వైఎస్ జగన్ మోహన్ రెడ్డి పాదయాత్ర చేస్తున్నప్పుడు ``మన ప్లేటులో మనమే బిర్యానీ కావాల్సినంత తిందాం`` అన్నారు. దీనర్థం ఏంటో ఇప్పుడు స్పష్టం అయ్యింది. రాష్ట్రంలో రోడ్లపై పడిన గుంతలు కప్పడానికి నిధుల్లేవు. ఆస్పత్రిలో సూది,దూదికి డబ్బుల్లేవు. జగన్ రెడ్డి సాక్షికి కట్టబెట్టడానికి మాత్రం వందల కోట్లు జనం సొమ్ము తేరగా దొరుకుతోంది. ఇప్పటివరకూ ఇప్పటికే 2.71 లక్షల మంది వలంటీర్లకూ, సచివాలయాలకు, ప్రభుత్వ కార్యాలయాలకు సాక్షి పత్రికని బలవంతంగా వేస్తూ వందల కోట్లు కొల్లగొట్టారు. ఇప్పుడు 1.5 లక్షల మంది సచివాలయ ఉద్యోగులు సాక్షిని అంటగట్టి మరో 100 కోట్లు జనం సొమ్ము జగన్ సాక్షికి మింగేస్తోంది. ఎక్కువ సర్కులేషన్ గల పత్రిక వేయించుకోవాలని ఆదేశాలున్నాయి. అలా అయితే అంతా ఈనాడు వేయించుకోవాలి. కానీ అందరూ సాక్షి వేయించుకుని ఆ బిల్లు పెడితేనే రూ.200 మంజూరు చేస్తారు. ప్రకటనలో రూపంలో తన అక్రమాస్తుల పుత్రిక సాక్షికి వందల కోట్లు దోచిపెట్టిన జగన్ ..ఇప్పుడు సర్క్యులేషన్ కోసం మరో 200 కోట్లు సాక్షికి కట్టబెట్టారు.