ఆంధ్రప్రదేశ్ స్పీకర్ తమ్మినేని ఎప్పుడు మీడియా ముందుకు వచ్చి మాట్లాడిన ఏదో ఒక అనుచిత వాఖ్యలు చేసి సోషల్ మీడియాలో హైలైట్ అవుతూ ఉంటారు. అలాగే నిన్న శ్రీకాకుళంలో తమ్మినేని సీతారామ్ మాట్లాడిన మాటలు సోషల్ మీడియాలో తెగ వైరల్ అవుతున్నాయి. ఒక మీటింగ్లో మాట్లాడిన ఆయన మీ అందరూ సపరేట్ పంచాయితి కావాలని డిమాండ్ చేస్తే జంగాలవలసను ఆమోదించాము. జంగాలవలస అయితే జనాభా ఎక్కువ, అదే కాకుండా అది సెంటర్లో ఉంది, కాబట్టి అన్నిటికి అనువుగా ఉంటుంది అని చెప్పుకొచ్చారు. మాకు అందరూ సమానమే, జంగాలవలస గ్రామానికి మధ్యలో ఉంది కాబట్టే, అందరికి సానుకూలంగా ఉంటుందని చెప్పుకొచ్చారు. అయితే ఈయన మాట్లాడిన ఈ వీడియోను సోషల్ మీడియాలో తెగ ట్రోల్ చేస్తున్నారు. పంచాయితీ అయితే సెంటర్లో ఉండాలని చెప్పిన ఈయనకు రాష్ట్ర రాజధాని ఎక్కడ ఉండాలో తెలియదా అని తెలుగు దేశం అభిమానులే కాదు , సామన్య ప్రజలు సైతం ఏకిపరేస్తున్నారు. ఎక్కడో మారుమూలన ఉండే పంచాయితీకి ఇచ్చే విలువ మీరు రాష్ట్ర భవిషత్తు కు కారణమైన రాజధానికి ఇచ్చుంటే, ఈ రాష్ట్రంలో ఎలాంటి ఇబ్బంది ఉండేది కాదని, ఎంతో మంది నిరుద్యోగులకు బాటలు వేసే వారని కూడా కామెంట్ చేస్తున్నారు.
వాస్తవంమాట్లాడాలంటే గత మూడేళ్ళ నుంచి AP కి రాజధాని ఏది అనే ప్రశ్నకు ఈ వైసిపి ప్రభుత్వం దగ్గర సమాదానం లేదు, ఈలాంటి ఘనత మన రాష్ట్రానికే దక్కింది అనటంలో సందేహమే లేదు. తమ్మినేని చెప్పిన మాటల ప్రకారం చూసుకుంటే మన అమరావతి కూడా అటు వైజాగ్ కు ఇటు వైపు అనంతపురానికి కూడా మధ్యలోనే ఉంది కదా ? అందరికి కూడా అనుకూలంగా ఉంటుంది కదా ? మరి అమరావతిని రాజధానిగా ఒప్పుకోవటానికి వైసిపి ప్రభుత్వానికి వచ్చిన ఇబ్బంది ఏమిటో అని కూడా ప్రశ్నిస్తున్నారు. పైగా చంద్రబాబు ముఖ్యమంత్రిగా ఉన్నప్పుడే అమరావతిలో కొంతవరకు అభివృద్ధి పనులు చకచక జరిగిపోయాయి. మరి అమరావతిని ఎందుకు ప్రకటించరని తెలుగు తమ్ముళ్ళు ప్రశ్నిస్తున్నారు. గతంలో జగన్ మోహన్ రెడ్డి కూడా, రాజధాని అనేది సెంట్రల్ గా లోకేట్ అయి ఉండాలని, ఒక అసెంబ్లీ, ఒక సెక్రటేరియట్, ఒక హైకోర్టు, ఈ మూడు ఎక్కడ ఉంటే, అదే రాజధాని అని జగన్ మోహన్ రెడ్డి గతంలో చెప్పిన సంగతి తెలిసిందే.