ఆంధ్రప్రదేశ్‌కు చెందిన నిర్మాణ సంస్థ రామకృష్ణ హౌజింగ్‌ మంగళగిరిలోని ఖాజా గ్రామంలో రామకృష్ణ టెక్నో టవర్జ్‌ పేరిట అధునాతన వాణిజ్య సముదాయాన్ని నిర్మిస్తోంది... 11 లక్షల చ.అ.ల్లో 25 అంతస్తుల్లోని ఈ భవన సముదాయంలో 500 చ.అ. నుంచి 20 వేల చ.అ. స్థలాన్ని కొనుగోలు చేసుకోవచ్చు, లేకపోతే రెంట్ కు తీసుకోవచ్చు. 973 కార్లు పెట్టుకునే విధంగా 5 హై లెవల్స్‌ పార్కింగ్, 18 ఎలివేటర్స్, ఫిట్‌నెస్, లైఫ్‌ స్టయిల్‌ సెంటర్స్, ఫుడ్‌ కోర్ట్స్, రెస్టారెంట్లు, షాపింగ్‌ కేంద్రాలతో పాటూ ఈ ప్రాజెక్ట్‌లో ఆధునిక ఫర్నీచర్, లైటింగ్, ఔట్‌డోర్‌ వ్యూ, హై స్పీడ్‌ ఇంటర్నెట్‌ వంటి అన్ని రకాల వసతులను కల్పిస్తున్నారు..
అయితే, ఈ ప్రాజెక్ట్ మొదలు పెట్టటానికి ప్రధాన కారణం, ఆంధ్రప్రదేశ్ ప్రభుత్వం ప్రవేశపెట్టిన DTP Policy... దీని ప్రకారం, మొదటి మూడు సంవత్సరాలకు ప్రభుత్వమే, ఈ ఐటి కంపనీలకు అద్దె చెల్లిస్తుంది... ఐటి కంపెనీలను ప్రోత్సహించటానికి ప్రభుత్వం ఈ పాలసీ తీసుకుంది... దానికి అనుగుణంగా, ఈ వెంచర్ మొదలు పెట్టారు... ప్లగ్ అండ్ ప్లే, వాక్ తో వర్క్, రెంటల్ గ్యారెంటీతో, ఇక్కడ ఐటి కంపెనీలు మొదలు పెట్టుకోవచ్చు...
రామకృష్ణ టెక్నో టవర్జ్‌, అధినేత రామకృష్ణ చెప్పిన ప్రకారం, హైదరాబాద్ కు హై టేక్ సిటీ ఎలా ఉందో, మన అమరావతిలో అలాంటి టవర్ నిర్మాణం కోసం, ఇది చేపట్టామని, ప్రభుత్వం కూడా ఐటి ని ఇక్కడ ప్రోత్సహిస్తుంది కాబట్టి, ఇక్కడ ఈ టవర్స్ నిర్మాణం చేపడుతునట్టు చెప్పారు... అక్టోబర్ 2017లో పనులు మొదలు పెట్టామని, పనులు వేగంగా జరుగుతున్నాయని, నవంబర్ 2018 నాటికి ప్రభుత్వానికి అప్పచేప్తామని చెప్పారు... ప్రభుత్వం ప్లగ్ అండ్ ప్లే కోసం, ప్రభుత్వం డిజైన్ ఫైనల్ చేస్తున్నారని, దాదాపు 100 కంపనీలు ఈ టవర్ లో వస్తాయని, 10 వేల మందికి ఉద్యోగాలు వస్తాయని, ఇప్పటికే 80 శాతం కంపెనీలు ఇప్పటికే బుక్ చేసుకున్నట్టు చెప్పారు...