ఈ రోజు నిజామాబాద్ జిల్లాలో వర్నిలో తెలంగాణ కమ్మ సేవా సమితి ఆత్మీయ సమేళనం నిర్వహించింది. ఇందులో తెలంగాణ కాంగ్రెస్ నేత రేణుకా చౌదరి పాల్గొన్నారు. ఈ సందర్భంగా ఆవిడ మాట్లాడుతూ ఆంధ్రప్రదేశ్ ప్రభుత్వం కమ్మ సామాజిక వర్గాన్ని మాత్రమే ఎందుకు టార్గెట్ చేస్తున్నారని ఆమె ప్రశ్నించారు. కేవలం కమ్మ వారిని మాత్రమే జగన్ అణగతొక్కాలని చూస్తున్నారని ఆమె తీవ్ర స్థాయిలో విరుచుకు పడ్డారు. ఈ వైసిపి పార్టీ నేతలందరూ అమరావతిని కమ్మరావతిగా మాట్లాడటం సరికాదని ఆమె విమర్శించారు. జగన్ కి నిజంగా దమ్ముంటే అమరావతికి కమ్మరావతి అనే పేరు పెట్టాలని, రేణుకా చౌదరి చాలెంజ్ విసిరారు. కేవలం కమ్మ సామజిక ఒక్క వర్గాన్ని మాత్రమే తక్కువగా చూడటం జగన్ ప్రభుత్వానికే నష్టమని ఆమె చెప్పారు. ఏపిలో ఇన్ని కులాలు ఉన్న కేవలం ఇలా ఒక్క కులాన్నే టార్గెట్ చేయడం, కరెక్ట్ కాదని రేణుకా చౌదరి వ్యాఖ్యానించారు. మీ అధికారం ఏమి శాశ్వతం కాదని, ప్రజలు వైసిపి కి జగన్ కు బై చెప్పే రోజు త్వరలోనే ఉందని కూడా ఆమె అన్నారు. జగన్ ప్రభుత్వం కేవలం ఒక్క కమ్మ కులాన్నే టార్గెట్ చేస్తున్నారని, ప్రజలకు కూడా అర్ధమవుతుందని , ఆమె అన్నారు. జగన్ కేవలం ఒక్క కులం ఓట్లు తోనే గెలవలేదని, అన్ని కులాల వోట్లు వేస్తె నే గెలిసిందని ఆమె వైసిపి ని తీవ్రంగా విమర్శించారు.