భారత దేశ అత్యున్నత న్యాయ స్థానం, సుప్రీం కోర్టుకు, కాబోయే చీఫ్ జస్టిస్ పై, ఒక రాష్ట్ర ముఖ్యమంత్రి ఫిర్యాదు చేయటం, ఈ దేశంలోనే సంచలనం. అది మన రాష్ట్రంలో జరగటం, కాబోయే చీఫ్ జస్టిస్ మన రాష్ట్రం వారు కావటం, అలాగే కంప్లైంట్ ఇచ్చింది, మన రాష్ట్ర ముఖ్యమంత్రి కావటం, మన తెలుగు వారు చేసుకున్న దౌర్భాగ్యం అనుకోవాలి. గతంలో పీవీ నరసింహారావు గెలిస్తే ప్రధాని అవుతారని, తెలుగుదేశం పార్టీ పోటీ కూడా పెట్టకుండా, తెలుగు వాడికి ఇచ్చిన గౌరవం చూసిన వారు, ఈ ఘటన చూసి ఆవేదన చెందారు. ఇది పక్కన పెడితే, జస్టిస్ ఎన్వీ రమణ పై, జగన్ మోహన్ రెడ్డి ఫిర్యాదు చేసిన సంగతి తెలిసిందే. జస్టిస్ ఎన్వీ రమణ, హైకోర్టులో ఉన్న ఏడుగురు జడ్జిల పై జగన్ ఫిర్యాదు చేసారు. చంద్రబాబుకి అనుకూలంగా వీళ్ళు తీర్పులు ఇస్తున్నారు అంటూ ఆ ఫిర్యాదులో పేర్కొన్నారు. ఈ ఫిర్యాదు చీఫ్ జస్టిస్ అఫ్ ఇండియా కు చేసారు. ఫిర్యాదులో చంద్రబాబు, జస్టిస్ ఎన్వీ రమణకు లింక్ ఉంది అంటూ, తీవ్ర ఆరోపణలు చేసారు. ఫిర్యాదు పరిశీలించి తగిన విచారణ చేసి, ఆక్షన్ తీసుకోవాలని కోరారు. అయితే జగన్ మోహన్ రెడ్డి ఇలా చేయటం వలన, జస్టిస్ ఎన్వీ రమణ చీఫ్ జస్టిస్ కాకుండా కుట్ర పన్నుతున్నారు అంటూ, పలువురు విశ్లేషించారు. ఇదే విషయం హైకోర్టు ఇచ్చిన ఒక తీర్పులో కూడా వచ్చింది.
రాజకీయ నాయకుల పై కేసులు ఏడాదిలో పూర్తి చేయాలని ఎన్వీ రమణ తీర్పు ఇవ్వగానే, ఆయన్ను టార్గెట్ చేసారు అంటూ, ఆ తీర్పులో కూడా పేర్కొన్నారు. అయితే ఏది ఏమైనా ఒక ముఖ్యమంత్రి ఫిర్యాదు చేయటంతో, ఏమి జరుగుతుందా అని అందరూ ఆసక్తిగా ఎదురు చూస్తున్న సమయంలో, ఈ రోజు జస్టిస్ ఎన్వీ రమణను తదుపరి చీఫ్ జస్టిస్ గా ప్రతిపాదిస్తూ, ప్రస్తుత చీఫ్ జస్టిస్ కేంద్రానికి లేఖ రాసారు. అయితే కొద్ది సేపటి క్రితమే, సుప్రీం కోర్టు నుంచి ఒక ప్రకటన వెలువడింది. జస్టిస్ ఎన్వీ రమణ పై, అక్టోబర్ 2020లో జగన్ మోహన్ రెడ్డి ఇచ్చిన ఫిర్యాదు పై, ఇన్ హౌస్ ఎంక్వయిరీ జరిగిందని, విచారణ జరిగిన అంతరం, ఆ పిటీషన్ ను డిస్మిస్ చేస్తున్నట్టు సుప్రీం కోర్టు తెలిపింది. విచారణలో ఎలాంటి ఆధారాలు లేకపోవటంతో, జగన్ మోహన్ రెడ్డి చేసిన ఆరోపణలు తప్పు అని తేలటంతో, సుప్రీం కోర్టు, ఆ ఫిర్యాదుని డిస్మిస్ చేసింది. దీంతో జగన్ చేసిన ఆరోపణలు అన్నీ తప్పు అని, ఏకంగా సుప్రీం కోర్టు ఇన్ హౌస్ ఎంక్వయిరీ తేల్చింది. ఇప్పటికైనా ఇలా తమకు నచ్చని వాళ్ళ పై బురద చల్లటం ఆపుతారో లేదో.