వైఎస్ జగన్ మోహన్ రెడ్డి, ఆమె చెల్లి వైఎస్ షర్మిల మధ్య మనః స్పర్ధలు ఉన్నాయనే విషయం అందరికీ తెలిసిందే. జగన్ మొహన్ రెడ్డి, షర్మిల ను వాడుకుని వదిలేసారని, షర్మిల పార్టీ కోసం ఎంత కష్టపడినా, ఆమెకు గుర్తింపు రావటం లేదని, షర్మిల తెలంగాణాలో కొత్త పార్టీ పెట్టారని, షర్మిల సన్నిహిత వర్గాలు అంటున్నా, ఇప్పటి వరకు అటు షర్మిల వైపు నుంచి కానీ, ఇటు జగన్ వైపు నుంచి కానీ ఎక్కడా, ఎలాంటి రియాక్షన్ వారి నుంచి బహిరంగంగా రాలేదు. మీడియా షర్మిలను అడుగుతూ ఉండగా, ఆమె దాట వేస్తూ, అది జగన్ నే అడగండి అంటూ సమాధానం ఇచ్చే వారు. ఇక జగన్ మోహన్ రెడ్డి వైపు నుంచి అయితే, ఆయన ఎలాగూ మాట్లాడడు, ఆయన మీద వచ్చిన ఆరోపణలకే సమాధానం చెప్పడు, ఇంకా ఆయన ఈ విషయం పై మీడియాతో ఏమి మాట్లాడతారు. అయితే ఈ రోజు షర్మిల బయట పడిపోయారు. అందరూ చూస్తూ ఉండగా, ఆమె ఇచ్చిన రియాక్షన్ అందరికీ షాక్ ఇచ్చింది. పక్కనే విజయమ్మ ఉన్నా, షర్మిల చేసిన వ్యాఖ్యలు, విజయమ్మ రియాక్షన్ షాక్ ఇచ్చింది. ఇక విషయానికి వస్తే ఈ రోజు షర్మిల, హైదరాబాద్ ఇందిరా పార్క్ దగ్గర ఉన్న ధర్నాచౌక్‌లో దీక్ష చేస్తున్నారు. తెలంగాణా రాష్ట్ర ప్రభుత్వానికి వ్యతిరేకంగా, ఉద్యోగాల భర్తీ కోసం అని, షర్మిల ఈ రోజు దీక్ష చేస్తున్నారు.
ఈ దీక్షలో విజయమ్మ కూడా పాల్గున్నారు. అయితే ఈ రోజు ఒక ఆసక్తికర ఘటన చోటు చేసుకుంది. షర్మిల దీక్షా శిబిరంలో, మీడియా కెమెరాలు అడ్డుగా వచ్చాయి. దీంతో షర్మిల స్వయంగా ఆ మీడియా చానల్స్ వారిని పక్కకి తప్పుకోమని చెప్పారు. ఈ సందర్భంగా సాక్షి మీడియా అక్కడే ఉండగా, ఇంకా చాల్లే వెళ్లమ్మ, మాకు ఎలాగూ మీ సాక్షిలో కవరేజ్ ఉండదుగా అంటూ, బహిరంగంగా సాక్షి పై వ్యాఖ్యలు చేసారు. దీంతో పక్కనే ఉన్న విజయమ్మ ముందు షాక్ తిన్నా, తరువాత షర్మిల చేతి మీద చేత్తో తట్టారు. అయినా షర్మిల ఆపలేదు. దీంతో ఇప్పటి వరకు షర్మిల, జగన్ మధ్య ఏదో ఉంది అంటూ, వస్తున్న ఆరోపణలకు, బలం చేకూరినట్టు అయ్యింది. ఎందుకుంటే సాక్షి అంటే జగన్, జగన్ అంటే సాక్షి అనేలా, అందులో వార్తలు ఉంటాయి. జగన్ భార్య భారతి స్వాయంగా సాక్షి చూసుకుంటూ ఉంటారు. దీంతో ఇప్పుడు షర్మిల చేసిన ఈ వ్యాఖ్యలతో, బహిరంగంగా అసహనం వ్యక్తం చేయటంతో, జగన్ కు, షర్మిల కు మధ్య ఉన్న వైరం నిజమే అనే విధంగా అర్ధమవుంది.