అవిశ్వాస తీర్మానంపై చర్చ సందర్భంగా టీడీపీ ఎంపీ గల్లా జయదేవ్ స్పీచ్ అయిపోయిన తరువాత, ప్రధాని మోదీని ఉద్దేశించి మోడీ ‘మోసగాడు’ అంటూ తెలుగుదేశం ఎంపీలు నినాదాలు చేసారు. అయితే ఆ సమయంలో ఆ మాటలు మైక్ లో వినిపించలేదు. ఎవరికీ టీవీల్లో ఆ మాటలు వినిపించలేదు. అయితే, కేంద్రం మంత్రి నిర్మలా సీతారామన్ పుణ్యమా అని, ఈ విషయం అందరూ టీవీలలో చూసి ప్రజలు తెలుసుకున్నారు. మోడీని మోసగాడు అని ఎంపీలు అంటున్నారు అని, అనే పదాన్ని ఉపయోగించారని, ఆ పదాన్ని రికార్డుల నుంచి తొలగించాలని బీజేపీ ఎంపీలు సభలో ఆందోళన చేశారు. రక్షణ శాఖ మంత్రి నిర్మలా సీతారామన్ ప్రధానిని అలా అనడంపై తీవ్ర అభ్యంతరం వ్యక్తం చేశారు. ఆ పదాన్ని వెంటనే రికార్డుల నుంచి తొలగించాలని డిమాండ్ చేశారు.
గౌరవనీయ పదవిలో ఉన్న ప్రధానిని మోసాగాడు అంటారా, ఏపికి ఏమి చేసామో మాకు తెలుసు. ఆ పదాన్ని వెనక్కు తీసుకోండి, లేకపోతే రికార్డు ల నుంచి తొలగించాలి అని స్పీకర్ ను నిర్మలా కోరారు. దీనికి స్పందించిన స్పీకర్ రికార్డు లకు ఎక్కితే, పరిశీలించి తొలగిస్తాం అన్నారు. నిజానికి ఈ మాట అన్నట్టు, ఎవరికీ తెలియదు. నిర్మలా సీతరామన్ చెప్పిన తరువాత, మోడీ ముందే, మోడీని మోసగాడు అని తెలుగుదేశం ఎంపీలు ధైర్యంగా అన్నట్టు, అందరికీ తెలిసింది. ఇదే విషయం పై తెలుగుదేశం శ్రేణులు కూడా, నిర్మలాకు థాంక్స్ చెప్తున్నాయి.