నిన్న ప్రభుత్వ ఉద్యోగుల 'చలో విజయవాడ' ఎంత పెద్ద సక్సెస్ అయ్యిందో అందరికీ తెలిసిందే. రాష్ట్ర నలుమూలల నుంచి ప్రభుత్వ ఉద్యోగులు పెద్ద ఎత్తున వచ్చి చలో విజయవాడలో పాల్గున్నారు. పోలీసులు ఎన్ని నిర్బంధాలు పెట్టినా సరే, ప్రభుత్వం ఉద్యోగులు వచ్చి, చలో విజయవాడలో పాల్గున్నారు. పోలీసులు కూడా ఏమి చేయలేని పరిస్థితి. ఇంకో విషయం ఏమిటి అంటే, అక్కడ ఉన్న ప్రజలు దారి పొడవునా, ఉద్యోగులకు మద్దతు పలికారు. మంచి నీళ్ళు, నిమ్మ రసం, భోజనాలు, ఇలా ఎవరికి తోచింది వారు చేసారు. సరిగ్గా ఇక్కడే అధికార పార్టీకి మైండ్ బ్లాంక్ అయ్యింది. పోలీసులను పెట్టేశాం, నిర్బందించాం, ఇక ఉద్యోగులు రారులే అని అనుకున్నారు. కానీ ఆ వీడియోలు, ఉద్యొగుల తిరుగుబాటు చూసి, కౌంటర్ స్ట్రాటజీ మొదలు పెట్టారు. అదేమిటి అంటే, ఉద్యోగులను ప్రజల్లో చులకన చేయాలి అని, దాని కోసం ఒక పన్నాగం పన్నారు. తమ సొంత చానెల్ అయిన సాక్షిలో, కామన్ మ్యాన్ వాయిస్ అంటూ, వీడియో విడుదల చేయటం మొదలు పెట్టారు. అందులో వారిని కిరాణా కొట్టు వారిగా, రిటైర్డ్ ఉద్యోగులుగా, యువతగా, స్టూడెంట్ గా, ఇలా రకరకాల వర్గాల వారి చేత మాట్లాడించి, ఉద్యోగులు చేస్తున్న స్ట్రైక్ పై విషం చిమ్మించారు. ఉద్యొగులకు ప్రభుత్వం మద్దతు లేదని చెప్పే ప్రయత్నం చేసారు.
అయితే సరిగ్గా ఇక్కడే, ప్రతి సారి దొరికినట్టే దొరికిపోయారు. అధికార పార్టీ నేతల అత్యుత్సాహం బెడిసి కొట్టింది. ఈ రోజు సోషల్ మీడియాలో ఒక వీడియో తెగ వైరల్ అవుతుంది. అందులో, ఉన్నది చూసి, వైసీపీ వాళ్ళు కూడా షాక్ తిన్నారు. ఆ కామన్ మ్యాన్ వాయిస్ మొత్తం సామాన్యులు కాదు, అందులో ఉన్నది మొత్తం వైసీపీ నేతలే. వైసిపే యూత్ ప్రెసిడెంట్, వైసీపీ మండల ప్రెసిడెంట్ , ఇలా మొత్తం వైసీపీ నాయకులే అందులో ఉన్నారు. వైసీపీ నేతల చేత, సామాన్యులు లాగా మాట్లాడించి, తప్పుడు పేర్లు, తప్పుడు వృత్తి పెట్టి, వాళ్ళు సామాన్యులు అని, ఉద్యోగుల పైన ప్రజల్లో అభిప్రాయం మార్చే ప్రయత్నం చేసారు. అయితే ఇప్పుడు ఆ ఫోటోలు, వాళ్ళు వైసిపీ కార్యక్రమాల్లో ఉన్న ఫోటోలు, మొత్తం వైరల్ అయ్యాయి. అధికార పార్టీ, ఉద్యోగుల పై పన్నిన కుట్ర మొత్తం బయట పడింది. ఇన్నాళ్ళు ఇలా ప్రజాభిప్రాయం పేరిట, కొన్ని చానెల్స్ ని అడ్డు పెట్టుకుని, వైసీపీ నేతలు, ఎలా చేస్తుంది, చూసి, సోషల్ మీడియాలో ఆశ్చర్య పోతున్నారు.