భారత దేశంలోనే కాదు, మన రాష్ట్రంలో, అనేక రాష్ట్రాల్లో రాజకీయ పార్టీల పొత్తులు అనేవి సర్వ సాధారణం. మన రాష్ట్రానికి వస్తే, గత 30 ఏళ్ళలో తెలుగుదేశం పార్టీ, ఎక్కువగా బీజేపీతో కలిసి వెళ్ళింది, 2014లో జనసేన తోడయ్యింది. కాంగ్రెస్ పార్టీ ఎక్కువగా కమ్యూనిస్ట్ లతో, మజిలీస్ పార్టీతో కలిసి ఎన్నికలకు వెళ్ళేది. 2004లో టీఆర్ఎస్ తో కలిసి ఎన్నికలకు వెళ్ళింది. అప్పట్లో రాజశేఖర్ రెడ్డి ముఖ్యమంత్రి. చివరకు కేసీఆర్ పార్టీని తన క్యాబినెట్ లో కూడా పెట్టుకున్నాడు రాజశేఖర్ రెడ్డి. గత కొన్ని రోజులుగా, తెలుగుదేశం పార్టీ, జనసేన పొత్తు పెట్టుకుంటాయి అని పెద్ద ఎత్తున వార్తలు వస్తున్నాయి. ఈ వార్తలు వస్తున్న దగ్గర నుంచి, వైసీపీలో వణుకు మొదలైంది. టిడిపి-జనసేన కలిస్తే, వైసీపీకి వచ్చిన ఇబ్బంది ఏమిటో తెలియదు కానీ, తెగ కంగారు పడి పోతుంది. జనసేన పార్టీకి పడే ఓటింగ్, చాలా వరకు తెలుగుదేశం పార్టీదే ఉంటుంది. అందుకే టిడిపి ఓటు చీల్చే జనసేన పార్టీ విడిగానే ఉండాలని, టిడిపితో కలిస్తే తమకు ఇబ్బందని, ఇద్దరి ఓటు ఒకటై, తమ ప్రభుత్వ వ్యతిరేక ఓటు ఇద్దరూ కలిసి తీసుకుంటే, తమ పని అయిపోతుంది అని జగన్ భావిస్తున్నారు. అందుకే టిడిపి-జనసేన పొత్తు అంటూ వార్తలు వస్తున్న దగ్గర నుంచి, వైసిపి వణికిపోతుంది.
ఈ పొత్తుని ఎలాగైనా బ్రేక్ చేయాలని, రెచ్చగొట్టటం మొదలు పెట్టింది. పొత్తు పెట్టుకుంటే తప్పు అయినట్టు, మీకు దమ్ము లేదు, సింగల్ గా రావాలి, గుంపుగా ఎందుకు, ఒక్కరే పోటీ చేసే దమ్ము లేదా ? ఇలా వైసీపీ నాయకులు రెచ్చగొడుతూ,పొత్తు ఎదో పాపం అన్నట్టు మాట్లాడుతున్నారు. నిజానికి జగన్ మోహన్ రెడ్డి, ప్రశాంత్ కిషోర్ లేకుండా రాగలడా ? దీనికి వైసీపీ దగ్గర జవాబు లేదు. ఇక బీజేపీలోని ఒక వర్గం ఏమి తక్కువ కాదు. పవన్ కళ్యాణ్ ని సియం క్యాండిడేట్ చేస్తాం, మాకు ఎవరితో పత్తు ఉండదు అని వీళ్ళే ప్రకటిస్తున్నారు. రెండు పార్టీలు కలిసి అటు పవన్ మీద ఒత్తిడి తెస్తూ, ఇటు టిడిపిని రెచ్చగొడుతూ, టిడిపి-జనసేన కలవకుండా, ప్రభుత్వ వ్యతిరేకత ఓటు చీలి, మళ్ళీ జగన్ మోహన్ రెడ్డి సియం అవ్వాలి అనే ఉద్దేశంతో, వైసీపీ, బీజేపీలోని ఒక వర్గం గట్టిగా ప్రయత్నాలు చేస్తున్నాయి. డైరెక్ట్ గా పొత్తు పెట్టుకుని ప్రజలలోకి వెళ్తే తప్పు ఎలా అవుతుంది ? చీకటి ఒప్పందాలు చేసుకుని, డబ్బులతో కులాల మధ్య తగువులు పెట్టే వారిని పెట్టుకుంటే తప్పు కానీ ?