రాజకీయ నాయకులు పొరపాటున మాట్లాడటం చాలా సహజం. అయితే ఈ సోషల్ మీడియా పుణ్యమా అని అవి ట్రోల్ అవ్వటం, వైరల్ అవ్వటం నిరంతర ప్రక్రియ అయిపొయింది. దీనికి ప్రధాన కారణం, తమ ప్రత్యర్ధులను హేళన చేస్తూ వీడియోలు చేయటం, దానికి వీళ్ళే తప్పు మాట్లాడుతూ దొరికిపోవటంతో, అవతల పార్టీ వాళ్ళు వైరల్ చేయటం, ఇవన్నీ సర్వ సాధారణం అయిపోయాయి. రెండు రోజుల క్రితం స్పీకర్ తమ్మినేని వీడియోలు కూడా ఇలాగే వైరల్ అయ్యాయి. ఆయన పొరపాటుగా మాట్లాడారో లేదో కానీ, ఆ వీడియో చూస్తుంటే మాత్రం, తమ్మినేని కాన్ఫిడెంట్ గా పాఠాలు చెప్తున్నట్టు ఉంది. ఆయన మాట్లాడుతూ, మన చుట్టూ ఆక్సిజన్ లెవెల్స్ తగ్గిపోతున్నాయని, దానికి ప్రధాన కారణం చెట్లు లేకపోవటం అని, చెట్లు బాగా ఉంటే ఆక్సిజన్ బాగా ఉంటుందని, చెట్లు లేక, ఆక్సిజన్ లేక, కరోనా మరణాలు ఎక్కువగా ఉన్నయాని, అందులే చెట్లు పెంచాలని అన్నారు. అంతే కాదు చెట్లు ఎలా ఉపయోగపడతాయో చెప్తూ, చెట్లు పెంచుకుంటూ పొతే ఆక్సిజన్ పీల్చుకుని, కార్బన్ డైఆక్సైడ్ బయటకు వడిచి పెట్టి, మేఘావృతం అయ్యి, మనకు వర్షం కురవటానికి ఉపయోగ పడుతుందని, అప్పుడే మనం పంటలు పనించుకోగలం అని, భూమి పులకరించాలి అంటే, తొలకరి జల్లు కురవాలని అన్నారు.
ఆ తొలకరి జల్లు రావాలి అంటే, చెట్లు వదిలే కార్బన్ డైఆక్సైడ్ బయటకు వచ్చి మేఘావృతం అయ్యి, వర్షం పడుతుందని అన్నారు. అయితే ఈ వీడియో విపరీతంగా సోషల్ మీడియాలో వైరల్ అయ్యింది. ఎక్కడ చూసినా ఇదే వీడియో ట్రోల్ అవుతూ ఉండటంతో, స్పీకర్ తమ్మినేని స్పందించారు. ఆయన తీవ్ర ఆగ్రహం వ్యక్తం చేసారు. నేను ఏదో పొరపాటుగా మాట్లాడితే, దాన్ని సోషల్ మీడియాలో వైరల్ చేయటం అవసరమా అంటూ ప్రశ్నించారు. తాను పొరపాటున మాట్లాడిన మాటలు వైరల్ చేసే వాళ్ళు, మొక్కలు నాటి, ఏ ప్రచారం చేసుకున్నా సంతోషిస్తానని స్పీకర్ అన్నారు. ఇక అదే విధంగా వైసీపీ నాయకురాలు, లక్ష్మీ పార్వతి ప్రెస్ మీట్ కు వైరల్ అయ్యింది. తెలుగు, సంస్కృతం భాషల గురించి వర్ణిస్తూ, తెలుగు సంస్కృతం భాషలు రెండు పేక ముక్కల్లా కలిసిపోయాయి అంటూ, సంచలన వ్యాఖ్యలు చేసారు. అసలు భాషని పేక ముక్కలతో పోల్చటం ఏమిటో ఎవరికీ అర్ధం కాలేదు. మొత్తానికి, గతంలో టిడిపి నేతలు మాట్లాడితే హేళన చేసిన వైసిపీ నేతలకు, ఇప్పుడు వేడి తగులుతుంది.