నగిరి ఎమ్మెల్యే రోజా, నోటి స్పీడ్ గురించి అందరికీ తెలిసిందే. చంద్రబాబు పై, లోకేష్ పై రాజకీయ వ్యాఖ్యలు కాకుండా, బాడీ షేమింగ్ చేస్తూ, హేళనగా మాట్లాడుతూ ఉంటారు. లోకేష్ ని అయితే, పప్పు పప్పు అంటూ, పదే పదే మాట్లాడుతూ, అసలు నువ్వు మంత్రిగా ఏమి చేసావ్ అంటూ అనేక సార్లు, రోజా ప్రెస్ ముందు ఇష్టం వాచినట్టు మాట్లాడటం చూసాం. ఈ నేపధ్యంలోనే రోజా ఈ రోజు పెట్టిన ఫేసుబుక్ పోస్ట్ చూస్తే, ఆమె లోకేష్ ని ఇన్ డైరెక్ట్ గా పొగిడినట్టు అనిపించింది అంటూ నెటిజెన్ లు కామెంట్ చేస్తున్నారు. అధికారంలోకి వచ్చిన తరువాత, రోజాకి మంత్రి పదవి ఇవ్వకుండా జగన్ షాక్ ఇచ్చారు. అయితే అలిగిన రోజాని బుజ్జగీస్తూ, ఆమెకు ఏపీఐఐసి చైర్మెన్ పదవి ఇచ్చారు జగన్. దీని పై కూడా అనేక విధాలుగా విమర్శలు వచ్చాయి. రోజాకి పెట్టుబడులు తెచ్చే ఏపీఐఐసి చైర్మెన్ లాంటి కీలక పదవి ఎలా ఇస్తారని, ఆమె ఇన్వెస్టర్స్ తో మాట్లాడే సామర్ధ్యం లేదు కదా అని ప్రశ్నించారు.
అయినా ఆమెకు ఏపీఐఐసి పదవి ఇచ్చారు జగన్. ఈ నేపధ్యంలోనే ఆమె, ఈ రోజు ఒక కంపెనీకి భూమి పూజ చేసారు. అది అలాంటి ఇలాంటి కంపెనీ కాదు. టీసిఎల్ అనే పెద్ద ఎలక్ట్రానిక్స్ కంపెనీ. ఇది చైనాలో ఒక పెద్ద కంపెనీ. అయితే ఈ కంపెనీకి ఈ రోజు భూమి పూజ చేస్తూ, రోజా ఒక ఫేస్బుక్ పోస్ట్ పెట్టారు. ఇది ఆమె పోస్ట్ "ప్రపంచ ప్రఖ్యాత కంపెనీ TCL ఆంధ్ర ప్రదేశ్ లో 2,200 కోట్లతో తిరుపతిలో రెండు కంపెనీలు స్థాపించేందుకు ముందుకు వచ్చింది. జగనన్న ఆశీస్సులతో APIIC ఛైర్మన్ గా బాధ్యతలు స్వీకరించాక మొట్ట మొదటి ప్రాజెక్ట్ కు భూమి పూజ చేయడం సంతోషంగా ఉంది." అంటూ ఆమె ఫేస్బుక్ లో పోస్ట్ చేసారు. అయితే ఆమె ఇలా చెయ్యటంతో, నెటిజెన్ లు ఒకేసారి ఆమె పోస్ట్ పై ట్రోల్స్ చెయ్యటం మొదలు పెట్టారు.
దానికి కారణం లేకపోలేదు. టీసిఎల్ అనే కంపెనీ కోసం, అప్పటి ఐటి మంత్రి లోకేష్ ప్రత్యెక శ్రద్ధ పెట్టి, ఎన్నో రాష్ట్రాలు పోటీ పడినా, స్వయంగా చైనా వెళ్లి, వారిని ఒప్పించి, రాష్ట్రంలో పెట్టుబడి పెట్టేలా చేసారు. ఇందుకోసం, తిరుపతిలో 153 ఎకరాలు కేటాయించారు. 22 వేల కోట్ల పెట్టుబడితో, 8 వేల మందికి ఉద్యోగాల కల్పన లక్ష్యంగా, ఈ కంపెనీ ఒప్పందం కూడా చేసుకుంది. డిసెంబర్ 20, 2018లో ఈ కంపెనీ భూమి పూజ కూడా చేసారు. అప్పటి ముఖ్యమంత్రి చంద్రబాబు స్వయంగా పాల్గున్నారు. అయితే, అప్పట్లోనే భూమి పూజ అయిపోయిన కంపెనీకి, ఇప్పుడు మళ్ళీ రోజా భూమి పూజ చెయ్యటం, అలాగే అప్పట్లో పప్పు పప్పు అని హేళన చేసిన లోకేష్ తెచ్చిన కంపెనీని, ఈ రోజు గొప్పగా చెప్తూ, మా జగనన్న ఆశీసులు అని చెప్పటం చూసి, నెటిజెన్లు రోజా పోస్ట్ పై దుమ్మెత్తి పోస్తున్నారు. ఇంత పెద్ద కంపెనీ తెచ్చిన లోకేష్ పప్పు అయితే, అదే కంపెనీని ఈ రోజు తమ ఘనతగా చెప్తున్న రోజాని ఏమనాలని ప్రశ్నిస్తున్నారు.