తూర్పు గోదావరి జిల్లాలో వైసిపి నేతల పేర్లు చెప్పి కొంతమంది కింద స్థాయి నేతలు ఎక్కడికక్కడ రెచ్చి పోతున్నారు. అందులో భాగంగా రామచంద్రాపురం నియోజకవర్గానికి సంభందించి ఆయన ప్రధాన అనుచరుడు గణపతి కనుసన్నల్లో ఇదంతా జరుగుతుంది .ఈ నెల జనవరి 1 వ తారీఖు నుంచి రాష్ట్ర వ్యాప్తంగా బియ్యం పంపిణి జరుగుతున్న నేపద్యంలో రేషన్ వాహనాలు ఇంటింటికి వెళుతూ బియ్యం పంపిణి చేస్తున్నాయి. అదే సమయంలో స్థానికంగా వేణు అనుచరుడైన గణపతి కనుసన్నల్లో వైసిపి నేతలు ఈ బియ్యం వాహనం దగ్గర వచ్చి ఎవరైతే రేషన్ తీసుకుంటారోవారి దగ్గర సంక్రాంతి మామూలు పేరుతో 100 నుంచి 400 రూపాయల వరకు కూడా డబ్బులు డిమాండ్ చేస్తున్నారు. అధికారులు సంక్రాంతి లోపు తమకు టార్గెట్ ఇచ్చారని తప్పకుండా అందరు డబ్బులు ఇవ్వవలిసిందేనని అందరి మీద ఒత్తిడి తెస్తున్నారు. ఆ నియోజక వర్గంలో ప్రతి చోట ఎక్కడైతే రేషన్ ఇస్తారో అన్ని చోట్ల కుడా ఇదే దందా కొనసాగితుంది . ఈ విషయం మంత్రి దగ్గరకు వెళ్ళినా కూడా తన అనుచరులకే డబ్బులు వస్తున్నాయి కనుక ఆయన చూసి చూడనట్టు వదిలేస్తున్నారు అని ప్రతిపక్ష పార్టీలు ఆరోపిస్తున్నారు. మరోపక్క దాదాపు జిల్లా వ్యాప్తంగా ఇదే పరిస్థితి నెలకుందని ఆరోపణలు వస్తున్నాయి. గతంలో కూడా ఇళ్ళ స్థలాల పేరుతో కూడా ఇలాగే 20000 ,30000 కూడా డిమాండ్ చేసిన పరిస్థితిని మనం చూసాం. ఆ తరువాత ఇంటింటికి రిజిస్ట్రేషన్ పేరుతో డబ్బులు వసూలు చేసారని మళ్ళి ఇప్పుడు సంక్రాంతి మామూలు పేరుతో డబ్బులు కట్టమంటన్నారని, ఇలా అయితే పేద ,మధ్య తరగతి వాళ్లు ఎలా బ్రతకాలని ప్రతిపక్షాలు ఆరోపిస్తున్నాయి