరి దూకుడుకు వెంటనే బ్రేక్ వేసారనే ప్రచారం జరుగుతుంది. దీనికి బలాన్ని చేకూరుస్తూ, రేవంత్ రెడ్డి వెళ్లి, రవి ప్రకాష్ ను జైల్లో కలిసారు. రవి ప్రకాష్ తో కలిసి, ప్రస్తుతం ఉన్న తెలంగాణా ప్రభుత్వం పై, పోరాడటానికి, రేవంత్ రెడ్డి భారీ స్కెచ్ వేసారని, రవి ప్రకాష్ కొత్తగా పెట్టబోయే ఛానల్ లో, కేసీఆర్, మేఘా, రామేశ్వరరావు పై, దూకుడుతో కధనాలు ప్లాన్ చేస్తున్నారని సమాచారం. ఈ విషయాల్లో భాగంగానే రేవంత్ రెడ్డి, రవి ప్రకాష్ ఈ మధ్య తరుచూ కలుస్తున్నారనే సమాచారం బయటకు వచ్చింది. దిల్లీ కేంద్రంగా రేవంత్, రవి ప్రకాశ్‌లు పలుమార్లు భేటీ అయినట్లుగా సమాచారం ఉండటంతో, తెలంగాణా ప్రభుత్వ పెద్దలు అలెర్ట్ అయ్యారని చెప్తున్నారు.
తనను ఇబ్బందులు పాలు చేసిన కేసిఆర్ పై ప్రతీకారం తీర్చుకునే అవకాసం కోసం, రేవంత్ రెడ్డి గత కొంత కాలంగా అడుగులు వేస్తున్నారు. ఇందులో భాగంగానే, కేసీఆర్ మరో బాధితుడు అయిన రవి ప్రకాష్ తో కలిసారు. రవి ప్రకాష్ ఒక సంచలన ప్రాజెక్ట్ తో ముందుకు వస్తున్నారనే సమాచారం మీడియా వర్గాల్లో ఉంది. అలాగే హుజూర్ నగర్ ఉప ఎన్నికకు కూడా, రేవంత్ ప్రచారానికి, రవి ప్రకాష్ బృందం రేవంత్ ప్రసంగాలను సిద్ధం చేయడంతో పాటుగా, సోషల్ మీడియా ప్రాచారానికి కూడా తమ వంతు సహాయం అందించటానికి రెడీ అయ్యారు. అయితే ఈ దూకుడు తెలుసుకున్న పెద్దలు, వెంటనే బ్రేక్ వేసారు. ఎప్పుడో పోలీసులను అడ్డుకున్నారని ఒక కేసు, నిధులు మళ్ళించారని మరో కేసు పెట్టటంతో, పోలీసులు వారి విధి నిర్వహిస్తూ, రవి ప్రకాష్ ని అదుపులోకి తీసుకున్నారు. ఇక మరో పక్క, ఇటు ఏపి నుంచి కూడా విజయసాయి రెడ్డి, రవి ప్రకాష్ పై చీఫ్ జస్టిస్ కు లేఖ రాసారు. అన్ని వైపుల నుంచి రవి ప్రకష్ ను ఊపిరి ఆడకుండా, లాక్ చేస్తూ వస్తున్నారు.