ఆంధ్రప్రదేశ్ రాష్ట్రంలో ఉద్యోగులు, ప్రభుత్వం మధ్య తీవ్ర ఆగాధం ఏర్పడింది. ప్రభుత్వం తమను మోసం చేసింది అంటూ, ప్రభుత్వ ఉద్యోగులు సమ్మె బాట పట్టారు. ఉద్యోగులు సమ్మె చేస్తాం అని చెప్పటం అంటే, ప్రభుత్వం ఎంత విఫలం అయ్యిందో తెలుసుకోవచ్చు. పీఆర్సీ పేరుతో తమను మోసం చేసారని, ఈ రోజు కలక్టరేట్ ముట్టడి కూడా చేసారు ఉద్యోగులు. ఎక్కడికక్కడ ఉద్రిక్త పరిస్థితి మధ్య నిరసనలు నడుస్తున్నాయి. అయితే ఇది ఇలా ఉంటే, ఈ రోజు ఉద్యోగులు సంచలన నిర్ణయం దిశగా అడుగులు వేస్తున్నారు. ఆ సంఘం ఈ సంఘం అని లేకుండా, అన్ని సంఘాలు కలిసి ఒకే ఐక్య వేదికగా ఏర్పడాలని, అన్ని అభిప్రాయ బేధాలు పక్కన పెట్టి, పని చేయాలని, కలిసి ఉద్యోమాలు చేయాలని, ఎవరికి తోచిన విధంగా వారు కాకుండా, అందరం ఒక మాట మీద ఉండాలని నిర్ణయం తీసుకున్నారు. దీనికి సంబంధించి, ఈ రోజు సాయంత్రం ఒక మీడియా సమావేశం పెట్టి, జగన్ ప్రభుత్వానికి అల్టిమేటమ్ జారీ చేయనున్నారు. మరి ఉద్యోగుల ఒత్తిడికి జగన్ దిగి వస్తారో, మొండిగా వెళ్తారో చూడాలి.