కరోనా వైరస్ విజ్రుంబిస్తుంది. ప్రపంచం అంతా, అతలాకుతలం అయిపోతుంది. అమెరికా లాంటి దేశాలు కూడా వణికిపోతున్నాయి. మన దేశంలో, గత మూడు రోజుల నుంచి, ఆందోళన కర పరిస్థితులు ఏర్పడ్డాయి. దీంతో, కేంద్రంతో పాటు, రాష్ట్ర ప్రభుత్వాలు కూడా అప్రమత్తం అయ్యాయి. అన్ని రాష్ట్రాలు జాగ్రత్తలు తీసుకుంటున్నాయి. చాలా వరకు పుబ్లిక్ గుమికూడ కుండా ఎక్కడిక్కడ షట్ డౌన్ చేస్తున్నారు. అయితే ఇదే సందర్భంలో, కరోనాని చిన్నది చేసి చూపించే ప్రయత్నం చేస్తున్నారు జగన్ మోహన్ రెడ్డి. కరోనా వల్ల పెద్దగా ఆందోళన చెందాల్సిన అవసరం లేదని, ఎన్నికలు వాయిదా వెయ్యటం పై కుట్ర ఉంది అంటూ, నిన్న గోల గోల చేసారు. ఈ రోజు ఇదే విషయం పై సుప్రీం కోర్ట్ లో కేసు వేసారు. కరోనా సాకుగా చూపి, ఎన్నికలు వాయిదా వేసారని, అలా కాకుండా, ఎన్నికలు వెంటనే జరిపేలా చూడాలని కోర్ట్ ని కోరారు. జస్టిస్ లలిత్‌ ధర్మాసనం ముందు, ప్రభుత్వం ఈ విషయం ప్రస్తావించింది. దీంతో రేపటి కేసుల జాబితాలో చేర్చాలని సుప్రీంకోర్టు రిజిస్ట్రార్‌ను ఆదేశించారు.
అయితే ఇది జరిగింది మాత్రం ఉదయం. సాయంత్రానికి వచ్చే సరికి, సుప్రీం కోర్ట్ ఒక నోటీసు ఇచ్చింది. అందులో, 17వ తేదీన కరోనా వల్ల, కోర్ట్ లో ఎలాంటి హియరింగ్ ఉండదు అని స్పష్టం చేసింది. దీంతో, ఏపి ప్రభుత్వం షాక్ తింది. ఇక మరో పక్క, వెస్ట్ బెంగాల్, మహారాష్ట్రలో కూడా ఆయా స్టేట్ ఎన్నికల కమిషన్ లు, స్థానిక ఎన్నికలు వాయిదా వేసాయి. కరోనా తగ్గిన తరువాత ఎన్నికలు జరుపుతాం అని చెప్పారు. దీంతో ఇక్కడ కూడా జగన కు ఎదురు దెబ్బ అనే చెప్పాలి. రేపు కోర్ట్ లో కనుక వాదనలు వినిపిస్తే, ఈ విషయం ప్రస్తావించే అవకాసం ఉంటుంది. అదీ కాక, షన్ సింగ్ తోమర్‌ వర్సెస్‌ మున్సిపల్‌ కార్పొరేషన్‌ ఆఫ్‌ ద సిటీ ఆఫ్‌ అహ్మదాబాద్‌ కేసులో సుప్రీంకోర్టు, ఇది వరుకే, ఈ విషయం పై తీర్పు ఇచ్చింది.
ఆరోగ్య అత్యవసర పరిస్థితులు ఉత్పన్నమైనప్పుడు ఎన్నికల్ని వాయిదా వేసే అధికారం ఎస్‌ఈసీకి ఉందని ఆ తీర్పులో స్పష్టం చేసింది. ఇవన్నీ జగన్ కు ఎదురు అయ్యే అవకాశమే ఉంది. అయినా కూడా, సహజంగా ఎన్నికల కమిషన్ నిర్ణయాల్లో, కోర్ట్ లు కూడా జోక్యం చేసుకోవు. మరి ఈ విషయంలో కూడా జోక్యం చేసుకునే అవకాసం లేదు. ఇది ఇలా ఉంటే, మన రాష్ట్ర హైకోర్ట్ లో కూడా రేపటి నుంచి కరోనా పై జాగ్రత్తలు తీసుకోవాలని, ఆదేశాలు ఇచ్చారు, చీఫ్ జస్టిస్. హైకోర్టుకు వచ్చేవారికి స్క్రీనింగ్ టెస్టులు నిర్వహించాలని, ఈ నెల 30 వరకు ఇలా చెయ్యాలని, టెస్ట్ లు చేసిన తరువాతే లోపలకు అనుమతించాలని చెప్పారు. ఇక అలాగే, కరోనా వైరస్ ప్రభావంతో స్థానిక ఎన్నికల ప్రక్రియను ఆరు వారాలపాటు వాయిదా వేసిన రాష్ట్ర ఎన్నికల సంఘం నిర్ణయాన్ని సవాల్ చేస్తూ లాయర్లు వేసిన పిటిషన్ పై హైకోర్టు విచారణ చేపట్టింది. తదుపరి విచారణను ఈనెల 19కి వాయిదా వేసింది.