వంగవీటి రంగాను చంపడం తప్పు కాదు అంటూ, వైఎస్ జగన్ దగ్గరి బంధువు, గౌతంరెడ్డి చేసిన వ్యాఖ్యలతో వంగవీటి రాధ, సొంత పార్టీ మీదే ఫైర్ అవుతున్నారు. అయితే, వంగవీటి రంగాపై తమ పార్టీ నేత పూనురు గౌతమ్ రెడ్డి చేసిన వ్యాఖ్యలను వైసిపి ఆదివారం ఖండించింది. గౌతంరెడ్డిని పార్టీ నుండి సస్పెన్షన్ చేస్తూ కొత్త డ్రామాకి తెర తీసింది.
కాని ఇవాళ ప్రెస్ మీట్ పెట్టిన వంగవీటి రాధ పార్టీ మీద అసంతృప్తితో ఉన్నట్టే కనిపిస్తుంది. ఒక పక్క గౌతంరెడ్డిని తిడుతూనే, సొంత పార్టీని కూడా ఏకి పడేశాడు రాధ. ఒక మనిషి చనిపోయిన తరువాత, ఇంత దారుణంగా ఎవరన్నా మాట్లాడుతారా ? మా పార్టీ ఇలాంటి వెధవలని ప్రోత్సహించింది కాబట్టే, ఈ రోజు పార్టీ పరిస్థితి ఇలా ఉంది అంటూ, వైసీపీ పార్టీని ఏకి పడేశాడు రాధ.
మరో పక్క, రత్న కుమారి, రాధ అరెస్ట్ గురించి, నిన్నటి నుంచి జగన్ బ్యాచ్ విష ప్రచారం చేస్తూ, తెలుగుదేశం ప్రభుత్వం, చంద్రబాబు కాపుల మీద కక్ష కట్టారు అని, విస్తృతంగా ప్రచారం చేసేంది. దీనికి కూడా రాధ సమాధానం చెప్తూ, ప్రభుత్వం మమ్మల్ని ఇలా అరెస్ట్ చెయ్యమంటుంది అని నేను అనుకోవట్లేదు, ప్రభుత్వానికి మా మీద కక్ష సాదించే అవసరం ఏముంది ? ఇదంతా పోలీసుల అత్యుత్సాహం అంటూ కొట్టి పారేసాడు రాధ...
రాధ చేసిన ఈ వ్యాఖ్యలతో, వైసిపి పార్టీలో గందరగోళం నెలకొంది. రాధ, జగన్ వ్యైఖరి మీద చాలా అసంతృప్తిగా ఉన్నాడు అనేది ఈ వ్యాఖ్యలతో అర్ధమవుతుంది అని, భవిష్యత్తు ఎలా ఉంటుందో అని వైసిపి శ్రేణులు అనుకుంటున్నాయి.