యధా నేత తథా అనుచరులు అన్నట్టు, వీళ్ళకి అధికారం లేకపోతేనే వందల కోట్ల స్కాంలు, మర్డర్లు చేస్తున్నారు... పొరపాటున అధికారంలోకి వస్తే ? ఇలాంటి భారీ స్కాం ఇప్పుడు బయట పడింది... 200 కోట్ల భారీ స్కాంలో ప్రతిపక్ష నేత జగన్ అనుచరుడు ప్రకాశం జిల్లా వైకాపా నేత, సైకం రామకృష్ణ రెడ్డి దొరికాడు.. ఆంధ్రప్రదేశ్‌, తెలంగాణ, తమిళనాడు మొదలుకొని ఢిల్లీ వరకూ 28 వేల మంది నుంచి రూ.200 కోట్లు వసూలు చేసి పారిపోయాడు అని, బాధితులు ఢిల్లీ సైబర్‌ వింగ్‌ పోలీసులతోపాటు తెలుగు రాష్ట్రాల డీజీపీలకు ఫిర్యాదు చేశారు.
దర్యాప్తు చేపట్టిన ఢిల్లీ పోలీసులు బిట్‌ కాయిన్‌ పేరుతో వసూళ్లు చేసి బిచాణా ఎత్తేసిన వ్యక్తి ప్రకాశం జిల్లా కనిగిరి ప్రాంతానికి చెందిన సైకం రామకృష్ణారెడ్డి అని గుర్తించారు.
కనిగిరి సమీపంలోని బల్లవరం (వెలిగండ్ల మండలం) గ్రామానికి చెందిన రామకృష్ణారెడ్డి దేశంలోని వివిధ ప్రాంతాల ప్రజల నుంచి ఆన్‌లైన్‌ ద్వారా బిట్‌ కాయిన్‌లో పెట్టుబడులు పెట్టించారు. అందుకు కమీషన్‌ కూడా తీసుకున్న అతడు డిసెంబర్‌ మొదటి వారంలో ఆన్‌లైన్‌ ట్రేడింగ్‌ ఆపేశారు.
ఏమిటని ఆరా తీయగా మన దేశంలో బిట్‌ కాయిన్‌ ఆర్థిక విధానాలను కేంద్రం అనుమతించడం లేదని, ఆదాయపు పన్ను శాఖ దాడులు చేస్తోందని కొన్నాళ్లు ఆగాలని చెప్పారు. ఆ తర్వాత ఫోన్‌ నెంబర్లు ఆఫ్‌ చేశాడు. దీంతో నోయిడాకు చెందిన సుమిత్‌ అతని స్నేహితులు మోసపోయామన్న అనుమానంతో ఢిల్లీ సైబర్‌ పోలీసులకు ఫిర్యాదు చేశారు. ఈ నెల 11న అమీర్‌పేట ప్రాంతంలో ఓ కార్యక్రమానికి హాజరైన విషయం తెలియడంతో హైదరాబాద్‌ పోలీసులకు కూడా ఫిర్యాదు చేశారు. అంతలోనే అక్కడి నుంచి ప్రకాశం జిల్లా కనిగిరి ప్రాంతానికి వచ్చారని తెలుసుకుని బాధితులు అక్కడికి చేరుకున్నారు. కానీ గ్రామంలోని ఆయన అనుచరులు వారిపై ఎదురుదాడికి సిద్ధపడ్డారు. బాధితుల్లో ఎక్కువ మంది ఉత్తరాది వ్యక్తులు కావడంతో వెనక్కి తగ్గి ఏపీ పోలీసులకు ఫిర్యాదు చేశారు.