మోసగాళ్ళు పలు రకాలు ఉంటారు. కొంత మంది మరీ బరి తెగించి ప్రవర్తిస్తూ ఉంటారు. ఏకంగా సియం తెలుసు, పిఎం తెలుసు అంటూ, లాబయింగ్ చేసి, పనులు చేస్తూ ఉంటారు. కొంత మంది ఈ ట్రాప్ లో పడి బురిడీ కొట్టిస్తూ ఉంటారు. ఇదే కోవలో, గతంలో కొంత మంది ఎమ్మేల్యేలని, మంత్రులని కూడా ఇలా ట్రాప్ చేసి, వారి దగ్గర డబ్బులు గంజిన వైనం చూసాం. తరువాత విషయం తెలిసుకుని, ఆ ప్రజా ప్రతినిధులు లబో దిబో అంటూ, పోలీసు కేసులు పెట్టారు. అయితే అప్పటికే జరగరాని నష్టం జరిగిపోతుంది. ఇదే కోవలో, ఇప్పుడు మనం ఇప్పుడు ఒక వార్త వినబోతున్నాం. ఏకంగా సియం జగన్ పేరు, సిబిఐ డైరెక్టర్ పేరు చెప్పి, ఒక మాజీ ఎంపీని బుట్టలో వేసే పని చేసాడు ఒక ప్రబుద్ధుడు. అయితే ఆ మాజీ ఎంపీ అంతా పరిశీలించి, వీడు ఒక ఫేక్ గాడు అని తెలుసుకుని, వెంటనే సిబిఐ అధికారులకు సమాచారం ఇవ్వటంతో, సిబిఐ అధికారులు ఎంట్రీ ఇచ్చియా, ఆ ఫేక్ ప్రబుద్ధుడిని పట్టుకుని, లోపల వెయ్యటంతో కధ సుఖాంతం అయ్యింది.
తెలుగుదేశం పార్టీ నాయకూడు, మాజీ ఎంపీ రాయపాటి సాంబశివరావు పై, సిబిఐ కేసు పెట్టిన సంగతి తెలిసిందే. గత నెలలో, రాయపాటి పై, సిబిసి సోదాలు జరిపి, ట్రాన్స్ ట్రాయ్ కంపెనీ విషయంలో, ఆయన పై కేసు నమోదు చేసారు. అయితే ఇప్పుడు ఇదే అదునుగా చూసిన ఒక ముఠా రాయపాటిని బుట్టలో వేసే పనిలో పడింది. అసలు జరిగిన విషయం ఏమిటి అంటే, నేను సిబిఐలో పని చేస్తున్నాను, నాకు సిబిఐ డైరెక్టర్ బాగా సన్నిహితంగా ఉంటారు, అలాగే ఈ రాష్ట్ర ముఖ్యమంత్రి జగన్ మోహన్ రెడ్డి నాకు బాగా క్లోజ్, కావాలంటే ఈ ఫోటో చూడండి అంటూ, రాయపాటిని కలిసి మణివర్ధన్‌ రెడ్డి అనే వ్యక్తి, రాయపాటి సాంబశివరావుని కలిసారు. మీ మీద ఉన్న సిబిఐ కేసు మాఫీ చేయిస్తానని, రూ.10 కోట్ల దాకా డబ్బు డిమాండ్‌ చేసాడు.
ముందుగా రాయపాటిని ఫోన్ లో సంప్రదించిన వ్యక్తీ, తరువాత రోజు సారాసరి రాయపాటి ఇంటికే వచ్చేసారు. తనకు సిబిఐలో అందరూ తెలుసనీ, మీ సిబిఐ కేసు క్షణాల్లో మాఫీ చేయిస్తానని, దానికి మీరు ఒక 10 కోట్లు ఇస్తే చాలని, చెప్పారు. అలాగే డైరెక్టర్ గారితో మాట్లాడండి అంటూ, మరెవరితోనో ఫోన్ లో మాట్లాడించారు. అలాగే జగన్ మోహన్ రెడ్డికి తనకు సన్నిహిత సంబంధాలు ఉన్నాయని నమ్మబలికి, జగన్ తో దిగిన ఫోటో చూపించారు. అయితే, మణివర్ధన్‌ రెడ్డి వ్యవహార శైలిపై అనుమానం వచ్చిన రాయపాటి సాంబశివరావు, ఈ విషయం పై సిబిఐ అధికారులకు నేరుగా ఫిర్యాదు చేసారు. రాయపాటి ఇచ్చిన వివరాలను గోప్యంగా ఉంచిన సిబ్బంది, రంగంలోకి దిగి, మణివర్ధన్‌ను అదుపులోకి తీసుకున్నట్లు తెలిసింది. రాయపాటి ఈ విషయంలో లిఖితపూర్వక ఫిర్యాదు కూడా ఇచ్చారు.