మన రాష్ట్రంలో మోస్ట్ పవర్ ఫుల్ స్వామి విశాఖ స్వరూపానంద స్వామి. మన రాష్ట్రంలోనే కాదు, పక్కునున్న తెలంగాణా రాష్ట్ర ప్రభుత్వ పెద్దలకు కూడా ఈయన చాలా కావాల్సిన వారు. ఇక జగన్ మోహన్ రెడ్డి గారికి, స్వరూపానంద అంటే ఎంత ఇష్టమో అందరికీ తెలిసిందే. ఆయన కోసం మూడు నాలుగు సార్లు, ముఖ్యమంత్రి హోదాలోనే ఆశ్రమానికి వెళ్లి కలిసారు. ఇక విశాఖ స్వరూపానంద స్వామి వారు అయితే, తాను జగన్ మోహన్ రెడ్డి గెలవటం కోసం, పూజలు చేసాను అని చెప్పేంత సానిహిత్యం ఉండి. ఇంకేముంది, విశాఖ స్వరూపానంద స్వామి వారు అడిగినా, అడగక పోయినా, రాష్ట్ర ప్రభుత్వం ఏది కావాలి అంటే అది చేసి పెడుతుంది. తాజాగా రాష్ట్ర ప్రభుత్వం ఇచ్చిన గెజిట్ జీవో చూసి, అందరూ షాక్ అయ్యారు. విశాఖ స్వరూపానంద స్వామికి చెందిన ఒక చిన్న ఓమ్ని బస్‌ కోసం మూడేళ్ళ పాటు పన్ను మినహాయంపు ఇస్తూ, రాష్ట్ర ప్రభుత్వం జీవో ఇచ్చింది. మాములుగా అయితే, ప్రజా రవాణా వాహనాలకు సంబంధించి, అందులోని సీట్ల సంఖ్యను బట్టి, ముందు నెలలకు ఒకసారి పన్నులు కట్టాల్సి ఉంటుంది. సీటుకి ఇంత అని టాక్స్ కాట్టాలి. అయితే ఈ పన్నును స్వరూపానంద స్వామికి చెందిన ఒక ఓమ్ని బస్‌కు మూడేళ్ళ పాటు మినహాయింపు ఇచ్చి, రాష్ట్ర ప్రభుత్వం అందరినీ షాక్ కు గురి చేసింది.
స్వరూపానంద ఆశ్రమం అంటే, బాగా రిచ్ ఆశ్రమం అని పేరు. పెద్ద పెద్ద నాయకులు, ఏకంగా ముఖ్యమంత్రులు వెళ్లి ఆశీర్వాదం తీసుకునే స్వామి వారికి, వాహనానికి పన్ను మినహాయింపు ఇవ్వటం పై అందరూ షాక్ తిన్నారు. కనీసం ఒక చిన్న మినీ వ్యాన్ కు, పన్ను కూడా కట్టుకోలేరా అని పలువురు వాపోతున్నారు. అయితే ఇందులో పండిట్లను మాత్రమే రవాణా చేస్తారాని, అందుకే మినహయింపు ఇచ్చినట్టు చెప్తున్నారు. విడుదల చేసిన గెజిట్ నోటిఫికేషన్ లో కూడా ఇదే విషయం స్పష్టం చేసారు. పండిట్లను మాత్రమే తిప్పాలని, అందులో షరతు పెట్టారు. అయితే స్వరూపానంద ఆశ్రామం ఈ మినాహయింపు కోరిందా ? లేక జగన్ మోహన్ రెడ్డి ప్రభుత్వమే ఇది ఇచ్చిందో తెలియదు కానీ, మొత్తానికి ఈ ఉత్తర్వులు ఇప్పుడు సోషల్ మీడియాలో వైరల్ అయ్యాయి. గతంలో కూడా ఇలాంటి అనేక ఉత్తర్వులు స్వరూపానంద విషయంలో వివాదాస్పదం అయ్యాయి. తాజాగా వచ్చిన ఈ గెజిట్ నోటిఫికేషన్ కూడా ఇప్పుడు వైరల్ అయ్యింది. ఇది ఎంత వరకు వెళ్తుందో చూడాలి మరి.