ఈ రోజు సోము వీర్రాజు అల్లుడు పై కేసు పెట్టరు అంటూ వార్తలు వచ్చాయి. అయితే ఈ విషయం పై సోము వీర్రాజు కుమార్తె స్పందించారు. సోము వీర్రాజు కుమార్తె సూర్యకుమారి మాట్లాడుతూ, సోము వీర్రాజుకి తమకు అసలు ఎలాంటి సంబంధ బాంధవ్యాలు అనేవి లేవని అన్నారు. కేవలం ఆయన్ను రాజకీయంగా ఎదుర్కోవటానికి, ఆయన రాజకీయ ఎదుగుదల చూసి కుట్రతోనే, ఇలా చేసారని అన్నారు. జరిగిన విషయం తమకు సంబంధించినది అని, దానికి వీర్రాజు గారి అల్లుడు అని చెప్పటం కరెక్ట్ కాదని అన్నారు. ఆర్ధిక లావాదేవాలు అయితే ఉన్నాయని, అవి వ్యాపార లావాదేవీలు అని అన్నారు. మా భర్తకు జరిగిన వ్యాపార లావాదేవీలు అని, ఈ విషయంలో కేసు పెట్టారని కూడా తమకు ఇప్పుడే తెలిసిందని అన్నారు. అయితే ఇందులో సోము వీర్రాజు పేరుని తేవటం పై తమకు అనుమానాలు ఉన్నాయని అన్నారు. తన తండ్రికి తమకు అసలు సంబంధం లేదని, పెళ్లి అయిన దగ్గర నుంచి, ఆయన మా ఇంటికి కూడా రాలేదని అన్నారు. మా తండ్రికి, ఈ వ్యవహారానికి అసలు సంబంధం లేదని అన్నారు. సోము వీర్రాజు కూతురుగా చెప్తారు కానీ, అసలు తమకు, ఆయనకు సంబంధాలు లేవని అని అన్నారు. ఇది కేవలం రాజకీయంగా జరిగిన విషయం అని అన్నారు. పోయిన నెలలో కేసు నమోదు చేస్తే, ఇప్పుడు బయటకు తేవటం, సోము వీర్రాజు పేరుని తేవటం, రాజకీయ కుట్రే అని ఆమె అన్నారు.