ఆంధ్రప్రదేశ్ - తెలంగాణా రాష్ట్రాలు విడిపోయిన సందర్భంలో, హైదరాబాద్ రాష్ట్రాన్ని పదేళ్ళ పాటు ఉమ్మడి రాజధానిగా చట్టంలో పెట్టారు. అయితే మనకంటూ ఒక రాజధాని అవసరం అని భావించిన చంద్రబాబు, 2015లో అమరావతి నిర్మాణం మొదలు పెట్టారు. అప్పటి వరకు హైదరాబాద్ నుంచి పని చేసిన సచివాయలంతో పాటుగా, ఇతర శాఖలు అన్నీ నెమ్మదిగా అమరావతి వచ్చేసాయి. అయితే హైదరాబాద్ లో మన ఆంధ్రప్రదేశ్ రాష్ట్రానికి ఉన్న భావనలు అన్నీ మన హ్యాండ్ ఓవర్ లోనే ఉండేవి. పదేళ్ళ వరకు మనకు హక్కు ఉండటంతో, ఆ భవనాలు వాడుకుంటూ ఉండేవారు. అయితే చంద్రబాబు ఉండగా, ఆ భవనాలు తీసుకోవాలని కేసీఆర్ చేసిన ప్రయత్నం ఫలించలేదు. తరువాత చంద్రబాబు ఓడిపోయి, జగన్ మోహన్ రెడ్డి ముఖ్యమంత్రి అయ్యారు. అయితే ప్రమాణస్వీకారం కూడా అవ్వకుండానే, క్యాబినెట్ భేటీలో కనీసం నిర్ణయం తీసుకోకుండానే, హైదరాబాద్ లో ఆంధ్రప్రదేశ్ రాష్ట్రం హ్యాండ్ ఓవర్ లో ఉన్న సచివాలయం భవనాలు, తెలంగాణాకు ఇచ్చేసారు. ఇక తెలంగాణా నుంచి రావలసిన 5 వేల కోట్లు విద్యుత్ బకాయల పై సౌండ్ లేదు, అలాగే ఇంకా చాలా అంశాల పై సౌండ్ లేదు. ఇంతలా జగన్ మోహన్ రెడ్డి, కేసీఆర్ కు సహకారం అందిస్తున్నా, కేసీఆర్ మాత్రం ఇష్టం వచ్చినట్టు చేస్తున్నారు.
గత 20 రోజులుగా ఇరు రాష్ట్రాల మధ్య జల జగడం చూస్తూనే ఉన్నాం. ఇది ఉత్తుత్తి గొడవో, లేకపోతే ఏమిటో తెలియదు కానీ, మొత్తానికి ఇది చర్చలో పెట్టారు. అయితే ఇక్కడ కూడా తెలంగాణా ఇష్టం వచ్చినట్టు చేస్తుంటే, ఏపి మాత్రం లేఖల దగ్గరే ఉండి పోయింది. ఇది ఇలా ఉంటే ఇప్పుడు తెలంగాణా మరో షాక్ ఇచ్చింది. హైదరాబాద్ లో ఆంధ్రప్రదేశ్ రాష్ట్రానికి [పొల్యూషన్ కంట్రోల్ బోర్డు కార్యాలయం ఉంది. అయితే ఇదే భవనంలో తెలంగాణాకు కూడా ఉంది. రెండు అంతస్తుల్లో తెలంగాణాకు ఉంటే, మరో రెండు అంతస్తుల్లో ఏపికి ఉంది. అయితే ఈ కార్యాలయాన్ని ఏపికి తరలించినా, ఇది ఇంకా ఏపి హ్యాండ్ ఓవర్ లోనే ఉంది. అప్పుడప్పుడు అధికారులు వచ్చి తమ కార్యకలాపాలు చేసుకుని వెళ్తారు. అయితే ఈ బిల్డింగ్ కు ఉన్నట్టు ఉండి తెలంగాణా ప్రభుత్వం సీల్ వేసింది. ఈ ఆఫీస్ ని ఏపి ప్రభుత్వం మానవ హక్కుల కమిషన్‌కు ఇస్తుందని, అలా కుదరదు అంటూ, ఏపి హ్యాండ్ ఓవర్ లో ఉన్న బిల్డింగ్ కు, తెలంగాణా అధికారులు సీల్ వేసారు. మరి దీని పై ఏపి ప్రభుత్వం ఏమి చేస్తుందో చూడాలి.