దాదాపుగా 7.560 కిలోమీటర్ల పొడవు గల అతిపెద్ద రైలు సొరంగ మార్గం... కశ్మీర్‌లోని అతి పెద్ద రైల్వే టన్నెల్ తరువాత ఇదే పెద్దది... ఇంతకీ ఎక్కడ అనుకుంటున్నారా ? మన రాష్ట్రంలోనే... నెల్లూ రు జిల్లా వెలుగొండలో ఉన్న ఈ టన్నెల్, నెల్లూరు-కడప మధ్య నేరుగా రైలు ప్రయాణాలకి ఉపయోగపడుతుంది... దక్షిణ భారతంలోనే అతిపెద్ద రైలు సొరంగ మార్గం ఈ సంవత్సరం మే నెల నాటికి అందుబాటులోకి రానుంది. రెండేళ్లక్రితం మొదలైన పనులు దాదాపుగా కొలిక్కి వచ్చాయి... 2005 నుంచి ఈ ప్రాజెక్ట్ పూర్తి చెయ్యాలి అనుకుంటూనే ఉన్నారు... కాని పనులు మాత్రం చెయ్యలేదు...
ఇంత పెద్ద సొరంగ మార్గం అయితే నిర్మించాలని అప్పట్లో అనుకున్నారు కాని, పనులు ఏ మాత్రం ముందుకు వెళ్ళలేదు.. 2015 మే నెలలో వెలుగొండ కొండల్లో సొరంగ మార్గం నిర్మాణం కోసం పనులు మొదలయ్యాయి. ఈ ఏడాది మేలోగా ఈ పనులు పూర్తి చేయాలని రైల్వే ఇంజనీర్లు గడువు పెట్టుకున్నారు. వారి అంచనాలకు తగ్గట్టుగానే సొరంగం పనులు చివరి దశకు చేరుకున్నాయి... వెంకటాచలం-ఓబులవారిపల్లి మధ్య, రూ.839 కోట్లతో 113 కి.మీ పొడవున రైలు మార్గానికి మొదట్లో ఖర్చవుతుందని అంచనా వేశారు...
ఈ సొరంగం రెండుగా ఉంటుంది... మొదటిది 6.600 కి.మీ సొరంగం తరువాత, మైదాన ప్రాంతం వస్తుంది... కొంచెం దూరం వెళ్ళిన తరువాత 0.960 కి.మీ. పొడవున మరో సొరంగం ఉంటుంది... ఈ సొరంగం ఎత్తు 8 మీటర్లు, వెడల్పు 7 మీటర్లు... రైల్వే లైను కోసం విద్యుత్‌ స్తంభాలు, ట్రాక్‌, సొరంగ మార్గంలో విద్యుత్‌ బల్బులు ఏర్పాటు చేస్తున్నారు... ఇంకా 100 మీటర్ల పనులు చేపట్టాల్సి ఉంది... ఈ పనులు అన్నీ మే నాటికి పూర్తవుతాయి అని చెప్తున్నారు...