ఏపీ ప్రభుత్వ డాటా చోరీకి గురయిందని.. ఆ ప్రభుత్వానికే తెలియకుండా.. సొంతంగా కేసు నమోదు చేసేసుకుని.. ఏకంగా ఆ ప్రభుత్వంపైనే కేసు పెడతామనే వాదన వినిపిస్తున్న తెలంగాణ రాష్ట్రంలో.. ప్రజల వ్యక్తిగత సమాచారం.. మొత్తం... విదేశాలకు తరలిపోయింది. అదీ కూడా స్వయంగా ఈ వ్యవహారాన్ని పర్యవేక్షించారు. దీనికి సంబంధించి ఓ ప్రత్యేకమైన మిషన్ నడిచింది. ఇప్పుడి.. తెలంగాణతో పాటు... తమ రాష్ట్ర డేటా విషయంలో కేటీఆర్ చేస్తున్న హడావుడిని దగ్గరగా చూస్తున్న ఏపీ ప్రజల్లోనూ... ఆసక్తి రేకెత్తిస్తోంది. "కాల్‌ క్యాంపైన్‌ మిషన్" తో ప్రజల వ్యక్తిగత సమాచారం లీక్..! తెలంగాణ ప్రభుత్వం షెడ్యూల్ కన్నా ఆరు నెలల ముందే.. ముందస్తు ఎన్నికలకు వెళ్లింది. ఇందులో కేటీఆర్ కీలక బాధ్యతలు నిర్వహించారు. బాధ్యతల్లో తెర ముందే కాదు.. తెర వెనుక ప్రచార వ్యూహం కూడా ఉంది. అందులో భాగంగా.. "కాల్‌ క్యాంపైన్‌ మిషన్" అనే కార్యక్రమాన్ని ప్రారంభించారు. ఇందులో... వాలంటీర్లను ప్రవాస తెలంగాణ టీఆరఎస్ సానుభూతి పరులను ఇందు కోసం ఎక్కువగా వినియోగించుకున్నారు. వారితో ప్రత్యేకంగా టెలీకాన్ఫరెన్స్‌లు నిర్వహించి... తెలంగాణ ప్రజల డేటా మొత్తం...టీఆర్ఎస్ యాప్‌లో అప్‌లోడ్ చేస్తున్నామని... అందులో నుంచి సమాచారం తీసుకుని... "కాల్‌ క్యాంపైన్‌ మిషన్" లో భాగంగా ప్రజలకు ఫోన్లు చేసి.. ఓట్లు అభ్యర్థించాలని కోరారు.
50కుపైగా దేశాలకు చేరిన తెలంగాణ ప్రజల డేటా..? తెలంగాణ రాష్ట్ర సమితి.. తరపున పని చేయడానికి దాదాపుగా యాభై దేశాల్లో... తెలంగాణ ప్రజలు ఆసక్తి చూపించారని.. ఎన్నికల సమయంలో...టీఆర్ఎస్ వర్గాలు గొప్పగా చెప్పుకున్నాయి .ఆ ఉద్దేశం ఈ "కాల్‌ క్యాంపైన్‌ మిషన్". ఈ లెక్కన.. తెలంగాణ ప్రజల వ్యక్తిగత సమాచారం... యాభైకిపైగా దేశాలకు చేరిపోయిందని తెలుస్తోంది. ఇక్కడ ఉన్న ఫెసిలిటీ ఏమిటంటే.. యాప్‌లో ఉన్న తెలంగాణ ప్రజల వ్యక్తిగత సమాచారాన్ని డౌన్‌లోడ్ చేసుకుని.. దానికి తగ్గట్లుగా.. మిషన్ ను నిర్వహించాలనే సూచనలు ఉన్నాయి. అంటే.. ఫోన్ నెంబర్లు సహా.. ప్రజల వ్యక్తిగత సమాచారం.. దేశాలు దాటిపోయినట్లేనన్న విమర్శలు వస్తున్నాయి. ఎక్కడా సీక్రెసీ లేదు.. అంతా బహిరంగమే..! పోస్టర్లేశారు..! వాట్సాప్ స్టేటస్‌లు పెట్టారు..! ఇంకా ఎంత చేయాలంటే.. అంత చేశారు. ప్రభుత్వానికి సంబంధించిన అత్యంత సున్నితమైన సమాచారం... అయిన ప్రజల వివరాలు.. ప్రభుత్వ లబ్దిదారుల వివరాలు... టీఆర్ఎస్ భవన్ నుంచి యాప్‌లో అప్ లోడ్ చేశారని నేరుగా పోస్టర్లేసి మరీ.. సోషల్ మీడియాలో ప్రచారం చేసుకున్నారు. అసలు ప్రజల సమాచారం.. పార్టీ ఆఫీసు నుంచి ఎలా అప్ లోడ్ చేశారు. వారికి సమాచారం ఎలా వచ్చందన్నది.. అందరికీ తెలిసిన విషయమే. ఈ విషయంలో చెరపడానికి.. చెరిపేయడానికి వీల్లేని సాక్ష్యాలు ఉన్నాయి. యాప్‌లో అప్‌లోడ్ చేసి సమాచారాన్ని టీడీపీ యాప్ పై కేసు పెట్టిన తర్వాత కనిపించకుండా చేశారు. కానీ.. అప్ లోడింగ్.. డౌన్ లోడింగ్ వ్యవహారాలు డిలీట్ చేయలేరు. పాత వీడియో కాన్ఫరెన్సుల క్లిప్ లు డిలీట్ చేయలేరు. దానికి సంబంధించి వీడియోలు పోస్టర్లు అన్నీ సోషల్ మీడియాలో వైరల్ అవుతున్నాయి.
కేటీఆర్ చేసిన తప్పును.. టీడీపీపై నెట్టే ప్రయత్నం చేస్తున్నారా..? టీడీపీ యాప్‌లో ప్రభుత్వ సమాచారం ఉందో లేదో తెలియదు. కానీ ఆ పార్టీకి చెందిన 60 లక్షల మంది సభ్యుల సమాచారం ఉంది. సర్వే నివేదికలు ఉన్నాయి. సర్వేల పేరుతో టీడీపీ నేతలు మూడు కోట్ల మందికి రీచ్ అయ్యారు. ఆ వివరాలు ఉన్నాయి. అంత వరకూ తెలుసు. ఆధార్ డేటా లీకేజీ అని మొదట కేటీఆర్ ఆ తర్వాత పోలీసులు ప్రకటనలు చేశారు. కానీ.. అది అసాధ్యం అని నిపుణులు తేల్చారు. ఏపీ ప్రభుత్వం కూడా.. సాంకేతిక వివరాలతో మొత్తం వివరణ ఇచ్చింది. కానీ. .ఇప్పుడు.. తెలంగాణ ప్రభుత్వ డేటాను.. చోరీ చేసినట్లుగా...పరోక్షంగా కేటీఆర్ .. టీఆర్ఎస్ అంగీకరించినట్లుగా ఉన్న వీడియోలు, టీఆర్ఎస్ వ్యవహారాలు బయటకు వచ్చాయి. మరి దీనికి కేటీఎం ఏం చెబుతారు..? ఆయన ప్రెస్‌మీట్‌లో చెప్పినట్లు.. తెలంగాణ ప్రజల వ్యక్తిగత సమాచారం.. లీక్ చేయడం.. తీవ్రమైన నేరమా..? కాదా..? దీనిపై ఆయన బాధ్యత తీసుకుంటారా..? శకునం చెప్పే బల్లి కుడితిలో పడటం అంటే ఇదేనేమో..?.